03-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା କନ୍ଧେନଝୁଲା ଗାଁ ରେ ଜଣେ ବିବାହିତ ମହିଳା ଙ୍କ ମୃତ୍ୟୁ ହୋଇଥିବା ଜଣାପଡିଛି। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ଥାନା ବେଲପଡା ଗାଁ ର କାଳିଆ ବାରିକ ର ଝିଅ ଚନ୍ଦ୍ରକାନ୍ତି(୨୬) କୁ ଖପ୍ରାଖୋଲ ଥାନା କନ୍ଧେନଝୁଲା ଗାଁ ର ଗୋପ ରାଏ ର ପୁଅ ଅର୍ଜୁନ ରାଏ ଆଠ ବର୍ଷ ତଳେ ବିବାହ କରିଥିଲେ। କିନ୍ତୁ ବହୁ ଦିନରୁ ପାରିବାରିକ କଳହ ଲାଗିରହିଥିଲା। ପାରିବାରିକ କଳହ କୁ ନେଇ ଚନ୍ଦ୍ରକାନ୍ତି ନିଜ ବେକରେ ଓଢଣୀ ଲଗାଇ ଗତକାଲି ରାତିରେ ଆତ୍ମହତ୍ୟା କରିଥିବା ଶ୍ବଶୁର ଲୋକେ ବୟାନ ଦେଇଛନ୍ତି। ହେଲେ ମୃତକ ମହିଳା ଙ୍କ ଭାଈ ଏବଂ ପରିବାର ଲୋକେ ହତ୍ୟା ଅଭିଯୋଗ ଆଣିଥିବା ରୁ ବେଲପଡା ତହସିଲଦାର ପ୍ରଶାନ୍ତି ପ୍ରଧାନ ଓ ବଲାଙ୍ଗିର ରୁ ଫରେନ୍ସି ଟିମ୍ ଘଟଣାସ୍ଥଳକୁ ପହଞ୍ଚି ସବୁ ଯାଞ୍ଚ କରିବା ପରେ ମୃତ ଦେହ କୁ ଖପ୍ରାଖୋଲ ଡାକ୍ତରଖାନାକୁ ଶବ

ବ୍ୟବଚ୍ଛେଦ ପାଇଁ ପଠାଇଥିଲେ।ଫରେନ୍ସି ରିପୋର୍ଟ ନ ଆସିବା ଯାଏ ଝିଅ ଘର ଲୋକଙ୍କ ଏତଲାକୁ ଭିତ୍ତିକରି ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ସ୍ବାମୀ ଅର୍ଜୁନ ରାଏ କୁ ଥାନା ରେ ଅଟକ ରଖିଥିବା ବେଳେ ଶ୍ବଶୁର ଗୋପ ରାଏ ଫେରାର ହୋଇଯାଇଥିଲା।  ଆସାମୀକୁ ଗିରଫ କରିବା ଦାବିରେ ମୃତ ଦେହ ରଖି ପରିବାର ଲୋକେ ଧାରଣାରେ ବସିଥିଲେ। ଦୁଇ ଘଣ୍ଟା ଧାରଣା ଦେବା ପରେ ଥାନା ଅଧିକାରୀ ମୃତକ ପରିବାର ଲୋକଙ୍କୁ ପ୍ରତିଶ୍ରୁତି ଦେବା ପରେ ଧାରଣାରୁ ଓହରି ଯାଇଥିଲେ।ପରେ ଥାନାରେ କେଶ ନମ୍ବର ୨୦୭/୨୧ ଧାରା  ୪୯୮, ୩୦୨, ୩୪ ଆଇପି ସି ମାମଲା ରୁଜୁ କରି ଝିଅର ସ୍ବାମୀ ଓ ଶାଶୂ କୁ ଗିରଫ କରିବା ସହ ଆସନ୍ତାକାଲି କୋର୍ଟ ଚାଲାଣ କରିବାକୁ ଓ ଆଇ ସି ରମାକାନ୍ତ ସାହୁ ସୂଚନା ଦେଇଛନ୍ତି।