12-Dec-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ସ୍ଥାନୀୟ ଲ' କଲେଜ ସମ୍ମିଳନୀ କକ୍ଷରେ ନୂତନ ପୋକ୍ସୋ ଆକ୍ଟ କୁ ନେଇ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ  ବଲାଙ୍ଗୀର ପକ୍ସୋ କୋର୍ଟର ବିଚାରପତି ଛାତ୍ରଛାତ୍ରୀ ମାନଙ୍କୁ ପୋକ୍ସୋ ଆକ୍ଟ ୨୦୧୨ ବିଷୟରେ ଅବଗତ କରାଇଥିଲେ। ସିଡିଏମଓ  ଡ. ମହନ୍ତ  ପୀଡିତଙ୍କୁ ହସ୍ପିଟାଲରେ କିଭଳି ପ୍ରାଥମିକ ଟ୍ରିଟମେଣ୍ଟ  କରାଯାଏ ତଥା ଡବ୍ଲ୍ୟୁ. ଏଚ. ଓ  ଡାଟା ଅନୁଯାୟୀ ୨୨ ପ୍ରତିଶତ ଚାଇଲ୍ଡ ଏବ୍ୟୁଜ ବଢିଛି ବୋଲି କହିଥିଲେ। ଦୁର୍ଭାଗ୍ୟର ବିଷୟ ଯେ ଗରିବ ଛୁଆ ମାନେ ଅଧିକ ପିଡିତ ହେଉଥିବା ମଧ୍ୟ କହିଥିଲେ। ପରେ  ବଲାଙ୍ଗୀର ଦୌରାଜଜ୍ ପକ୍ସୋ ଆକ୍ଟ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ଛାତ୍ରଛାତ୍ରୀ ମାନଙ୍କ ମଧ୍ୟରେ ଜାଗୃତି ସାହୁ,ସୁପ୍ରମା ବହିଦାର, ଶର୍ମିଷ୍ଠା ମିଶ୍ର, ସୁପ୍ରିତ ଅଗ୍ରବାଲ, ସୁମନ ମିଶ୍ର ଆକ୍ଟ ବିଷୟରେ ଅଭିଭାଷଣ ପ୍ରଦାନ କରିଥିଲେ। ଛାତ୍ରୀ ଖୁସବ ଜେନ୍ କାର୍ଯ୍ୟକ୍ରମ ପରିଚାଳନା କରିଥିଲେ ଓ ଶେଷରେ ଜଗନ୍ନାଥ ମିଶ୍ର   ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସୋମୌରଞ୍ଜନ ପଣ୍ଡା, ରାଜକୁମାର ସାହୁ, ସନ୍ତୋଷ କୁମାର ଠାକୁର, ସତ୍ଯ ସାହୁ, ନିଲମଣି ତ୍ରିପାଠୀ, ରଜତ ବେଜ, ଅତୁଲ କୁମାର ମହାପାତ୍ର, ବିଶ୍ୱମିତ୍ର ରଣା, ପ୍ରୀତି ସାରଫ୍, ଗିରିସୁତା ବାଗ, ଜାହ୍ନବୀ ବିଭାର, ମୌସୁମୀ ତ୍ରିପାଠୀ ଓ ଅନ୍ୟାନ୍ୟ ଛାତ୍ରଛାତ୍ରୀ ଉପସ୍ଥିତ ଥିଲେ ।