16-Dec-2021

 ନୟାଗଡ଼, (ପ୍ରଦୀପ କୁମାର ପଣ୍ଡା)ବୃଦ୍ଧା ମା ର ଆନନ୍ଦଅଶ୍ରୁ ରେ ଭିଜିଲା ପୁତ୍ର ର ଉତ୍ତରୀୟ | ପୁଅର ପ୍ରତେକ ଅଶ୍ରୁ ଟୋପା କୁ ପୋଛି ଦେଉଥିଲା ମା | ଦୁନିଆ ବଡ ବିଚିତ୍ର ! ଜନନୀ ଜନ୍ମ ଭୂମିଶ୍ଚ ସ୍ୱର୍ଗlଦପି ଗରୀୟସି | ଗର୍ଭ ଧାରିଣୀ ମା ଏବଂ ନିଜ ର ଜନ୍ମ ମାଟି କୁ କେବେ କେହି ପାଶୋରି ପାରେନା | ଏହିଭଳି ଏକ ରୋମାଞ୍ଚକର ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ କୁମ୍ଭାରପଡ଼ା ଗ୍ରାମ ପଞ୍ଚାୟତ ରେ | ଆଜକୁ ଚବିଶ ବର୍ଷ ହେଲା ନିଖୋଜ ଥିବା ଆସମାନ ଦାଶ ଗାଁ କୁ ଫେରିଛି | ତାଙ୍କୁ ପାଇ ତାଙ୍କ ପରିବାର ବର୍ଗ ଏବଂ କୁମ୍ଭାରପଡ଼ା ପଞ୍ଚାୟତ ବାସୀ ଅକଳନିୟ ଆନନ୍ଦ ରେ ହଜିଯାଇଛନ୍ତି | ଗତ ଚାରିଦିନ ତଳେ ଏକ ଲଫାପା ରେ ଚିଠି ଖଣ୍ଡେ ପହଁଞ୍ଚି ଥିଲା ସ୍ବର୍ଗତ ଦେବରାଜ ଦାଶ ଙ୍କ ଘରେ | ସେ ଚିଠି ରେ  ଆସମାନ

ଲେଖିଥିଲେ ଆସନ୍ତା ପନ୍ଦର ତାରିଖ ରେ ଗାଁ କୁ ଯାଉଛି | ଏବଂ ତାଙ୍କ ମୋବାଇଲ ନମ୍ବର ମଧ୍ୟ ଦେଇଥିଲେ | ଖବର ପାଇ ତାଙ୍କ ପରିବାର ର କିଛି ସଦସ୍ୟ ଏବଂ କୁମ୍ଭାରପଡ଼ା ର କିଛି ଯୁବ ସମାଜସେବୀ ତାଙ୍କୁ ପାଛୋଟି ଆଣିବାକୁ ଭୁବନେଶ୍ୱର ଯାଇଥିଲେ | ଆସମାନ ଗାଁ ରେ ପହଞ୍ଚିବା ପରେ ଶିକ୍ଷାବିତ ତଥା ଯୁବ ସମାଜସେବୀ ଅଜୟ କୁମାର ସେଠୀ, ସାମାଜିକ କର୍ମୀ ପୀତବାସ ପଣ୍ଡା, ଏବଂ କୁମ୍ଭାରପଡ଼ା ର ଅନେକ ଯୁବକ

ତାଙ୍କୁ ପୁଷ୍ପଗୁଚ୍ଛ ଏବଂ ଉତ୍ତରୀୟ ଦେଇ ସ୍ୱାଗତ ଜଣାଇବା ସହିତ ଆତସବାଜି ଫୁଟାଇ ତାଙ୍କ ଘର ପର୍ଯ୍ୟନ୍ତ ପାଛୋଟି ନେଇଥିଲେ | ଘର ପାଖରେ ମା ପୁଅ ଙ୍କ  ମିଳନ ର ଦୃଶ୍ୟ ଉପସ୍ଥିତ ସମସ୍ତ ଗ୍ରାମବାସୀଙ୍କ ଆଖିଓଦା କରିଦେଇଛି | ଦୀର୍ଘବର୍ଷ  ହେଲା କୌଣସି ଠିକଣା ନଥିବା ପୁଅ କୁ ପାଇ ଅନେକ କାନ୍ଦିଛି ବୃଦ୍ଧା ଜନନୀ | ପରିବାର ବର୍ଗ ଙ୍କ ଅଶ୍ରୁ ଛଳଛଳ ନୟନ ରେ ଆଶୀର୍ବାଦ ଏବଂ ଆଲିଙ୍ଗନ ରେ ଭାବବିହ୍ଵଳ ହୋଇ ପଡିଥିଲା ଆସମାନ|