16-Dec-2021

ପଦ୍ମପୁର: ରାଜବୋଡାସମ୍ବର କୃଷକ ସଂଗଠନର ଆହ୍ୱାନ କ୍ରମେ ଗତକାଲି ପଦ୍ମପୁର ଉପଖଣ୍ଡ ଅଞ୍ଚଳରୁ କୃଷକ ମାନେ ଏକ ବାଇକ ରାଲିରେ ବାହାରି ବରଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଦୀର୍ଘ ୪ ଘଣ୍ଟା କାଳ ବିକ୍ଷୋଭ ପ୍ରଦର୍ଶନ କରିଥିଲେ ଲ ସୂଚନାମୁତାବକ ଏଚ୍ ଡି ଏଫ୍ ସି - ଏଗ୍ରୋ ର ମନମୁଖି ତଥା ଦୀର୍ଘ ୪ ମାସ ପରେ ପଦ୍ମପୁର ଅଞ୍ଚଳରେ ବ୍ୟାପକ ମରୁଡିର ଆର୍ତ୍ତନାଦକୁ ଦେଖି ଫସଲବୀମା ପୁରଣ କରିଥିବା କୃଷକ ମାନଙ୍କ ବୀମା ରିଜେକ୍ଟ କରିବା ପଛରେ କ୍ଷୟ କ୍ଷତି ବାବଦକୁ ପ୍ରଚୁର ଟଙ୍କା ଦେବାକୁ ଦେବାକୁ ପଡ଼ିବ ଭାବି ଅନେକ କୃଷକ ଭାଇଙ୍କ ଫସଲବୀମା ରିଜେକ୍ଟ କରିବାରେ ଲାଗିପଡିଛି lଯାହା ତାଙ୍କ ଗାଇଡ ଲାଇନକୁ ମଧ୍ୟ ବେଖାତିର କରିଛି lନିୟମକୁ ସମ୍ପୂର୍ଣ୍ଣ ରୂପେ ଉଲଙ୍ଘନ କରି ରିଜେକ୍ଟ ପରେ ରିଜେକ୍ଟ କରିବା ଫଳରେ ଚାଷୀମାନେ ବର୍ତ୍ତମାନ ନିରାଶ ହତାଶ ହୋଇ ଶେଷରେ ଗୁହାରି କରିବାକୁ ଏବଂ ଯେଉଁ ଚାଷୀ ମାନଙ୍କର ରିଜେକ୍ଟ ହୋଇଛି ସେମାନେ ସେମାନଙ୍କ ଡକ୍ୟୁମେଣ୍ଟ ଜିଲ୍ଲାପାଳ ମହୋଦୟାକୁ ଦେବାକୁ ଯାଇଥିଲେ lହେଲେ ଜିଲ୍ଲାପାଳଙ୍କର ଦେଖାଦର୍ଶନ ତ ମିଳିଲା ନାହିଁ, କାର୍ଯ୍ୟାଳୟରେ ଉପସ୍ଥିତ କର୍ମଚାରୀ ମାନେ ମଧ୍ୟ ଚାଷୀଙ୍କୁ ଆଡଆଖିରେ ଦେଖିଲେ ନାହିଁ lଏପରିକି ତାଙ୍କ ବିବାଦୀୟ ଡକ୍ୟୁମେଣ୍ଟ ଗୁଡିକ ମଧ୍ୟ ରଖିଲେ ନାହିଁ lଏଠି ପ୍ରଶ୍ନ ଉଠୁଛି ଦିର୍ଘ ବର୍ଷ ଅତିବାହିତ ପରେ ବରଗଡ ଜିଲ୍ଲାକୁ ଜଣେ ଦକ୍ଷ ମହିଳା 

ଆଇ ଏ ଏସ୍ ଜିଲ୍ଲାପାଳଙ୍କ ପଦାର୍ପଣକୁ ନେଇ ଅନେକ ଗର୍ବ କରୁଥିଲେ lଏଥର ବରଗଡ ଜିଲ୍ଲାର ମାନଚିତ୍ର ନିଶ୍ଚିତ ବଦଳିବ ବୋଲି ଅନେକ ଆଶା ଓ ବିଶ୍ବାସ ଥିଲା lକିନ୍ତୁ କାଲି ଅନେକ ଆଶା ଓ ଆକାଂକ୍ଷା ନେଇ ଧାଇଁ ଯାଇଥିବା ଚାଷୀ ଭାଇ ମାନଙ୍କ ପ୍ରତି ଅବିଚାର କୁ ବୁଦ୍ଧିଜୀବୀ ମାନେ ସତରେ ଗ୍ରହଣ କରିପାରୁନାହାନ୍ତି lହେଲେ ଏହା ନିରାଟ ସତକଥା ଅଟେ lଜିଲ୍ଲାପାଳଙ୍କ ଏଭଳି ଆଚରଣ କୁନେଇ ସମଗ୍ର ଚାଷୀ କୂଳଙ୍କୁ ମର୍ମାହତ କରିବା ସଙ୍ଗେ ସଙ୍ଗେ ସମଗ୍ର ଚାଷୀ କୂଳକୁ ମଧ୍ୟ ଅପମାନିତ କରାଯାଇଛି lଏଣୁ ଆସନ୍ତା ତା ୨୭.୧୨.୨୦୨୧ ଦିନ ଏହାର ଉଚିତ ଜବାବ ସଙ୍ଗଠନ ପକ୍ଷରୁ ଦିଆଯିବ ବୋଲି ଆବାହକ ଶ୍ରୀମାନ ଅଶୋକ କୁମାର ସାହୁ ଲିଖିତ ଭାବେ ପଦ୍ମପୁର ଉପଜିଲ୍ଲାପାଳ ଶ୍ରୀମାନ ତ୍ରିଲୋଚନ ପାତ୍ରଙ୍କୁ ଜଣାଇବା ସଙ୍ଗେସଙ୍ଗେ ଏହାର ଏକକିତା ନକଲ ଜିଲ୍ଲାପାଳ, ଆରକ୍ଷୀ ଅଧିକ୍ଷକ ବରଗଡ, ଉପଖଣ୍ଡ ଆରକ୍ଷୀ ଅଧିକ୍ଷକ ଏବଂ ଥାନା ଅଧିକାରୀ ପଦ୍ମପୁରଙ୍କୁ ଜଣାଇଛନ୍ତି l