30-Nov-2021

ବଲାଙ୍ଗିର (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ ପଣ୍ଡ୍ରିଜୋର ପଞ୍ଚାୟତ ବିଛୁବାହାଲି ଗାଁ ଖେଳ ପଡିଆରେ ବାଜିରାଉତ ଫୁଟବଲ କ୍ଳବ ତରଫରୁ ଫୁଟବଲ ଟୁର୍ଣ୍ଣାମେଣ୍ଟ ର ପଞ୍ଚମ ଦିବସ ପାଳନ କରାଯାଇଛି। ଏହି ଖେଳ ଟି ୬/୧୧/୨୧ ରୁ ଆରମ୍ଭ ହୋଇ ଆଜି ପଞ୍ଚମ ଦିବସ ରେ ପହଞ୍ଚି ଥିବା ଜଣାପଡିଛି।ଆଜି ପଞ୍ଚମ ଦିବସ ରେ ପ୍ରଥମ ରାଉଣ୍ଡ ରେ ବାହାବଲ ଓ ଜାମବାହାଲ ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ବାହାବଲ କୁ ଗୋଟିଏ ଗୋଲ ଦେଇ ଜାମବାହାଲ ବିଜୟ ହାସଲ କରିଛି। ଦ୍ବିତୀୟ ରାଉଣ୍ଡ ରେ ବଡ଼ଗାଁ ମୁଣ୍ଡା ଓ ଧୁନସୁ ଭିତରେ ପ୍ରତିଯୋଗିତା ହୋଇଥିଲା ଏବଂ ସେଥିରେ ଧୁନ୍ସୁ କୁ ୫ ଟି ବଡ଼ଗାଁ ମୁଣ୍ଡା ବିଜୟୀ ହୋଇଛି। ଆସନ୍ତା କାଲି କଣ୍ଟାବାଞ୍ଜି ସହର ଓ ବିଛୁବାହାଲି ମଧ୍ୟରେ କ୍ବାଟର ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି କମିଟିର ସଭାପତି ଦୂର୍ଜନ ମାଝୀ ଓ ସମ୍ପାଦକ ଦେବାର୍ଚନ ମାଝୀ ସୂଚନା ଦେଇଛନ୍ତି। ଆଜି ଏହି ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ସଲଣ୍ଡି ପଞ୍ଚାୟତ ସରପଞ୍ଚଙ୍କ ସ୍ବାମୀ ଦୁଲ୍ଳଭ ବଏ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ସଲଣ୍ଡି ଗାଁ ର ଉପେନ୍ଦ୍ର ପୁଞ୍ଜି ଯୋଗଦାନ କରିଥିଲେ।ଏହି କାର୍ଯ୍ୟକ୍ରମ ରେ ବାହାବଲ ଗାଁ ର ଉପେନ୍ଦ୍ର ପ୍ରଧାନ କମେଟ୍ମେଣ୍ଟ କରୁଥିବା ବେଳେ ଅମ୍ପେୟାର ଭାବେ ବିଛୁବାହାଲି ଗାଁ ର ବିବଚ୍ଛ ମାଝୀ, ବୈଷ୍ଣବ ତାଣ୍ଡି,ବିଶ୍ବାମ୍ବର ଭୋଇ କାର୍ଯ୍ୟ ତୁଲାଉଥିବା ଜଣାପଡିଛି।