11-Dec-2021

ପଦ୍ମପୁର-ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଳକ ଅଧିନସ୍ଥ ବୁକୁରାମୁଣ୍ଡା ଗ୍ରାମପଞ୍ଚାୟତ କାର୍ଯ୍ୟାଳୟ ପରିସରରେ ଓଡ଼ିଶା ଜୀବିକା ମିଶନ,ମିଶନ ଶକ୍ତି ଓଡ଼ିଶା ସରକାର ଙ୍କ ଆନୁକୁଲ୍ୟରେ ଓଡ଼ିଶା ପୁଷ୍ଟି ମହୋତ୍ସବ ପାଳନ ହୋଇଯାଇଛି l ପ୍ରାରମ୍ଭେ ସଭାନେତ୍ରୀ ସୁଶ୍ରୀ ଟିକେଶ୍ୱରୀ ଦେବତା ପରିଚୟ ପ୍ରଦାନ କରିଥିଲେ lଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ବୁକୁରାମୁଣ୍ଡା ଗ୍ରାମପଞ୍ଚାୟତ ସରପଞ୍ଚ ଅଭିମନ୍ୟୁ ବରିହା ଯୋଗଦାନ କରିଥିବାବେଳେ ସମ୍ମାନିତ ଅତିଥି ଭାବେ ପାଇକମାଲ ବ୍ଳକ ର ବିଏଲସି ଶ୍ରୀମତୀ ରୋହିଣୀ ବରିହା, ସ୍ଥାନୀୟ ସ୍ୱାସ୍ଥ୍ୟ ବିଭାଗ ର ମହିଳା ସ୍ବାସ୍ଥ୍ୟକର୍ମୀ ଶ୍ରୀମତୀ କବିତା ଞ୍ଜଳୀ ଦାଶ ଯୋଗଦାନ କରି ଆୟୋଜକ ଭାଇ ଓ ଭଉଣୀ ମାନଙ୍କୁ ଉତ୍ସାହିତ କରିଥିଲେ lଓଡିଶା ରୁ ଅପପୁଷ୍ଟି ଦୂର କରିବା ପାଇଁ ମହିଳା ସ୍ୱୟଂ ସହାୟିକା ଗୋଷ୍ଠୀ ମାଆ ମାନଙ୍କୁ ସଚେତନ କରାଇ ଖାଦ୍ୟ ରେ ଥିବା ପୋଷକ ତତ୍ତ୍ଵ ଗୁଡିକ ମହତ୍ତ୍ଵପୂର୍ଣ୍ଣ ଉପାଦାନ ଗୁଡ଼ିକୁ ମହିଳା ସ୍ବାସ୍ଥ୍ୟକର୍ମୀ ଶ୍ରୀମତୀ ଦାଶ ପ୍ରାଞ୍ଜଳ ଭାବରେ ବୁଝାଇବା ସଙ୍ଗେ ସଙ୍ଗେ ସଦାବେଳେ ମାକ୍ସ ପରିଧାନ କରିବାକୁ ଅନୁରୋଧ କରିଥିଲେ lପ୍ରତ୍ୟକ ଗର୍ଭବତୀ ମାଆ ଓ ପ୍ରସୂତି ମାଆ ମାନଙ୍କୁ ଠିକ ସମୟରେ ରନ୍ଧାଖାଦ୍ୟ ସହିତ ସବୁ ପ୍ରକାର ଖାଦ୍ୟ ଖାଇବା ସକାଶେ ଉପସ୍ଥିତ ଅଙ୍ଗନବାଡ଼ି ଦିଦି କନକ ବରିହା ପରାମର୍ଶ ଦେଇଥିଲେ lପାଇକମାଲ ବ୍ଳକ ରୁ ଆସିଥିବା ବିଏଲସି ମ୍ୟାଡମ ଶ୍ରୀମତୀ ବରିହା ଉପସ୍ଥିତ ମହିଳା ସ୍ୱୟଂ ସହାୟିକା ଗୋଷ୍ଠୀ ର ମାଆ ମାନଙ୍କୁ ତାଙ୍କ ନିଜ ପରିବାରର ପିଲାଛୁଆ ଙ୍କ ସ୍ୱାସ୍ଥ୍ୟ ପ୍ରତି ଯତ୍ନ ନେଉଥିବା ଅଙ୍ଗନବାଡ଼ି ଦିଦି,ଆଶା ଦିଦି ଏବଂ ମହିଳା ସ୍ବାସ୍ଥ୍ୟକର୍ମୀ ମାନଙ୍କ ପରାମର୍ଶ ନେଇ ଖାଦ୍ୟ ଓ ପରିସ୍କାର ପରିଚ୍ଛନ୍ନତା ରହି ଏକ ସୁସ୍ଥ ସମାଜ ଗଠନ କରିବାରେ  ସହାୟକ ହେବାକୁ କହିଥିଲେ lଅନ୍ୟ ମାନଙ୍କ ମଧ୍ୟରେ ସଂପାଦିକା ଦିପାଞ୍ଜଳୀ ଲୁହାର,ଏମବିକେ ପୁଷ୍ପାଞ୍ଜଳୀ ଭୋଇ, ଅଙ୍ଗନବାଡ଼ି କର୍ମୀ ଧରିତ୍ରୀ ସାହୁ,ସିଆରପି ଅଯୋଧ୍ୟା ପ୍ରଧାନ,ଋକୁଣୀ ସେଠ,ଲିନା ପ୍ରଧାନ କୈାଶଲ୍ୟା ପ୍ରଧାନ,ଯଜ୍ଞ ଦେବତା ପ୍ରମୁଖ ଉପସ୍ଥିତ ଥିଲେ lଶେଷରେ ଓମ୍ ଜୟ ଜଗନ୍ନାଥ ଝିଅ ପାଲାଦଳ ଙ୍କ ଦ୍ଵାରା ମନୋରଞ୍ଜନ କାର୍ଯ୍ୟକ୍ରମ  ପରିବେଷଣ କରାଯାଇଥିଲା l