17-Dec-2021

ବୀରମହାରାଜପୁର, ( ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଜୁ ପଟ୍ଟନାୟକ ମିନି ଷ୍ଟାଡିୟମରେ ଦିନିକିଆ ନକ ଆଉଟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଉଦଘାଟନ ଉତ୍ସବରେ ସମାଜସେବୀ  ପର୍ଶୁରାମ ଦେହୁରୀ ମୁଖ ଅତିଥିଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ । ଏହି ପ୍ରତିଯୋଗିତାରେ ଲାତୁରପେଟ,

ଫୁଲଚରା, ସଂଗ୍ରାମପୁର, କୁତମେଣ୍ଡା ,କଇରାଝୁଲି, ସୁବଳୟା, ବୀରମହାରାଜପୁର ଓ ବିଶିପଡା ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମ ସେମିଫାଇନାଲ୍ ସଂଗ୍ରାମପୁର ସହ ଲାତୁରପେଟ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ସଂଗ୍ରାମପୁର ଦଳ ଫାଇନାଲ ମ୍ଯାଚକୁ ଯାଇଥିଲା । ଦ୍ଵିତୀୟ ସେମିଫାଇନାଲ ମ୍ୟାଚରେ କଇରାଝୁଲି କୁ ପରାସ୍ତ କରି ବୀରମହାରାଜପୁର ଦଳ ଫାଇନାଲ କୁ ପ୍ରବେଶ କରିଥିଲା । ଅପରାହ୍ନ ସମୟରେ

ବୀରମହାରାଜପୁର ସହ ସଂଗ୍ରାମପୁର ମଧ୍ୟରେ ଫାଇନାଲ ମ୍ୟାଚରେ ଅନୁଷ୍ଠିତ ହୋଇଥିଲା । ଏଥିରେ ବୀରମହାରାଜପୁର ଦଳ ଚମ୍ପିଆନ୍ ହୋଇଥିଲା । ଉଦଯାପନୀ ଉତ୍ସବରେ ରେଫରୀ ଦୁର୍ଗାମାଧବ ନାଏକ ମୁଖ୍ଯ ଅତିଥି ଭାବରେ ଯୋଗଦେଇ ବିଜେତା ଖେଳାଳିଙ୍କୁ ପୁରସ୍କୃତ କରିଥିଲେ । ଅଧ୍ୟାପକ ସୁଧାଂଶୁ ଶେଖର ପାଢୀ, ଅଜିତ ନାଏକ, ଶିକ୍ଷାବିତ୍ ଜଗ ଭୋଇ, ସମାଜସେବୀ ଶୈଳ ରଞ୍ଜନ ବାଦୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଶିକ୍ଷକ ଅଭିମନ୍ୟୁ ବଗର୍ତ୍ତୀ ଓ ସୁରଜ ଭୋଇ ସହଯୋଗ କରିଥିଲେ ।