10-Dec-2021

 
ସମ୍ବଲପୁର,(ସଂଜୀବ ପାଣିଗ୍ରାହୀ ଙ୍କ ରିପୋର୍ଟ):ଓଡ଼ିଶା ଓବିସି ମଞ୍ଚ ସମ୍ବଲପୁର ଜିଲ୍ଲା ଶାଖା ବୈଠକ ଜିଲ୍ଲା ଶାଖା ସଂଯୋଜକ ସରୋଜ ସାହୁଙ୍କ ସଂଯୋଜନାରେ ଆଭାସି ମାଧ୍ୟମରେ ଗୁରୁବାର ଅନୁଷ୍ଠିତ ହୋଇ ଯାଇଛି । ଏହି ବୈଠକରେ ଆଗାମୀ ୧୨ ତାରିଖ ଦିନ ବଲାଙ୍ଗୀର ଠାରେ ଅନୁଷ୍ଠିତ ହେବାକୁ ଥିବା ରାଜ୍ୟ ସମ୍ମିଳନୀ ରେ ବହୁ ସଂଖ୍ୟାରେ କାର୍ଯ୍ୟକର୍ତ୍ତା ଯୋଗ ଦେବାକୁ ପ୍ରସ୍ତାବ ଗୃହୀତ ହେଲା । ଆଗାମୀ ଦିନରେ  ଓବିସି ଜନ ଗଣନା କୁ ସୁନିଶ୍ଚିତ କରିବାକୁ  ଜିଲ୍ଲାରେ ଓବିସି ରଥ ପରିକ୍ରମା କରି ଜନ ଜାଗରଣ ଓ ସ୍ୱାକ୍ଷର ସଂଗ୍ରହ ଅଭିଯାନ କରିବାକୁ ସ୍ଥିର କରଗଲା । ସଭାରେ ମଂଚର ରାଜ୍ୟ ସଭାପତି ଶଙ୍କର ପାତ୍ର ଓ ମହାସଚିବ ସୁବାସ ଚନ୍ଦ୍ର ନାୟକ ମଧ୍ୟ ଯୋଡ଼ି ହୋଇ ଓବିସି ଆନ୍ଦୋଳନ ମାଧ୍ୟମରେ ସାମାଜିକ ନ୍ୟାୟ ପ୍ରତିଷ୍ଠା ପାଇଁ ଜିଲ୍ଲାରେ ସୁଯୋଗ ସୃଷ୍ଟି ପାଇଁ ଆହ୍ଵାନ ଦେଇଥିଲେ । ବଲାଙ୍ଗୀର ଜିଲ୍ଲା ଶାଖାର ସାଧାରଣ ସଂପାଦକ ପରଦେଶୀ ବିଶ୍ଵାଳ ଯୋଗ ଦେଇ ବଲାଙ୍ଗୀର ସମ୍ମିଳନୀ କୁ ସ୍ଵାଗତ କରିଥିଲେ । ଅନ୍ୟ ମାନଙ୍କ ମଧ୍ୟରେ ସୁଧାଂଶୁ ଶେଖର ମହାରଣା, ଅସୀମ କୁମାର ପଟେଲ, ଫକୀର ମୋହନ ଦଣ୍ଡିଆ,ନାରୀ ନେତ୍ରୀ ରଜନୀ ପଟେଲ, ସାରଦା ପ୍ରସାଦ ନାୟକ, ଅନାଦି ସାହୁ, ହୀରାଲାଲ ବେହେରା, ଭବାନୀ ଶଙ୍କର ପ୍ରଧାନ, ମାନସ ସାହୁ, ତୁଷାର ରଞ୍ଜନ ବାରିକ, ସମ୍ଭୁନାଥ ସାହୁ ପ୍ରମୁଖ ଯୋଗ ଦେଇ ଆଲୋଚନାରେ ସକ୍ରିୟ ଅଂଶ ଗ୍ରହଣ କରିଥିଲେ I ପରିଶେଷରେ ବିଶିଷ୍ଟ ଓବିସି କର୍ମୀ ସତ୍ୟ ନାରାୟଣ ପଟେଲ ଧନ୍ୟବାଦ ଅର୍ପଣ କରିଥିଲେ I