16-Dec-2021

ରେଙ୍ଗାଲି କେମ୍ପ:- ବରଗଡ ଜିଲ୍ଲା ଅତାବିରା ବ୍ଲକ ୨୪ଟି ପଞ୍ଚାୟତ ଓ ୧୨ଟି ୱାର୍ଡ ବିଶିଷ୍ଟ ଏନ୍.ଏ.ସି କୁ ଦୀର୍ଘ ୮ବର୍ଷ ହେବ ଗଠିତ ହୋଇ ସାରିଛି।ବ୍ୟସ୍ତ ବହୁଳ ଅତାବିରା ଏନ.ଏ ସି ମଧ୍ୟ ଦେଇ ୫୩ ନଂ ଅସମ୍ପୂର୍ଣ୍ଣ ତଥା ତ୍ରୁଟି ପୂର୍ଣ୍ଣ ଜାତୀୟ ରାଜପଥ ଭେଦ କରି ଯାଇଥିବାବେଳେ ଦିନରାତି ଏନ୍.ଏ.ସି ଅଞ୍ଚଳ ଦେଇ ଛୋଟ ମୋଟ ଗାଡି ମଟର ଠାରୁ ଆରମ୍ଭ କରି ବଡ ବଡ ଭାରୀ ଯାନବାହାନ ଗୁଡ଼ିକ ଯିବା ଆସିବା କରି ରେଙ୍ଗାଲି କେମ୍ପ ରୁ ଆନ୍ଧ୍ର କଲ୍ୟାଣ ମଣ୍ଡପ ପର୍ଯ୍ୟନ୍ତ ଟ୍ରାଫିକ ସମସ୍ୟା ଅଣାୟତ୍ତ ହୋଇପଡେ।ସେହିପରି ଏନ୍ .ଏ.ସି ର କିଛି ଅସାଧୁ ଅଧିକାରୀ ଓ କର୍ମଚାରୀ ମାନଙ୍କ ଭଡ଼ା ଅସୁଲି ତଥା ସ୍ବାର୍ଥ ଲାଳସା ଯୋଗୁଁ ଅସମ୍ପୂର୍ଣ୍ଣ ସର୍ଭିସ୍ ରୋଡ଼ ରେ,ବିଦ୍ୟୁତ୍ ଖୁଣ୍ଟ ସହ ପାର୍କିଂ ବ୍ୟବସ୍ଥା ନକରି ଦୋକାନ ବଜାର ଖୋଲି ଏଣେ ତେଣେ ଗାଡି ମଟର ରଖିଦେଉଥିବା,ରାସ୍ତା ଉପରେ ବାଲି, ଗୋଡି,ମାଟି ପକାଇବା ସହ ବଡ ବଡ ଗାଡ଼ି ଗୁଡ଼ିକ ର ଗ୍ୟାରେଜ ମାନ ଖୋଲି ରାସ୍ତା କୁ ଅକ୍ତିଆର କରି କିଏ ମାସକୁ ୩ଶହ ତ ଆଉ କିଏ ୫/୬ ଶହ ଟଙ୍କା ଏନ୍ .ଏ.ସି କୁ ପାଉଣା ଦେଉଥିବା କହି ଆସୁଥିବାବେଳେ ବାରମ୍ବାର ଲୋକଙ୍କ ଅଭିଯୋଗ ସତ୍ବେ ଏନ. ଏ.ସି ଭଡ଼ା ଅସୁଲି କରିବାରେ ମସଗୁଲ l ଯଦ୍ୱାରା ବରିଷ୍ଠ ନାଗରିକ ତଥା ସ୍କୁଲ କଲେଜ ଛାତ୍ରଛାତ୍ରୀ ମାନେ ବାଧ୍ୟ ହୋଇ ମୁଖ୍ୟ ରାଜରାସ୍ତା ରେ ଯାତାୟାତ କରି ଛୋଟ ମୋଟ ଦୁର୍ଘଟଣା ଠାରୁ ଆରମ୍ଭ କରି ମର୍ମନ୍ତୁଦ ଘଟଣା ଘଟି ମୂଲ୍ୟବାନ ଜୀବନ ହାନି ହେଉଥିବାର ନଜିର ରହିଛି।ସେହିପରି ଏକ ଘଟଣା ସାମ୍ନା କୁ ଆସିଛି ଲାଦେରପାଲି ଛକ ନିକଟ ସମ୍ବଲପୁର- ବରଗଡ଼ ୱେ ରାଜରାସ୍ତା ସର୍ଭିସ୍ ରୋଡ଼ ଉପରେ ନୀତି ଦିନିଆଁ ଭାବେ ଟ୍ରକ୍ ଗ୍ୟାରେଜ ଖୋଲି ବଡ ବଡ ଟ୍ରକ୍ ମାନ ରଖି ଦେଉଥିବା ଯୋଗୁଁ ପଥଚାରୀ ମାନେ ଯାତାୟାତ କରିବା ପାଇଁ ନାହିଁ ନଥିବା ଅସୁବିଧାର ସମ୍ମୁଖିନ ହେବା ସହ ଟ୍ରାଫିକ ସମସ୍ୟା ଲାଗି ରହି ଆଜି ଲାଦେରପାଲି ଅରବିନ୍ଦ ସ୍କୁଲ କୁ ଛାତ୍ରଛାତ୍ରୀ ମାନେ ସ୍କୁଲ କୁ ଯିବା ସମୟରେ ଦୁର୍ଘଟଣା ଗ୍ରସ୍ତ ହୋଇ ଅଳ୍ପକେ ବର୍ତ୍ତି ଯାଇଥିଲେ।ଏନେଇ ଶିକ୍ଷକ ତଥା ସ୍କୁଲ ଛାତ୍ରଛାତ୍ରୀ ମାନେ ପଥଚାରୀ ଙ୍କ ରାସ୍ତା ଉପରୁ ଗ୍ୟାରେଜ ହଟାଇ ଗାଡ଼ି ମଟର ରଖିବାକୁ ମନା କରିବା ସହ ଏନ. ଏ.ସି କାର୍ଯ୍ୟ ନିର୍ବାହୀ ଅଧିକାରୀ ଜୟକୃଷ୍ଣ ପାତ୍ର ଙ୍କୁ ରାଜରାସ୍ତା ଉପରେ ଦୁର୍ଘଟଣା କୁ ଅନାଇ ରହିଥିବା ପାଚେରୀ ଓ ଜବର ଦଖଲ କାରୀ ଙ୍କ କବ୍ ଜା ରୁ ସର୍ଭିସ୍ ରୋଡ୍ କୁ ମୁକ୍ତ କରି ପଥଚାରୀ ଓ ଛାତ୍ରଛାତ୍ରୀ ତଥା କାଲି ର ଭବିଷ୍ୟତ କୁ ଅନ୍ଧାର କୁ ଠେଲି ନଦେଇ ଦୃଢ଼

ପଦକ୍ଷେପ ଗ୍ରହଣ କରିବା ପାଇଁ ଦାବୀ ଜଣାଇ ଛନ୍ତି।ନଚେତ୍ ଆଗାମୀ ଦିନରେ ଯଦି କୌଣସି ଅପ୍ରୀତିକର ଘଟଣା ଘଟେ ତେବେ ଏଥିପାଇଁ ଏନ୍ .ଏ.ସି ପ୍ରଶାସନ ଦାୟୀ ରହିବେ ବୋଲି ଚେତାବନୀ ଦେଇଛନ୍ତି ଏନେଇ ଏନ୍ .ଏ.ସି କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ପାତ୍ର  ଅତି ଶୀଘ୍ର ନୋଟିସ୍ କରି ରାସ୍ତା ଉପରୁ  ଜବର ଦଖଲ ହଟାଇ ଦିଆଯିବ ବୋଲି ଦୃଢ ପ୍ରତିଶ୍ରୁତି ଦେଇଥିବା ଜଣାପଡେ lଦେଖିବାକୁ ବାକି ରହିଲା ବାବୁ ଜୟକୃଷ୍ଣ ଙ୍କ ପାରିବାପଣିଆ l