09-Dec-2021

ବଲାଙ୍ଗିର (ସନ୍ତୋଷ କୁମାର ଠାକୁର) : ତାମିଲନାଡୁର କୁନ୍ନୁରରେ ଭାରତୀୟ ବାୟୁସେନାର ହେଲିକପ୍ଟର MI 17 V5 ଦୁର୍ଘଟଣାରେ ପ୍ରାଣ ହରାଇଥିବା ଚିଫ୍ ଡିଫେନ୍ସ ଷ୍ଟାଫ ଜେନେରାଲ ବିପିନ ରାୱତ ଓ ତାଙ୍କ ଧର୍ମପତ୍ନୀ ମଧୁଲିକା ରାୱତ ସମେତ ଭାରତୀୟ ସେନାର ୧୩ ଜଣ ଯବାନ ମୃତ୍ୟୁବରଣ କରିଥିଲେ। ସେହି ମହାନ ନାୟକ ମାନଙ୍କ ଅମର

ଆତ୍ମାର ଶାନ୍ତି ଓ ସଦଗତି ନିମନ୍ତେ ଆଜି ସନ୍ଧ୍ୟାରେ ବଲାଙ୍ଗିର ସହରର କଚେରି ଛକଠାରେ ବଲାଙ୍ଗିର ସ୍ବେଛାସେବୀ ସଂଗଠନ ତରଫରୁ ଶ୍ରଦ୍ଧାଞ୍ଜଳି ଅର୍ପଣ କରାଗଲା। ଏହି ଶ୍ରଦ୍ଧାଞ୍ଜଳି ସଭାରେ ବଲାଙ୍ଗିର ଏସ୍ ଡି ପିଓ  ତୋଫାନ ବାଗ, ଆଦର୍ଶ ଟାଉନ ଥାନା ଅଧିକାରିଣୀ କେ. ପ୍ରିୟଙ୍କା ରାଉତରାୟ, ଜିଲ୍ଲା ଓକିଲ ସଂଘ ସମ୍ପାଦକ ଅମନ ନାଗ, ସମାଜସେବୀ ଅଜୟ ବାଲି, ଅମିତ ନାୟକ, କର୍ତବ୍ୟ ଫାଉଣ୍ଡେସନର ସଭାପତି କାହ୍ନା ଶତପଥୀ, ଅବସରପ୍ରାପ୍ତ ପୋଲିସ କର୍ମଚାରୀ

ନରେନ୍ଦ୍ର ବଗର୍ତ୍ତି ସମେତ ବଲାଙ୍ଗିର ସ୍ବେଚ୍ଛାସେବୀ ସଂଗଠନର ସମସ୍ତ ସଦସ୍ୟ ଉପସ୍ଥିତ ରହି ଅମର ଜବାବ ମାନଙ୍କ ଆତ୍ମାର ସଦଗତି ନିମନ୍ତେ ସହିଦ ଜବାନ ଅମର ରହେ ନାରା ଦେଇ ଦୀପ ପ୍ରଜ୍ବଳନ ସହ ଦୁଇ ମିନିଟ ନିରବ ପ୍ରାର୍ଥନା କରିଥିଲେ। ଶେଷରେ ଏସ୍ ଡି ପିଓ  ତୋଫାନ ବାଗ ସ୍ବର୍ଗୀୟ ଜବାନ ମାନଙ୍କ ଅମର ଗାଥା ବିଷୟରେ ସମସ୍ତଙ୍କୁ ଜଣାଇଥିଲେ।