08-Nov-2020

କଳାହାଣ୍ଡି-- କୋକସରା-(ତ୍ରିନାଥ ବେଶ୍ରା)କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଅନ୍ତର୍ଗତ  ଧଅରପୁର    ପଂଚାୟତ  ଭାଲୁଛୁଆଁ  ଗ୍ରାମ ରେ   ରେ ଏକ ଚିନ୍ତା ଜନକ ଘଟଣା ଦେଖିବାକୁ ମିଳିଛି, ଆଜି    ବୁଲା କୁକୁର ଆକ୍ରମଣରେ ଆଠ ଆହତ  ଓ ସେଥି ମଧ୍ୟ ରୁ   ଜଣେ ଆଠ ବର୍ଷୀୟ ବାଳକ ଓ ଜଣେ ବୃଦ୍ଧ ଗୁରୁତ୍ବର ହୋଇଥିବା ଜଣା ପଡିଛି l ସୂଚନା ଅନୁଯାୟୀ ଆଜି ସକାଳ ପ୍ରାୟ ନଅ ଟା ସମୟରେ ଭାଲୁଚୁଆଁ ଗ୍ରାମର ଜଣେ ଆଠ ବର୍ଷୀୟ ବାଳକ ଗାଧୋଇ ବା ପାଇଁ ଯାଇଥିବା ସମୟରେ ହଠାତ୍ ଏକ ବୁଲା କୁକୁର ଆକ୍ରମଣ କରି କାମୁଡି ପକାଇଥିଲା ଫଳରେ ଗୁରୁତର  ଅବସ୍ଥାରେ ବାଳକକୁ ଉଦ୍ଧାର କରାଯାଇଥିଲା ,  ପରେ ଗାଁ ଭିତରକୁ  ପଶି ଜଣେ ପାଞ୍ଚ ବର୍ଷୀୟ ଶିଶୁ ସମେତ ତିନି ଜଣ ବ୍ୟକ୍ତି ଙ୍କୁ  ଗୋଡ଼ାଇ ଗୋଡ଼ାଇ କାମୁଡି କ୍ଷତବିକ୍ଷତ କରି ଦେଇଥିଲା l ସେଠାରୁ ନିକଟସ୍ଥ ଧଅଁରପୁର ଗ୍ରାମ ଯାଇ ଜଣେ ଅଠର ବର୍ଷୀୟା ଯୁବତୀ ଓ ପନ୍ଦର ବର୍ଷୀୟ ବାଳକ ଓ  ଆଉ ଜଣେ ବ୍ୟକ୍ତି ଙ୍କୁ ଆକ୍ରମଣ କରି କାମୁଡି ଦେଉଥିଲା ,ଫଳରେ ଅଞ୍ଚଳରେ ବୁଲା କୁକୁର ଆକ୍ରମଣ ନେଇ ଭୟଭୀତ ହୋଇ ପଡିଛନ୍ତି , ପୁନଶ୍ଚ ସେଇଠାରୁ ଉକ୍ତ ବୁଲା କୁକୁର  ଧଅଁରପୁର ପଞ୍ଚାୟତ  ଶାନ୍ତିନଗରପଡା ପହଞ୍ଚି ଦୁଇ ଜଣକୁ କମୁଡି ଥିବା ସୂଚନା ରହିଛି l
ଆହତ ସମସ୍ତଙ୍କୁ  ଧର୍ମଗଡ଼ ଉପଖଣ୍ଡ ଚିକିତ୍ସାଳୟ ଠାରେ ଭର୍ତି କରାଯାଇଥିବା ବେଳେ ଦୁଇ ଗୁରୁତର ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ଭବାନୀପାଟଣା କୁ ସ୍ଥାନାନ୍ତରିତ କରାଯାଇଛି ।
ବୁଲା କୁକୁରମାନେ ଏଭଳି ଅଭାବନୀୟ ଘଟଣା ଘଟାଉଥିବା ଯୋଗୁ ଜୀବନ ପ୍ରତି ବିପଦ ରହୁଥିବାରୁ ସ୍ଥାନୀୟ ଅଞ୍ଚଳରେ ଭୟ ସୃଷ୍ଟି ହେଉଛି ।ତେଣୁ ପ୍ରଶାସନ ଓ ବନବିଭାଗ ତୁରନ୍ତ ଦୃଷ୍ଟି ଦେଇ ସମସ୍ୟାର ସମାଧନ କରିବା ପାଇଁ ସାଧାରଣରେ ଦାବି ହେଉଛି  l