12-Dec-2021

ବଲାଙ୍ଗୀର (ପ୍ରେରଣା ଖବର) : କବିତା ଭିତରେ କବିର ଆତ୍ମିକ ଅନୁଭବ ଅନେକ ସମୟରେ ପାଠକୀୟତାକୁ ଆପ୍ଲୁତ କରେ। ଜୀବନର ଯୁଗଯନ୍ତ୍ରଣାକୁ  କବି ଆପଣାର  କବିତାରେ ଉତାରିଦିଏ।ପ୍ରତିଟି ସୃଜନଶୀଳ ସ୍ରଷ୍ଟା ଅତୀତ ସହ ଆଗାମୀକୁ ନେଇ  ସାଧନା କରିବାକଥା।ସାଧନାର ସ୍ବର ପ୍ରକାଶିତ  କବୟତ୍ରୀ  ଡକ୍ଟର ସୁଧାଂଶୁବାଳା ତ୍ରିପାଠୀଙ୍କ କବିତା ସଂକଳନ  ପକ୍ଷୀରପର କବିତା  ସଂକଳନରେ। ଆଜି ସାମ୍ବାଦିକ ଭବନ ଠାରେ ଆୟୋଜିତ ଏହି ଲୋକାର୍ପଣ ସମାରୋହରେ ଅଧ୍ୟକ୍ଷତା କରିଥିଲେ ଶିକ୍ଷାବିତ ସନାତନ ଠାକୁର। ଅତିଥି ଭାବେ ଯୋଗ ଦେଇ ଥିଲେ  ନାଟ୍ଯଭୂଷଣ ଜଗଦାନନ୍ଦ ଛୁରିଆ, କବି ଭାଗିରଥି ମିଶ୍ର ଓ କବି ଡାକ୍ତର ମଂଜୁବାଳା ପଣ୍ଡା ।  କବୟତ୍ରୀ  ଡକ୍ଟର ସୁଧାଂଶୁବାଳା ତ୍ରିପାଠୀ ନିଜର ବକ୍ତବ୍ୟରେ ତାଙ୍କ  କାବ୍ୟ ମୟ ଅଭିବ୍ୟକ୍ତି  ଉପସ୍ଥାପନ କରିଥିଲେ ।   କବିତା  ସଂକଳନରୁ ଦଶଟି କବିତାକୁ ଆବୃତ୍ତି କରିଥିଲେ  ରତ୍ନମୟ ତ୍ରିପାଠୀ, ଲିଲି ପଟେଲ ,ମୃଗେଶ ବୈଷ୍ଣବ ପାଣିଗ୍ରାହୀ, ଜ୍ୟୋତିରଂଜନ ମିଶ୍ର, ସ୍ନେହା ପ୍ରତ୍ୟାଶା ନନ୍ଦ, ଅଧ୍ୟାପକ କୌତୁକ ପନ୍ଦର, ଗଣେଶ ବାରିକ,ଅଧ୍ୟାପକ ଜଗନ୍ନାଥ ସାହୁ,ନବକିଶୋର ବେହେରା ଓ କସ୍ତୁରି ରଥ।    କବିତା  ଭିତରେ ଅନେକ ସମ୍ଭାବନା ଓ ନୂତନତା ଥିବା ତଥା ସହୃଦୟତା ସହ କବିତା କୁ ଅନୁଭବ କରିବା  କରିବାକୁ ଆହ୍ବାନ ଦେଇ କବିତା  ସଂକଳନ ସଂପର୍କରେ  ସମୀକ୍ଷାତ୍ମକ ଉପସ୍ଥାପନା କରିଥିଲେ  କବି  ସନ୍ଦୀପ କୁମାର କୁଅଁର ।  କବିତା ସଂକଳନ ର ଲୋକାର୍ପଣ  ପୂର୍ବରୁ  କାର୍ଯ୍ୟକ୍ରମ କୁ ସ୍ବାଗତ କରିଥିଲେ ରଂଜିତ ମିଶ୍ର ।ସମସ୍ତ କାର୍ଯ୍ୟକ୍ରମ କୁ  ସଂଯୋଜନା କରିଥିଲେ  କବି ରାଜୀବ ଲୋଚନ ଆଚାର୍ଯ୍ୟ । ଏହି ଅବସରରେ କବିତା ସଂକଳନର ପ୍ରଚ୍ଛଦ , ଅଳଙ୍କରଣ ଓ ଅନ୍ୟ  ସହଯୋଗୀ ଲଲାଟେନ୍ଦୁ ପଟନାୟକ, ବାସୁଦେବ ମେହେରଙ୍କୁ ସମ୍ମାନିତ କରାଯାଇଥିଲା ।