18-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ ଅନ୍ତର୍ଗତ ୧୪ ଜୋନ୍ ଗେର୍ଡା, ଖୁଣ୍ଟସମଳେଇ, ଘସିଏନ ଓ ୯ ଗୋଟି ଗ୍ରାମ ପଞ୍ଚାୟତକୁ ନେଇ ଗେର୍ଡା ଆମ୍ବ ତୋଟା ଠାରେ ଜୋନ୍ ସଭାପତି ବଲ୍ଲଭ ଧରୁଆଙ୍କ ସଭାପତିତ୍ବରେ ଭାରତୀୟ ଜନତା ପାର୍ଟି ପକ୍ଷରୁ ମଣ୍ଡଳ ସ୍ତରୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ପାଟଣାଗଡ଼ ମହାରାଜା ତଥା ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ଯୋଗଦାନ କରି

ସଭାକୁ ସାଫଲ୍ୟ ମଣ୍ଡିତ କରିଛନ୍ତି। ସମ୍ମାନୀତ ଅତିଥି ଭାବେ ପାଟଣାଗଡ଼ ବ୍ଳକ ଅଧ୍ୟକ୍ଷ ଭକ୍ତବନ୍ଧୁ ନାଏକ, ସମିତି ସଭ୍ୟ ଜୟନ୍ତ କୁମ୍ଭାର, ଜିଲ୍ଲା ପରିଷଦ ସାବିତ୍ରୀ ସେରାଫ, ପୂର୍ବତନ ଜିଲ୍ଲାପରିଷଦ କରମ ସିଂ ସେରାଫ,କୃଷକ ମୋର୍ଚ୍ଚା ସଭାପତି ମାଧବ ସାଏ,ଗେର୍ଡା ର ଗଁନ୍ତିଆ କିର୍ତିଚନ୍ଦ୍ର ଧରୁଆ ପ୍ରମୁଖ ମଞ୍ଚାସୀନ ଥିଲେ। ଉକ୍ତ ସଭାରେ ମୁଖ୍ୟ ଅତିଥି ଶ୍ରୀ ସିଂ ଦେଓ କର୍ମୀ ମାନଙ୍କୁ କେନ୍ଦ୍ର ସରକାରଙ୍କ ଲୋକାଭିମୁଖୀ କାର୍ଯ୍ୟ ଓ ରାଜ୍ୟ ସରକାରଙ୍କ ବିଫଳତା ସମ୍ପର୍କରେ କହିଛନ୍ତି। ସମସ୍ତେ ଏକାଠି ହୋଇ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ। ଆଗାମୀ ପଞ୍ଚାୟତ ନିର୍ବାଚନରେ କିପରି ଭାବରେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତା ବିଜୟ ହାସଲ କରିବେ ସେଥିପାଇଁ

ଚିନ୍ତା କରିଥିଲେ। ବିଜେଡି ଓ କଂଗ୍ରେସର ୧୫୦ ଜଣ ସଦସ୍ୟ ଭାରତୀୟ ଜନତା ପାର୍ଟିରେ ଯୋଗଦାନ କରିଥିବା ଜଣାପଡିଛି।  ଖୁଣ୍ଟସମଳେଇର ଯୁବନେତା ଅର୍ଜୁନ ମେହେରଙ୍କ ନେତୃତ୍ୱରେ ବହୁ ଲୋକ ଦଳରେ ସାମିଲ ହୋଇଥିଲେ। ବ୍ଳକ ଅଧ୍ୟକ୍ଷ ଭକ୍ତବନ୍ଧୁ ନାଏକ ଉକ୍ତ ବୈଠକରେ ବିଜେପି ସମିତି ସଭ୍ୟ ପ୍ରାର୍ଥୀ ଚୟନ କରିଛନ୍ତି।ମୋହନ ପଣ୍ଡା , ଶ୍ରୀମତୀ ସୁଜାତା ଭୋଇ, ଜ୍ଞାନେନ୍ଦ୍ର ସାହୁ, ଭୁବନେଶ୍ୱର ମେହେର,ଘନ ଥନାପତି,ରାଜିନ୍ଦ୍ର ଚିନ୍ଦା,ପୁରୁନ୍ଦର ସାହୁ,ମିଲାପ ବିଶ୍ବାଳ,ମିତ୍ର ରଣା, ମହେନ୍ଦ୍ର ସାହୁ, ମହାଦେବ ମେହେର, ଲୋଚନ ନାଏକ , ସୁରେନ୍ଦ୍ର ନାଗ ଙ୍କ ସମେତ ଶତାଧିକ କର୍ମକର୍ତ୍ତା ଉପସ୍ଥିତ ଥିଲେ। ଶେଷରେ ସଭାପତି ବଲ୍ଲଭ ଧରୁଆ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ।