16-Dec-2021

ଟିଟିଲାଗଡ଼(ସନ୍ତୋଷ କୁମାର ନାଏକ) : ଟିଟିଲାଗଡ଼ ଥାନା ଅନ୍ତର୍ଗତ ଖଜୁରପଡା ଗ୍ରାମ ନିକଟ ଛକ  ଠାରେ ଟିଟିଲାଗଡ଼ରୁ ରଞ୍ଜନ ବନଚୋର (୩୪)ନାମକ ଜଣେ ଯୁବକ ନିଜ ଘର ଭୋସଲାଡ଼ ଯାଉଥିବା ବେଳେ ତିନି ଜଣ ଦୁର୍ବୃତ୍ତ ଅଟକେଇ ଆକ୍ରମଣ କରି ଗୁରୁତର ଆହତ କରିଦେଇ ଟଙ୍କା ଓ ମୋବାଇଲ ଲୁଟି ନେଇଥିବା ଅଭିଯୋଗ କରିଛନ୍ତି । ସୂଚନା ଅନୁଯାୟୀ ରଞ୍ଜନ ପ୍ରତିଦିନ ଟିଟିଲାଗଡ଼ ସହର କୁ ଗତ ବୁଧବାର ଆସି ସେ କାମ କରୁଥିବା ଏକ ସାର ଦୋକାନ ରୁ  ସନ୍ଧ୍ୟା ପ୍ରାୟ ୭ଟା୩୦ରେ ନିଜ ଘରକୁ ତାଙ୍କ ବାଇକ ରେ ଫେରୁଥିବା ବେଳେ ସାମ୍ନା ପଟରୁ ଏକ ବାଇକ ରେ ତିନି ଜଣ ଯୁବକ ଆସି ଧକ୍କା ଦେଇଥିଲେ । ଘଟଣା ସ୍ଥଳରେ ରଞ୍ଜନ ତାଙ୍କ ବାଇକ ସହ ପଡି ଗୁରୁତର ଆହତ ହୋଇଯାଇଥିଲେ । ଧକ୍କା ଦେଇଥିବା ଉକ୍ତ ବାଇକ ସହ ତିନି ଜଣ ଯୁବକ ଚାଲିଯାଇଥିବା ବେଳେ କିଛି ବ୍ୟକ୍ତି ଟିଟିଲାଗଡ଼ ଡାକ୍ତରଖାନା କୁ ଆଣି ଭର୍ତ୍ତି କରିଥିଲେ । ତେବେ ତାଙ୍କ ଅବସ୍ଥା ଅତ୍ୟନ୍ତ ଗୁରୁତର ଥିବାରୁ ତାଙ୍କୁ ଡ଼ଃ ଓଁକାର ହୋତା ବଲାଙ୍ଗୀର ଜିଲ୍ଲା ମ୍ୟାଡିକାଲ କଲେଜ ଡାକ୍ତର ଖାନା କୁ ସ୍ଥାନାନ୍ତରିତ କରିଥିଲେ । ମୁଣ୍ଡ ରେ ଶକ୍ତ ଆଘାତ ଲାଗିଥିବା ବେଳେ କାନ ରୁ ରକ୍ତବାହାରିବା ଯୋଗୁଁ ଅବସ୍ଥା ଗୁରୁତର ଥିବା ବେଳେ ବଲାଙ୍ଗୀର ରେ ସେ ବର୍ତ୍ତମାନ ଭର୍ତ୍ତି ଥିବା ଜଣାଯାଇଛି ।ତେବେ ଘଟଣା ଘଟିଥିବା

ଉକ୍ତ ଖଜୁରପଡା ଛକ ନିକଟରେ କିଛି ଅସାମାଜିକ ଯୁବକ ନିୟମିତ  ରହି ଲୁଟତରାଜ ସହ  ଏପରି ଗାଡି ଧକ୍କା ଦେଇ ଟଙ୍କା ଓ ମୋବାଇଲ ଲୁଟ ଚଳାଉଥିବା ଅଭିଯୋଗ ହୋଇଆସୁଛି । ସେହିପରି ରଞ୍ଜନଙ୍କ ଟଙ୍କା ଓ ମୋବାଇଲ ନେଇ ଉକ୍ତ ଯୁବକକୁ ଗୁରୁତର ଅବସ୍ଥାରେ ପକେଇ ଚାଲିଯାଇଥିଲେ ବୋଲି  ପରିବାର ଲୋକେ ଅଭିଯୋଗ କରିଛନ୍ତି ।