09-Dec-2021

ଢେଙ୍କାନାଳ (ତାପସ ଦାସ): ଆଜି ଢେ଼ଙ୍କାନାଳ ଜିଲ୍ଲା ଓଡ଼ାପଡା ବ୍ଲକ ଅନ୍ତର୍ଗତ ସାଇଁବିରି ଗ୍ରାମ ଶିବମନ୍ଦିର ପ୍ରାଙ୍ଗଣରେ ନବନିର୍ମାଣ କୃଷକ ସଙ୍ଗଠନର ଚାଷୀ ସମାବେଶ ହୋଇଥିଲା । ଜିଲ୍ଲା ସଂଯୋଜକ ପ୍ରହଲାଦ ସାହୁ ଏହାର ନେତୃତ୍ୱ ନେଇଥିଲେ । ମୁଖ୍ୟଅତିଥି ଭାବେ ରାଜ୍ୟ ସଂଯୋଜକ ଶେଷଦେବ ନନ୍ଦ କେନ୍ଦ୍ର ଓ ରାଜ୍ୟ ସରକାରଙ୍କ କୃଷି ମାରଣାନୀତି ଉପରେ ବକ୍ତବ୍ୟ ରଖିଥିଲେ l ଜଣେ ଚାଷୀ  ଜୀବନ ସାରା କାମ କରି ଦିନକୁ ୧୭ ଟଙ୍କା ବାର୍ଦ୍ଧକ୍ୟ ଭତ୍ତା  ପାଉଛି କିନ୍ତୁ ଜଣେ ଉଚ୍ଚ ପଦସ୍ଥ ଅଧିକାରୀ ଅଶା ଠାରୁ ଅଧିକ ଭତ୍ତା ପାଉଛି  l ଆମର ପଡୋଶୀ ରାଜ୍ୟ  ଆନ୍ଧ୍ର, ତେଲେଙ୍ଗାନା, ପଶ୍ଚିମବଙ୍ଗ ୧୦୦୦ ଟଙ୍କାରୁ

୨୨୫୦ଟଙ୍କା ପାଉଥିବା ବେଳେ ଓଡ଼ିଶାରେ ବାର୍ଧ୍ୟକ୍ୟ ଭତ୍ତା ୫୦୦ ଟଙ୍କା ପାଉଛନ୍ତି । ଧାନ କୁଇଣ୍ଟାଲ ମୂଲ୍ୟ ୩୦୦୦,କ୍ଷୀର ଲିଟର ୫୦ଟଙ୍କା ଏବଂ ବାର୍ଦ୍ଧକ୍ୟ ଭତ୍ତା  ୧୫୦୦ ଟଙ୍କା ଦବାକୁ ସଭାରେ ନିଷ୍ପତି ହୋଇଛି। ସରକାର ଯଦି ଏହି ଦାବିକୁ ନ ମାନିଲେ ଆଗାମୀ ପଞ୍ଚାୟତ ନିଵାର୍ଚନରେ ଏହାର  ଉଚିତ ଜବାବ  ଦେବେ ।ଏହି ସଭାରେ ପୂର୍ବତନ ବିଧାୟକ ପ୍ରାର୍ଥିନୀ ରେବତୀ ବେହେରା ,ସୁଧାକର ପରିଡା ,  ପ୍ରେମଲତା ରାଉତ ,ଗଙ୍ଗାଧର ରାଉତ ପ୍ରମୁଖ ଉପସ୍ଥିତ ଥିଲେ