17-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ):  ବଲାଙ୍ଗିର ଜିଲ୍ଲା ବେଲପଡା ବ୍ଳକ ମୁନା ପାଲି ଗାଁ ରେ ମାର୍ଗଶିର ମାସ ଶେଷ ଗୁରୁବାର ପାଇଁ ମହାଲକ୍ଷ୍ମୀ ପୂଜା ଅନୁଷ୍ଠିତ ହୋଇଥିଲା। ସୋମବାର ଦିନ କଳସ ଯାତ୍ରା ହୋଇଥିବା ବେଳେ ମଙ୍ଗଳବାର, ବୁଧବାର, ଗୁରୁବାର ହୋମ ଯଜ୍ଞ ହୋଇ ପୂଜାର୍ଚ୍ଚନା

ହୋଇଥିଲା ଏବଂ  ଆଜି ପୂର୍ଣ୍ଣାହୁତି ହୋଇଛି।କରୋନା ମହାମାରୀ ଯୋଗୁଁ ମନୋରଞ୍ଜନ କାର୍ଯ୍ୟକ୍ରମ ନ ରଖି ସାଧାରଣ ଭାବେ ପୂଜା ପାଉଥିଲେ ଓ ଆଜି ପୂର୍ଣ୍ଣାହୁତି ଦିନ ଗାଁ ର ସମସ୍ତେ ଏକାଠି ହୋଇ ପ୍ରସାଦ ସେବନ କରୁଥିଲେ। ଗାଁ ର ଏପରି ମିଳନ ଦେଖି ଅଞ୍ଚଳବାସି ସାଧୁବାଦ ଜଣାଇଛନ୍ତି। ମାଁ ଲକ୍ଷ୍ମୀ ଠାକୁରାଣୀ ଙ୍କ ପୂଜା ରେ କର୍ତ୍ତା ହିସାବରେ ବ୍ରଜ ଛତ୍ରିଆ ଓ ତାଙ୍କ ପତ୍ନୀ କଳ୍ପନା ଛତ୍ରିଆ ଦାୟିତ୍ଵ ତୁଲାଇଥିଲେ। ଏବଂ ପୂଜକ ଭାବେ କୌଲାସ ପାଢ଼ୀ ଦାୟିତ୍ଵ ତୁଲାଇଥିବା ବେଳେ

ପ୍ରାନ୍ୟ ଗାୟିକା ଭାବରେ ଗୀତାଞ୍ଜଳୀ ଦାସ କାର୍ଯ୍ୟ ସମ୍ପୂର୍ଣ୍ଣ କରିଥିଲେ। ପୂଜା କମିଟି ର ମୂରଳୀ ମେହେର,ପିଲାବୁଡୁ ମେହେର, ମାର୍କଣ୍ଡ କେତକୀ, ସୁନ୍ଦର ମେହେର, ବଂଶୀଧର ସମେତ ଗ୍ରାମବାସୀଙ୍କ ସାହାଯ୍ୟ ଓ ସହଯୋଗ ରହିଥିଲା।ପ୍ରଥମ ରାତିରେ ମୁଖ୍ୟ ଅତିଥି ଭାବେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗଦାନ କରି ମାଁ ଙ୍କ ଦର୍ଶନ ଓ ଦର୍ଶକ ମାନଙ୍କୁ ଉତ୍ସାହିତ କରୁଥିଲେ ବୋଲି ଜଣାପଡିଛି।