03-Dec-2021

ପାଟଣାଗଡ଼ (ପୂର୍ଣ୍ଣ ଶଶି ଶେଖର ରାଓ) : ପାଟଣାଗଡ଼ ଉପଖଣ୍ଡ ବେଲପଡା ଥାନା ଅନ୍ତର୍ଗତ ଲଥାକେନ୍ଦ ଛକ ଠାରେ ଦୁଇ ଅଟୋ ଦାଦନ ଶ୍ରମିକ ଉଦ୍ଧାର ହୋଇଥିବା ଜଣାପଡିଛି। ସୂଚନା ଅନୁସାରେ ପାଟଣାଗଡ଼ ବ୍ଳକ ଘୁଚେପରା ଗାଁ ର ଦାଦନ ଶ୍ରମିକ ଭୋର୍ ସକାଳୁ ପାଟଣାଗଡ଼ ବ୍ଳକ ବଗଳାବନ୍ଦ ଗାଁ ର ଜଣେ ଦଲାଲ l ଜରିଆରେ କଣ୍ଟାବାଞ୍ଜି ସହରର ମୁଖ୍ୟ ଦଲାଲ୍ ଅଜୟ ପାଖକୁ ଯାଉଥିଲେ ।ସେପଟେ ବେଲପଡା ପୋଲିସ ପେଟ୍ରୋଲିଂ କରୁଥିବା ବେଳେ ଏମାନଙ୍କୁ ଦେଖିବାକୁ ପାଇଥିଲେ। OD 03 R 0457 ,OD03.1.8139 ନମ୍ବର ଦୁଇ ଅଟୋକୁ ଅଟକାଇ ପଚରାଉଚରା କରି ଥାନାକୁ ସମସ୍ତ ଙ୍କୁ ଆଣିଥିଲେ। ତଦନ୍ତ କରିବା ପାଇଁ ଶ୍ରମିକମାନଙ୍କୁ କିଛି ସମୟ ଅଟକ ରଖି ପୁଣି ଛାଡ଼ି ଦେଇଥିବା ଜଣାପଡିଛି। ଦଲାଲ୍ ନାଁ ରେ ଥାନା ରେ  ମାମଲା ରୁଜୁ କରିଛନ୍ତି କି ନାହିଁ ଯେ

ଗଣମାଧ୍ୟମ କୁ କିଛି ସୂଚନା ଦେଇନାହାନ୍ତି ବେଲପଡା ଥାନା ଅଧିକାରୀ ବୁଳୁ ମୁଣ୍ଡା। ଦାଦନ ଶ୍ରମିକ ଥାନା ରେ ଅଟକ ରଖିଥିବା ସମୟରେ ଆମ ପ୍ରତିନିଧି ଫଟୋ ଉଠାଇବା ବେଳେ ଆଇ ଆଇ ସି ବାବୁ ଜଣକ ମୋ ବିନା ଆଦେଶରେ କାହିଁକି ଫଟୋ ଉଠାଉଛନ୍ତି ବୋଲି ନାଲି ଆଖି ଦେଖାଉଥିଲେ ଏବଂ ପରେ ମୋ ସହ ଫଟୋ କରନ୍ତୁ ବୋଲି କହିଥିଲେ।ଏଠି ପ୍ରଶ୍ନ ଉଠୁଛି ଯେ ପ୍ରକୃତରେ ଯଦି ତାଙ୍କ ଉଦେଶ୍ୟ ଥିଲା ଦାଦନ

ଉଦ୍ଧାର କରିବା ପାଇଁ ତାହେଲେ ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦେବାକୁ କାହିଁକି କୁଣ୍ଠାବୋଧ କରୁଛନ୍ତି। ସମସ୍ତ ସୂଚନା ନେବାକୁ ଆମ ପ୍ରତିନିଧି ସକାଳ ୧୧ ଟାରୁ ସନ୍ଧ୍ୟା ୪:୩୦ ପର୍ଯ୍ୟନ୍ତ ଅପେକ୍ଷା କରିଥିଲେ ସୁଦ୍ଧା କେହି ତାଙ୍କୁ ସୂଚନା ଦେଲେ ନାହିଁ। ସାମାନ୍ୟ କେଶ କରି ଅଟୋ ଚାଳକ ଏବଂ ଦାଦନ ଶ୍ରମିକଙ୍କୁ ଛାଡି ଦେଇଥିବା ଓ ଦୁଇ ଅଟୋ କୁ ଜବତ ରଖିଥିବା ଦେଖିବାକୁ ମିଳିଛି। ବାକି ରହିଲା ଯେ ସତରେ ଦଲାଲ୍ ମାନଙ୍କୁ ଗିରଫ କରୁଛନ୍ତି ନା ସାମାନ୍ୟ କେଶ କରି ଛାଡିଦେଉଛନ୍ତି ?