09-Nov-2020

ଟିଟିଲାଗଡ଼(ପ୍ରେରଣା ଖବର) - ବଲାଙ୍ଗୀର ଜିଲ୍ଲାରଟିଟିଲାଗଡ଼ ସହର ସ୍ଥିତ ଝାକର ପଡା ରେ ଏକ ଭଡାଘରେ ରହୁଥିବା ଜଣେ ଅସହାୟ ଭିନ୍ନକ୍ଷମ ମହିଳା ତାଙ୍କର ୨୧ ବର୍ଷୀୟ ପୁଅ ସହ ରହୁଥିଲେ। ଗତ ଅଗଷ୍ଟ ମାସରେ  କରିଥିବା ବେଳେ ତାହା ହତ୍ୟା ନା ଆତ୍ମହତ୍ୟା ସେ ନେଇ ଟିଟିଲାଗଡ଼ ପୋଲିସ ଶବ ବ୍ୟବଚ୍ଛେଦ କରି ମାମଲା ରୁଜ୍ଜୁ କରିଥିବା ବେଳେ ଉକ୍ତ ଭଡା ଘରୁ ଘର ମାଲିକ ଘର ଛାଡିବାକୁ କହିଥିଲେ। ବିମଳା ନାଗ ନାମ୍ନୀ ଉକ୍ତ ବିଧବା ମହିଳା ଙ୍କ  ପୁଅ  ବବଲୁ ନାଗ(୨୧) ର ମୃତ୍ୟୁ ପରେ କେହି ସାହା ଭରସା ନ ଥିବା ବେଳେ ସ୍ବେଚ୍ଛାସେବୀ ମାନେ ତାଙ୍କୁ ୧୪ ନଂ ୱାର୍ଡ ର ଏକ ସରକାରୀ ଜାଗାରେ ଘର ତିଆରି କରିଦେଇଥିଲେ । କେବଳ ମାସିକ ସରକାରୀ ଭତ୍ତା କାର୍ଡ଼ ଥିବା ବେଳେ ତାଙ୍କ ର ଓ ତାଙ୍କ ମୃତ ପୁଅ ର ଆଧାର ପରିଚୟ ପତ୍ର ନ ଥିବା ରୁ ସରକାରୀ ରାସନ କାର୍ଡ଼ ଟିଏ ବି ମିଳିପାରି ନାହିଁ। ଏପରିକି ହରିଶ୍ଚନ୍ଦ୍ର ଯୋଜନା ଅନୁଯାୟୀ ୨୦୦୦ ଟଙ୍କା ଶବ ସଂସ୍କାର ପାଇଁ ମନ୍ଧ୍ୟ ଆବେଦନ ସତ୍ୱେ ପାଇପାରି ନାହାନ୍ତି। ତେବେ ରବିବାର ଦିନ ପ୍ରାୟ ୨ ଟା ସମୟରେ ଉକ୍ତ ଘର ତାଲା ଭାଙ୍ଗି କିଛି ଦୁର୍ବୃତ୍ତ ଘରେ ସେ ରଖିଥିବା ବାକ୍ସ ରୁ ତାଙ୍କ ରଖିଥିବା ଟଙ୍କା ଓ ସମସ୍ତ ଲୁଗା, ପଟା ଓ ସାମଗ୍ରୀ ଚୋରି କରିନେଇଥିବା ଜଣାଇଛନ୍ତି। ସୂଚନାଯୋଗ୍ୟ ଯେ ଉକ୍ତ ଅସହାୟ ବିଧବା ମହିଳା ଶୁଣି ନ ପାରିବା ଓ କହି ନ ପାରୁଥିବା ବେଳେ ତାଙ୍କ ନିକଟ ରୁ ଏପରି ଚୋରି ପରି ଘଟଣା ବାସ୍ତବିକ ଶୋଚନୀୟ। ଉକ୍ତ ଅଞ୍ଚଳରେ ଏପରି ଚୋରି ପରି ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇ ଚାଲିଛି। ଖୋଲା, ଖୋଲି ଭାବେ ପ୍ରଶାସନ ର ଜ୍ଞାତ ସାରରେ ମାତ୍ରାଧିକ ଭାବେ ବେଆଇନ କୁଚିଆ ମଦ ଦୋକାନ ଦିନ ରାତି ଖୋଲା ରହିବା ଯୋଗୁଁ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇଚାଲିଛି। ଏ ଦିଗରେ ପ୍ରଶାସନ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଉକ୍ତ ଅସହାୟ ମହିଳାଙ୍କୁ ରେଡ଼କ୍ରସ ପାଣ୍ଠି ରୁ ସହାୟତା ଯୋଗାଇଦେବା ସହ ଏକ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରିବା ଓ ଏକ ରାସନ କାର୍ଡ଼ କିପରି ପାଇପାରିବେ ସେ ନେଇ ଟିଟିଲାଗଡ଼ ଉପଜିଲ୍ଲାପାଳ ଙ୍କ ନିକଟରେ ଲିଖିତ ଭାବେ ସ୍ବେଚ୍ଛାସେବୀ ସଂଘ ତରଫରୁ ଦାବିପତ୍ର ପ୍ରଦାନ କରାଯାଇଛି। ଯଥା ଶୀଘ୍ର ଏ ସରକାରୀ ସହାୟତା ମାନ ପ୍ରଦାନ କଲେ ଉକ୍ତ ଅସହାୟ ମହିଳା ଉପକୃତ ହେବେ ବୋଲି ଆଶା କରାଯାଉଛି।