17-Dec-2021

 ସିନ୍ଧେକେଲା,  ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଶେଷ ସୀମାରେ ଥିବା ଜାମଖୁଣ୍ଟା ପଞ୍ଚାୟତର ଜାମଖୁଣ୍ଟା ରେ ନୂତନ ପଞ୍ଚାୟତ ଗୃହ ଗୁରୁବାର ଦିନ ଉଦଘାଟନୀ ଉତ୍ସବ ଅନୁଷ୍ଠିତ ହୋଇଯାଇଅଛି । ଜାମଖୁଣ୍ଟା ପଞ୍ଚାୟତ ସରପଞ୍ଚ ଉଜଳୀ ତାଣ୍ଡି ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ମୁଖ୍ୟ ଅତିଥି ଭାବରେ ଯୋଗଦେଇ ଉକ୍ତ ପଂଚାୟତ ଗୃହର ଶୁଭ ଉଦଘାଟନ କରିଥିଲେ l ସମ୍ମାନିତ ଅତିଥି ଭାବରେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ଶ୍ରୀମତୀ ରଞ୍ଜୁବାଳ ବେହେରା, ଉପାଧ୍ୟକ୍ଷ ମାମରାଜ ଜୈନ, ବିଡ଼ିଓ ରିପୁନାଥ ସୁନା , ସମିତି ସଭ୍ୟା ଶ୍ରୀମତୀ ଡୋଳାମଣି ତାଣ୍ଡି, ବ୍ଲକ ସରପଞ୍ଚ ସଂଘ ସଭାପତି ଉପେନ୍ଦ୍ର ମେହେର, ଜାମଖୁଣ୍ଟା ପୂର୍ବତନ ସରପଞ୍ଚ ତଥା ବଲାଙ୍ଗୀର ଜିଲ୍ଲା କଂଗ୍ରେସ ସମ୍ପାଦକ ବିଘ୍ନରାଜ ନାୟକ, କଂଗ୍ରେସ ବରିଷ୍ଠ ନେତା ମାଧବ ମହାନନ୍ଦ ,କଂଗ୍ରେସ ନେତା ଭୋଳାନାଥ ବେହେରା ପ୍ରମୁଖ ଉପସ୍ଥିତ ରହି ଉଦବୋଧନ ଦେଇଥିଲେ l ଏହି ଅବସରରେ ଚାନ୍ଦୋତରାରେ ବନ୍ଦ ପଡିଥିବା

ହାଇସ୍କୁଲର ପୁନର୍ବାର ସ୍ଥାପନ , ଶ୍ରୀ ଜଗନ୍ନାଥ ମନ୍ଦିର ର ପୁନର୍ବାର ନିର୍ମାଣ ଆଦି ସମ୍ପର୍କରେ ଆଲୋଚନା କରାଯିବା ସହ ବିଧାୟକ ଶ୍ରୀ ସାଲୁଜା ଭୁର୍ଷାଗୁଡା ଗ୍ରାମରେ ଅନୁଷ୍ଠିତ ଲକ୍ଷ୍ମୀ ପୂଜାରେ ପହଞ୍ଚି ସେଠାରେ ମାଁ ଲକ୍ଷ୍ମୀ ଙ୍କ ଦର୍ଶନ କରିଥିଲେ । ଏହି ସମୟରେ ଅଞ୍ଚଳର କୁଣ୍ଡାନଳା ଉନ୍ନତି କରିବା, ପଲ୍ଲୀ ପ୍ରଗତି ଉଚ୍ଚ ବିଦ୍ୟାଳୟ କୁ ସ୍ମାର୍ଟସ୍କୁଲ ରେ ସାମିଲ କରିବାକୁ ଜନସାଧାରଣ ଦାବୀ କରିଥିଲେ l କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ସିନ୍ଧେକେଲା ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ , ଦେଢଗାଁ ସମିତି ସଭ୍ୟ ପିତାମ୍ବର ସୁନା , ଚାନ୍ଦୋତରା ସମିତି ସଭ୍ୟ ପ୍ରତିନିଧି ଘାସିରାମ ସାହୁ ,  ଭୋଜରାଜ ପୁଟେଲ , ପ୍ରଦୀପ ଜାଲ ପ୍ରମୁଖ ସାମିଲ ହୋଇଥିଲେ । ଏହି ଅବସରରେ ଜାମଖୁଣ୍ଟା ପଞ୍ଚାୟତ ତୁରେକେଲା ଗ୍ରାମର ବାନ୍ଦବ ଭୋଇ ଓ ମୁନି ଦାସ ଦୁଇ ଜଣ ବିଜେଡି କର୍ମୀ କଂଗ୍ରେସ ରେ ଯୋଗଦାନ କରିଥିଲେ ।