18-Dec-2021

 ବିନିକା(ହିମାଂଶୁ ଶେଖର ପୁଟେଲା)     

ମନ୍ଦିର ମାଳିନୀ ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର (କଲ୍ୟାଣ ମଣ୍ଡପ) ଠାରେ ଆସନ୍ତାକାଲି ୧୯/୧୨ ଅର୍ଥାତ ରବିବାର ଦିନ କୋଶଲିଆମାଲି ସମାଜର ରାଜ୍ୟସ୍ତରୀୟ ନିର୍ବାଚନ ହେଉଥିବାରୁ ସୁବର୍ଣ୍ଣପୁର ଜିଲ୍ଲା ପାଇଁ ଗର୍ବ ଓ ଗୌରବ ବୋଲି ବିନିକା ବ୍ଳକ ଚରଦା ପଞ୍ଚାୟତର ପୂର୍ବତନ ସମିତିସଭ୍ୟ ତଥା ସାମ୍ବାଦିକ ହିମାଂଶୁ ଶେଖର ପୁଟେଲ କହିଛନ୍ତି । ନିର୍ବାଚନ ହେଉଥିବାରୁ ରାଜ୍ୟର ୯ଗୋଟି ଜିଲ୍ଲା  କଳାହାଣ୍ଡି,ନୂଆପଡ଼ା,ବଲାଙ୍ଗୀର,ବରଗଡ଼, ସମ୍ବଲପୁର,ବୌଦ୍ଧ,ସୁବର୍ଣ୍ଣପୁର,ଅନୁଗୁଳ,ରାୟଗଡ଼ା ପ୍ରଭୃତି ଜିଲ୍ଲାର ଜିଲ୍ଲା ସ୍ତରୀୟ କର୍ମକର୍ତ୍ତା,ମଣ୍ଡଳ ସ୍ତରୀୟ କର୍ମକର୍ତ୍ତା ଏଥିରେ ସାମିଲ ହେଉଥିବା ଜଣାପଡିଛି । ଦୂରଦୂରାନ୍ତରୁ ଆସିବାକୁ ଥିବା ମାଲି ସମାଜର ବୟୋଜ୍ୟେଷ୍ଠ ତଥା ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କ ସହିତ ସମ୍ପର୍କ ସ୍ଥାପନ ଏବଂ ତାଙ୍କ ଠାରୁ କିଛି ଜାଣିବା,ଶିଖିବା ପାଇଁ ସାରା ସୁବର୍ଣ୍ଣପୁର ଜିଲ୍ଲାର କୋଣ ଅନୁକୋଣରେ ଥିବା ମାଲି ସମାଜ ଭାଇ,ଭଉଣୀ ଓ ଜାତି ସମାଜରେ ଉତ୍ସାହ ପରିଲକ୍ଷିତ ସୃଷ୍ଟି କରିଛି । ଅନ୍ୟ ପକ୍ଷରେ ତୃଣମୂଳ ସ୍ତରରୁ ରାଜ୍ୟସ୍ତର ଯାଏ ସମାଜକୁ କିପରି ଶୃଙ୍ଖଳିତ,ସୁଦୃଢ କରାଯିବା ସାଂଗକୁ ବିଭିନ୍ନ ସାମାଜିକ,ଅର୍ଥନୈତିକ ଓ ସଚେତନତା କାର୍ଯ୍ୟକ୍ରମ ମାଧ୍ୟମରେ ସମାଜର ପ୍ରଗତିରେ ଉନ୍ନତି ଆସିବ ସେ ଦିଗରେ ଏହି ନବ ନିର୍ବାଚିତ କମିଟି ସମ୍ପୂର୍ଣ ଭାବରେ ପ୍ରୟାସ କରିବ ବୋଲି ସମାଜର ଜଣେ ବୟୋଜ୍ୟେଷ୍ଠ ବ୍ୟକ୍ତିଙ୍କ ମୁଖରୁ ଶୁଣାଯାଏ । ରାଜ୍ୟସ୍ତରୀୟ ନିର୍ବାଚନ ସୁବର୍ଣ୍ଣପୁର ଜିଲ୍ଲାରେ ହେଉଥିବାରୁ ଭୋଟ ଦେବାର ଅଧିକାର ନଥିଲେ ମଧ୍ୟ କାର୍ଯ୍ୟକ୍ରମରେ ଯୋଗଦେବା ପାଇଁ ପ୍ରାୟ ଏକ ହଜାରରୁ ଅଧିକ ମାଲି ଜାତି ଲୋକଙ୍କ ସମାଗମ ହେବାର ଆଶଙ୍କା ରହିଛି । ତେବେ ମିଳିଥିବା ସୂଚନା ଅନୁସାରେ ସୁବର୍ଣ୍ଣପୁର ଜିଲ୍ଲା ସ୍ତରୀୟ କର୍ମକର୍ତ୍ତା ଙ୍କ ସହିତ ବିଭିନ୍ନ ମଣ୍ଡଳରୁ ସର୍ବମୋଟ ୨୭ଜଣ ଏହି

ନିର୍ବାଚନରେ ଭୋଟ ଦେବାକୁ ଯାଉଥିବାବେଳେ ବୌଦ୍ଧ ଜିଲ୍ଲାରୁ ୧୩ଜଣ,ବଲାଙ୍ଗୀର ଜିଲ୍ଲାରୁ ୫୯ଜଣ,କଳାହାଣ୍ଡି ଜିଲ୍ଲାରୁ ୩୮ଜଣ,ନୂଆପଡ଼ା ଜିଲ୍ଲାରୁ ୧୯ଜଣ,ବରଗଡ଼ ଜିଲ୍ଲାରୁ ୩୫ଜଣ, ସମ୍ବଲପୁର ଜିଲ୍ଲାରୁ ୧୮ଜଣ,ଅନୁଗୁଳ ଜିଲ୍ଲାରୁ ୯ଜଣ ଏବଂ ରାୟଗଡ଼ା ଜିଲ୍ଲାରୁ ୧୩ଜଣ ମତଦାନ କରିବେ ବୋଲି ଜଣାପଡିଛି ।ସମାଜର ପ୍ରଗତି ପଥରେ ସହାୟକ ହୋଇ ଆସୁଥିବା  ଆରାଧ୍ୟଦେବତା ବାବା କୋଶଳେଶ୍ୱରଙ୍କ ଆଶୀର୍ବାଦ ସମାଜ ଉପରେ ସଦାସର୍ବଦା ରହିଥିବାରୁ ଉକ୍ତ ନିର୍ବାଚନ ଶାନ୍ତିଶୃଙ୍ଖଳା ସହିତ ସମାପନ ହେବ ଏବଂ ନୂତନ କମିଟି ନୂତନ ଚିନ୍ତାଧାରାରେ ରାଜ୍ୟ ସ୍ତରୀୟ ସଂଗଠନକୁ ମଜଭୁତ କରିବାରେ ଆଗାମୀ ଦିନରେ ପ୍ରମୁଖ ଭୂମିକା ତୁଲାଇବ ବୋଲି ଆଶା କରାଯାଉଛି ।