18-Dec-2021

ପାଟଣାଗଡ଼  ପାଟଣାଗଡ଼ ଉପଖଣ୍ଡ ବେଲପଡା, ଖପ୍ରାଖୋଲ, ପାଟଣାଗଡ଼ ବ୍ଳକ ଏବେ ପ୍ରଚୁର ପରିମାଣରେ ବେଆଇନ କାରବାର ବଢ଼ିଚାଲିଛି । ତତ୍ ସଙ୍ଗେ ସଙ୍ଗେ ଅପରାଧୀ ମାମଲା ବଢ଼ି ଚାଲିଥିବା ବେଳେ ବିଭିନ୍ନ ସ୍ଥାନରେ କିଛି ଅସାଜିକ ବ୍ୟକ୍ତି ଖୁଡୁଖୁଡୁ ପଟି ତଥା ଜୁଆ ଖେଳ କରିଚାଲିଛନ୍ତି। ବର୍ତ୍ତମାନ ଦାଦନ ଋତୁ ଚାଲିଥିବାରୁ ସର୍ଦ୍ଦାର ମାନେ ଦାଦନ ଶ୍ରମିକ ମାନଙ୍କୁ ବଇନା ଦେଉଛନ୍ତି ହେଲେ ସେହି ବଇନା ଟଙ୍କା କୁ ଠିକ୍ କାର୍ଯ୍ୟରେ ନ ଲଗାଇ ଜୁଆ ଖେଳ ରେ ଦେଇ ସର୍ବହରା ହେଉଛନ୍ତି। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଖପ୍ରାଖୋଲ ଥାନା ଗମ୍ଭାରୀ ଗାଁ ରେ ମାଁ ଲକ୍ଷ୍ମୀ ପୂଜା ଚାଲିଛି ଏବଂ ରାତିରେ ବିଭିନ୍ନ କାର୍ଯ୍ୟକ୍ରମ ଗୁଡିକ ଚାଲିଥିବା ଶୁଣିବାକୁ ମିଳୁଛି। ସେହି ପୂଜା ଠାରେ ରାତିରେ ଜୁଆ ଖେଳ ହେଉଥିବା ଶୁଭୁଛି ଏବଂ ଜୁଆ ଖେଳ ର ଗୋଟିଏ ଫଟୋ ସୋସିଆଲ ମିଡିଆରେ ଭାଇରାଲ ହେଉଥିବା ଜଣାପଡ଼ିଛି।ଏହାକୁ ଭିତ୍ତିକରି ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ଯାତ୍ରା ପାଖକୁ ଆସି ଚେକିଂ କରିଥିଲେ ସୁଦ୍ଧା କୌଣସି ଢେର ପାଉନଥିବା ସେ କହିଛନ୍ତି।ଆମେ ତାଙ୍କୁ ଯୋଗାଯୋଗ କରି ପଚାରି ବୁଝିବା ରୁ ସେ କହିଲେ ମୁଁ ଗତକାଲି ରାତିରେ ଚେକିଂ କରିଥିଲି କିନ୍ତୁ କୌଣସି ପତ୍ତା ମିଳିନାହିଁ ଏବଂ ମୁଁ ମଧ୍ୟ ଶୁଣିବାକୁ ପାଇଲି ଯେ ପ୍ରକୃତରେ

ଏଠାରେ ଜୁଆ ଖେଳ ଚାଳିଛି। ଆଜି ଶେଷ ରାତିରେ ବାଧ୍ୟତାମୂଳକ ଧରିବା ପାଇଁ ଚେଷ୍ଟା କରିବି।ଏଠି ସନ୍ଦେହ ଜାତ ହେଉଛି ଯେ ଥାନା ର କୌଣସି ଷ୍ଟାଫ୍ ନିଶ୍ଚୟ ସହଯୋଗ କରୁଥିବେ ନଚେତ୍ ଅଫିସର ଇନ୍ଚାର୍ଜ ଆସିବା ଖବର ପାଉଛନ୍ତି କିପରି ? ଥାନା ଅଧିକାରୀ ମନାକଲା ପରେ ସୁଦ୍ଧା ଖେଳ ହେଉଥିବା ଆଶ୍ଚର୍ଯ୍ୟ ଜନକ କଥା। କେଉଁ ଗଦ୍ଦାର ଙ୍କ ଆଶିର୍ବାଦ ରେ ଏଭଳି କାର୍ଯ୍ୟ ହେଉଛି ତା ପ୍ରତି ନଜର ରଖି ଦୃଢ କାର୍ଯ୍ୟାନୁଷ୍ଠାନ କରିବା ପାଇଁ ସାଧାରଣରେ ଦାବି ହେଉଛି। ଦେଖିବାକୁ ବାକି ରହିଲା ଯେ ସତରେ ଆଜି ଥାନା ଅଧିକାରୀ ରମାକାନ୍ତ ସାହୁ ଜୁଆଡି ମାନଙ୍କୁ ଧରିବାରେ ସକ୍ଷମ ହେଉଛନ୍ତି ନାଁ ବିଫଳ ହେଉଛନ୍ତି।