02-Dec-2021

ପଦ୍ମପୁର/ସୋହେଲା:-ବେହେରାପାଲି ଠାରେ ସୋହେଲା ବ୍ଲକ ଭୁଲିଆ ସମାଜ ର ସାଂଗଠନିକ ସଭା ଅନୁଷ୍ଠିତ ହୋଇ ଯାଇଛି। ବ୍ଲକ ସଭାପତି ଗଜରାଜ ମେହେରଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ  ମୁଖ୍ୟ ଅତିଥି ଭାବେ ବରଗଡ଼  ଜିଲ୍ଲା ଭୁଲିଆ ସମାଜର ସଭାପତି ଡ ସୁବାସ ମେହେର, ବାନ୍ଧ ଶିଳ୍ପୀ ସୁରେନ୍ଦ୍ର ମେହେର, ରାମକୃଷ୍ଣ ମେହେର, ବିନୋଦ ବିହାରୀ ମେହେର, ମହେନ୍ଦ୍ର ମେହେର, ସହଦେବ ମେହେର, ରଥ ମେହେର, ନନ୍ଦ କିଶୋର ମେହେର ଯୋଗ ଦେଇଥିଲେ। ସଭା ପ୍ରାରମ୍ଭରେ ଅତିଥି ମାନେ ମାଁ ସମଲେଇ ଏବଂ ସ୍ବଭାବ  କବି ଗଙ୍ଗାଧର ମେହେରଙ୍କ ଫଟୋ ଚିତ୍ର ସମ୍ମୁଖରେ ଦୀପ ପ୍ରଜ୍ବଳନ ପରେ କୁମର ମେହେର ସ୍ବାଗତ ସଂଗୀତ ଗାନ କରି ଥିଲେ। ଏହି ସଭାରେ ବୁଣାକାର, ଭୁଲିଆସମାଜ ର ବିଭିନ୍ନ ସମସ୍ୟା ରଙ୍ଗ, ସୂତା ଦରବୃଦ୍ଧି କମ କରିବା ପାଇଁ  ସରକାର ଙ୍କ ଠାରେ ଦାବି ଉପରେ ଆଲୋଚନା କରା ଯାଇଥିଲା। ଏହି ଅବସରରେ ମମିତା ମେହେର ହତ୍ଯାକାଣ୍ଡ ର ଦୋଷୀ କୁ କଠୋର ଦଣ୍ଡ ପ୍ରଦାନ ନିମନ୍ତେ ଦସ୍ତଖତ ଅଭିଯାନରେ ସମସ୍ତେ ସାମିଲ ହେବା ପାଇଁ ଆହ୍ୱାନ କରିଥିଲେ  । ଏହି ସଭାରେ ସମାଜର ବିଭିନ୍ନ ପ୍ରତିଭାଙ୍କୁ ସମ୍ମାନିତ କରାଯାଇଥିଲା। ବାନ୍ଧକାର ନୀଳାଦ୍ରୀ ମେହେର, ନାଟ୍ଯକାର  ବିଦ୍ୟାଧର ମେହେର, ମଂଚ କଳାକାର  ଭୁବନେଶ୍ବର ମେହେର, କବି ନକୁଳ ମେହେର, କବି ଶିବ

ପ୍ରସାଦ ମେହେର, ପ୍ରକୃତି ବନ୍ଧୁ ଗୋବିନ୍ଦ ମେହେର, ଓ.ଏ.ଏସ ଜୟନ୍ତ ମେହେର, ମାଟ୍ରିକ ଟପର ଶ୍ରୀତମ ମେହେର ଙ୍କୁ ମାନପତ୍ର ଉପଢୌକନ ଦେଇ ସମ୍ମାନିତ କରାଯାଇଥିଲା। କବି ରୋହିତ ମେହେର ଙ୍କ ସଂଯୋଜନାରେ କବି ସୁବାସ ମେହେର, ଅଧିକାରୀ ମେହେର, ଅନନ୍ତ ମେହେର  ସମାଜ ବିଚାର ଉପରେ କବିତା ପାଠ କରିଥିଲେ। ଏହା ପରେ  ମୋତିରାମ ମେହେରଙ୍କ ପରିଚାଳନାରେ ନୂତନ ସାଂଗଠନିକ କମିଟି ଗଠନ କରାଯାଇଥିଲା। ସଭାପତି ଗଜରାଜ ମେହେର, କାର୍ଯ୍ୟକାରୀ ସଭାପତି ରୋହିତ ମେହେର, ଉପ ସଭାପତି  ଚେୟାରମେନ ମେହେର, ଚନ୍ଦ୍ର ମେହେର,  ସଂପାଦକ ମକରଧ୍ବଜ ମେହେର, ସହ ସଂପାଦକ ଶ୍ରୀଫଳ ମେହେର, ଜଗନ୍ନାଥ ମେହେର, ସଂଯୋଜକ ସୁବାସ ମେହେର ,କ୍ଷୀରୋଦ୍ର ମେହେର, କୋଷାଧ୍ୟକ୍ଷ ଡୋଲାମଣି ମେହେର ଙ୍କୁ ସର୍ବ ସମ୍ମତି କ୍ରମେ  ନିର୍ବାଚିତ କରି ଥିଲେ। ବ୍ଲକର ୩୦ଖଣ୍ଡ ଗ୍ରାମରୁ ଆସିଥିବା ଭୁଲିଆ ସମାଜର  ନିର୍ବାଚିତ ପ୍ରତିନିଧି ମାନେ ନିର୍ବାଚନରେ ଅଂଶ ଗ୍ରହଣ କରିଥିଲେ। ବେହେରାପାଲି ଭୁଲିଆ ସମାଜ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବା ବେଲେ ଭୀଷ୍ମଦେବ ମେହେର ଧନ୍ୟବାଦ ଅର୍ପଣ କରିଥିଲେ।