18-Dec-2021

ଚିଲିକା (ପ୍ରେରଣା ଖବର ବ୍ୟୁରୋ) ଆସନ୍ତା ୨୦୨୨ ଜାନୁଆରୀ ୪ ତାରିଖରୁ ଚିଲିକା ରେ ପକ୍ଷୀ ଗଣନା କାର୍ଯକ୍ରମ ଆରମ୍ଭ ହେବ ବୋଲି ଚିଲିକା ବନ୍ୟପ୍ରାଣୀ ବିଭାଗ ପକ୍ଷରୁ ସୂଚନା ମିଳିଛି । ସୂଚନା ଅନୁଯାୟୀ ପକ୍ଷୀ ଙ୍କ ଭୂସ୍ବର୍ଗ ଚିଲିକାରେ ଶୀତକାଳୀନ ପକ୍ଷୀ ଗଣନା କାର୍ଯକ୍ରମ ବନବିଭାଗ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଲକ୍ଷ୍ୟ ଲକ୍ଷ୍ୟ ବିଦେଶୀ ପକ୍ଷୀ ଚିଲିକା କୁ ଆସୁଥିବାରୁ ପକ୍ଷୀ ଗଣନା ପାଇଁ ଚିଲିକାକୁ ୫ ଟି ଜୋନ ରେ ବିଭକ୍ତ କରାଯାଇ ୨୨ ଟି ଟିମ୍  ନିୟୋଜିତ କରିବାର ସୂଚନା ମିଳିଛି । ଏଥି ମଧ୍ୟରୁ ଟାଙ୍ଗୀ  ଜୋନ ରେ ୮ ଟି ଟିମ୍,ବାଲୁଗାଁ ରେ ୫, ସାତପଡ଼ା ରେ ୩, ରମ୍ଭା ଓ କୃଷ୍ଣ ପ୍ରସାଦ ଜୋନ ରେ ବାକି ଟିମ୍ ରହିବାର ସ୍ତିର କରାଯାଇଛି । ଗଣନା କାର୍ଯ୍ୟରେ ଚିଲିକା ବନ୍ୟପ୍ରାଣୀ ବିଭାଗ ଅଧିକାରୀ,ଚିଲିକା ଉନ୍ନୟନ ପରିଷଦ,ପକ୍ଷୀ ସୁରକ୍ଷା ସମିତି କର୍ମଚାରୀ ଓ ସ୍ୱେଚ୍ଛାସେବୀ ମାନଙ୍କୁ ନିୟୋଜିତ କରିବାର ଯୋଜନା ରଖିଛନ୍ତି । 

   ଗଣନା କାର୍ଯ୍ୟ ସକାଳ ୬ ଟାରୁ ଆରମ୍ଭ ହେବ ଏବଂ ଜିପିଏସ ଓ ବାଇନାକୁଳର ବ୍ୟବହାର କରାଯିବ । 
   ସୂଚନାନୁସାରେ ଗତବର୍ଷ ଚିଲିକାକୁ ସର୍ବାଧିକ ୧୨ ଲକ୍ଷ୍ୟ ୪୨ ହଜାର ୮୨୬ ବିଦେଶୀ ପକ୍ଷୀ ଆସିଥିଲେ । ଏହାର ପୁର୍ବ ବର୍ଷ ୧୧ ଲକ୍ଷ୍ୟ ୫ ହଜାର ୪୦ ବିଦେଶୀ ପକ୍ଷୀ ଆସିଥିବା ସୂଚନାରୁ ଜଣାପଡିଛି ।
   ଇରାନ,ଇରାକ,ମଙ୍ଗୋଲିଆ,ଋଷ୍,ଆଫଗାନିସ୍ଥାନ, ଜାପାନ,ସାଇବେରିଆ, ଓ ଉତ୍ତର ଗୋଲାର୍ଦ୍ଧ ର ବିଭିନ୍ନ ଅଂଚଳରୁ ପ୍ରାୟ ୧୦୦ ରୁ ଅଧିକ ପ୍ରଜାତି ର ପକ୍ଷୀ ମାନେ ଆସିଥାନ୍ତି । ଏହି ପକ୍ଷୀ ମାନଙ୍କ ମଧରେ ବିଭିନ୍ନ ପ୍ରଜାତି ର ପକ୍ଷୀମାନେ ହେଲେ, ରୁଡ଼ି ସେଲଡକ୍, ନର୍ଦ୍ଦନ ପିଣ୍ଟେଲ,ନର୍ଦ୍ଦନ ଶୋଭେଲର,କଟନ ଟିଲ୍,ଗ୍ରେ ଲାଗ୍ ଗିଜ୍, ବାର୍ ହେଡେଡ ଗୀଜ୍,ଗଡୱାଲ୍,ଗେଣ୍ଡାଲିଆ, ଗାର୍ଗାନ୍,ସ୍ପଟ୍ ବିଲ୍ଡ ଡକ୍ ,ଗେଲଡେନ୍ , ପ୍ଲୋଭର, ଇତ୍ୟାଦି ବିଦେଶୀ ପକ୍ଷୀ ଙ୍କ ସମେତ ଗେଣ୍ଡି,ବାଜେଣି, ଏରା,      ତା' ଚଢ଼େଇ , ସନ୍ତିଆଲ, ଦା ' ବେନ୍ତିଆ, ସମୁଦ୍ରକୂଆ, ଦାଦରାହଣା,ଓ ଚକୁଆ ଚକୋଇ ପକ୍ଷୀ ଆସୁଛନ୍ତି ।ଚଳିତ ବର୍ଷ ଅଧିକରୁ ଅଧିକ ସଂଖ୍ୟକ ବିଦେଶୀ ପକ୍ଷୀ ଚିଲିକା କୁ ଆସିବାରେ ଲାଗିଛନ୍ତି ।