11-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା, ଖପ୍ରାଖୋଲ, ପାଟଣାଗଡ଼ ବ୍ଳକ ରେ ବର୍ତ୍ତମାନ ଧଡାଧଡ ବେଆଇନ ଦାଦନ ଚାଲାଣ ଚାଲିଥିବା ବେଳେ ଯୋଗ ନିଦ୍ରାରେ ପୋଲିସ ପ୍ରଶାସନ। ପ୍ରଚୁର ପରିମାଣରେ ଲାଠୋର ରେଲୱେ ଷ୍ଟେସନ ରେ ହଜାର ହଜାର ସଂଖ୍ୟାରେ ଦାଦନ ଶ୍ରମିକ ଚାଲାଣ ହେଉଛି କିନ୍ତୁ ଲାଠୋର ପୋଲିସ ଧରିବାର ନାଁ ନେଉନାହିଁ। ଦାଦନ ଶ୍ରମିକ ଚାଲାଣ ର ଖବର ଦେଲେ ବିଭିନ୍ନ ଆଲ ଦେଖାଇ କାଗଜପତ୍ର ଯାଞ୍ଚ କରିବା କହି ଚୁପ୍ ରହୁଛନ୍ତି ଲାଠୋର ଥାନା ଅଧିକାରୀ ଧର୍ମେନ୍ଦ୍ର ଶାନ୍ତି। ଏପଟେ ବେଲପଡା ଅଞ୍ଚଳ ଦାଦନ ଦଲାଲ୍ ଙ୍କ ପେଣ୍ଠସ୍ଥଳୀ ପାଳଟିଥିବାବେଳେ ବେଆଇନ ଦାଦନ ଦଲାଲ୍ ମାନଙ୍କୁ ଗିରଫ କରିବା ରେ

ଅସମର୍ଥ। ଯେକୌଣସି ଗଣମାଧ୍ୟମ ପ୍ରତିନିଧି କିମ୍ବା ସାଧାରଣ ଜନତା ଦାଦନ ଚାଲାଣ ର ଖବର ଦିଏ ତାହେଲେ ଥାନା ଅଧିକାରୀ ବୁଳୁ ମୁଣ୍ଡା ସର୍ଦ୍ଦାର ର ନାଁ ପଚାରି ବୁଝନ୍ତି ଏବଂ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରନ୍ତି ନାହିଁ। ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ହିଁ ଜଣେ ନିଷ୍ଠାପର ପୋଲିସ ହିସାବରେ କାର୍ଯ୍ୟ କରୁଛନ୍ତି ଓ ବିଭିନ୍ନ ଅପରାଧ ରୋକିବା ପାଇଁ ପ୍ରୟାସ ଜାରି ରଖିଛନ୍ତି। ସୂଚନା ଅନୁସାରେ ଆଜି ସକାଳ ୯.୩୦ ଏ, ଏସ୍, ଆଇ ଗୋପାଳ ଚନ୍ଦ୍ର କୁମରା ଧଣ୍ଡାମୁଣ୍ଡା ଆଡ଼କୁ ପେଟ୍ରୋଲିଂ କରୁଥିବା ସମୟରେ ଏକ ଅଟୋ ରିକ୍ସା ରେ ୩ ପୁରୁଷ ଓ ଜଣେ ଶିଶୁ  ଦାଦନ ଶ୍ରମିକ ଯାଉଥିବା ଦେଖି ଥାନା କୁ ଆଣି ତଦନ୍ତ କରିଥିଲେ। ଏବଂ ଜାଣିବାକୁ ପାଇଲେ ଯେ ଧଣ୍ଡାମୁଣ୍ଡା ପଞ୍ଚାୟତ ଶାନ୍ତିପୁର ଗାଁ ର ଦାଦନ ଦଲାଲ୍ ବାସୁଦେବ ଜାଲ ପିତା.ଟିକେଶ୍ବର ଜାଲ ଙ୍କ ଜରିଆରେ ତାମିଲନାଡୁ ଯାଉଥିଲେ। ଥାନା ରେ କେଶ ନମ୍ବର ୨୧୫/୨୦୨୧ ଦଫା ୪୨୦/୩୭୦/୩୭୪ ଧାରା ମାମଲା ରୁଜୁ କରି ତଦନ୍ତ ଚଳାଇଥିବା ଥାନା ଅଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି।