30-Nov-2021

ବଲାଙ୍ଗୀର/ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଜିଓଟେଗ ସଂଘ ତରଫରୁ ବିଭିନ୍ନ ସମସ୍ୟାକୁ ନେଇ ବିଡ଼ିଓ ରାମଚନ୍ଦ୍ର ଖାଡିଆଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l ଜିଓଟେକ କହିବାନୁଯାୟୀ ପଂଚାୟତିରାଜ ଓ ପାନୀୟ ଜଳ ବିଭାଗର ଚିଠି ନମ୍ବର୧୧୯୨୭/୫.୭.୨୦୧୭ ଅନୁଯାୟୀ  ନିୟୋଜିତ ଅଛନ୍ତି l ବିଗତ ୫ ବର୍ଷଧରି ଗ୍ରାମୀଣ ବାସଗୃହ ଯୋଜନା ଅନ୍ତର୍ଗତ PMAY(G), BPGY, IAY, NSPGY ଯୋଜନାରେ କାର୍ଯ୍ୟ କରୁଛନ୍ତି l ହିତାଧିକାରୀଙ୍କ ଠାରୁ କାଗଜପତ୍ର ସଂଗ୍ରହ କରିବା ସହ ସେମାନଙ୍କ ଅନଲାଇନ ରେଜିଷ୍ଟ୍ରସନ କରିବା, ଆବାସ ଆପରେ ଜିଓଟେଗିଙ୍ଗ କରିବା, ବାସଗୃହ ସମ୍ପୂର୍ଣ କରିବାରେ ହିତାଧିକାରୀଙ୍କୁ ସହଯୋଗ କରିବା l ଆମଘର ଆପରେ ସମ୍ପୂର୍ଣ,ଅସମ୍ପୂର୍ଣ ଘର ଗୁଡିକ ଜିଓଟେଗିଙ୍ଗ କରିବା, ପଂଚାୟତର ସମସ୍ତ ପ୍ରକାର ଅନଲାଇନ ଡାଟାଏଣ୍ଟ୍ରି କାମକରି ପିଇଓଙ୍କୁ ସମ୍ପୂର୍ଣ ସହାୟତା କରିବା l ଏହାଛଡା କୋଭିଡ-୧୯ ମହାମାରୀ ସମୟରେ ଟିଏମସି ମାନଙ୍କରେ ନିୟୋଜିତ ରହି ସମସ୍ତ ପ୍ରକାର କାର୍ଯ୍ୟ କରିବା ସହ ଘର ଘର ବୁଲି ସରକାରଙ୍କ ସାମାଜିକ  ସୁରକ୍ଷା ଯୋଜନାରେ ଭତ୍ତା, ରାସନ ବଣ୍ଟନ କରିବାରେ ସମ୍ପୂର୍ଣ ସହଯୋଗ l ବର୍ତମାନ ସରକାରଙ୍କ ବିଭିନ୍ନ  ଜନ କଲ୍ୟାଣକାରି ସଫଳ ରୂପାୟନ ପାଇଁ କାର୍ଯ୍ୟରେ ଜଡିତ ହେବା ଇତ୍ୟାଦି ଅନେକ ଗୁଡିଏ କାର୍ଯ୍ୟ l କିନ୍ତୁ ଦୁଃଖର ବିଷୟ ଏହା ଯେ ଏତେସବୁ କାର୍ଯ୍ୟକରି ମଧ୍ୟ ସରକାର ଜିଓଟେଗଙ୍କ ପ୍ରତି ଉଦାସୀନ ମନୋଭାବ, ଆବାସ ଆପରେ ମାତ୍ର ୫୦ ଟଙ୍କା ଜିଓଟେଙ୍କୁ ଦିଆଯାଉଛି l ଏଣୁ ଜିଓଟେଗ ସଂଘର ସରକାରଙ୍କ ଠାରେ ମୁଖ୍ୟଦାବୀ ଏହା ଯେ ମାସିକ ମାନଦେୟ ସହିତ କାର୍ଯ୍ୟ ଚିଠା ପ୍ରଦାନ କରାଯାଉ l ପଂଚାୟତି ସ୍ତରରେ ଜିଓଟେଗଙ୍କୁ ଡାଟାଏଣ୍ଟ୍ରି ପଦବୀ ସହ ଏକାଉଣ୍ଟାଣ୍ଟ ପଦବୀରେ ନିଯୁକ୍ତି କରାଯାଉ l ମାସିକ ମୋବିଲିଟି ସପୋର୍ଟ ଦିଆଯାଉ l ଟେଗ ଅଫିସର ବୋନସ ପ୍ରଦାନ କରାଯାଉ l ଦାବିପତ୍ର ପ୍ରଦାନ ସମୟରେ ଜିଓଟେଗ ସଭାପତି ଅନିଲ ତାଣ୍ଡି, କାର୍ଯ୍ୟକାରୀ ସଭାପତି ଅଶୋକ କୁମାର ବେହେରା, ସମ୍ପାଦକ ଅନିଲ ଜାଲ, ସହ ସମ୍ପାଦକ ସ୍ୱାଧୀନ କୁମାର ସା, କୋଷାଧ୍ୟକ୍ଷ ବୟମକେଶ ଥନାପତି ସହ ଅନ୍ୟମାନେ ଉପସ୍ଥିତ ରହି ଦାବୀ ପ୍ରଦାନରେ ସହଯୋଗ କରିଥିଲେ l