11-Dec-2021

ସିନ୍ଧେକେଲା (ଅନୀଲ ତ୍ରିପାଠୀ) : ତାମିଲନାଡୁର କୁନ୍ନୁର ଠାରେ ହେଲିକ୍ୟାପ୍ଟର ଦୁର୍ଘଟଣାରେ ପ୍ରାଣ ହରାଇଥିବା ପ୍ରତିରକ୍ଷା ବାହିନୀ ମୁଖ୍ୟ (ସିଡିଏସ) ବିପିନ ରାୱତ , ତାଙ୍କ ପତ୍ନୀ ମଧୁଳିକା ଓ ଅନ୍ୟ ୧୧ ଜଣ ଯବାନଙ୍କ ସହୀଦରେ ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଯୁବଗୋଷ୍ଠୀଙ୍କ ଦ୍ୱାରା ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଗ୍ରାମରେ କେଣ୍ଡଲ ଶୋଭାଯାତ୍ରା ଅନୁଷ୍ଠିତ କରାଯାଇଛି । ଯୁବକମାନେ ସ୍ଥାନୀୟ ଦ୍ୱାରସେହ୍ନି ମନ୍ଦିରରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଓ ହାତରେ କେଣ୍ଡଲ ଧରି ବେନର୍ ସହ ଏକ ଶୋଭାଯାତ୍ରାରେ ବାହାରି ବିଭିନ୍ନ ସ୍ଲୋଗାନ ମାଧ୍ୟମରେ ଗ୍ରାମ ପରିକ୍ରମା କରିଥିଲେ । ଉକ୍ତ କେଣ୍ଡଲ ମାର୍ଚ୍ଚରେ ସିନ୍ଧେକେଲା ସମେତ ବିଭିନ୍ନ ଅଞ୍ଚଳର ବହୁ ଯୁବଗୋଷ୍ଠୀ ସାମିଲ ହୋଇଥିଲେ ।