30-Nov-2021

ବିନିକା(ହିମାଂଶୁ ଶେଖର ପୁଟେଲ)  ବିନିକା ବ୍ଲକ ଅନ୍ତର୍ଗତ ଫୁଲମୁଠି ବ୍ରଜ ବିହାରୀ ନୃତ୍ୟ କଳା ପରିଷଦ ତରଫରୁ ଚାଲିଥିବା ଗୋକୁଳାଷ୍ଟମୀ ଯାତ୍ରାର ଆଜି ଉଦଯାପନୀ ଉତ୍ସବରେ ମହାରାଜ କଂସଙ୍କ ନିମନ୍ତ୍ରଣ କ୍ରମେ ରାଜ ଦରବାରରେ ଚାଷୀନେତା ଭୀମସେନ ସାହୁ,ସରକାରୀ ଓକିଲ ସୁଧାଂଶୁ ଶେଖର ଦାଶ, ବିଜେଡ଼ି ବିନିକା ନଗର ସଭାପତି ସୋମନାଥ ମିଶ୍ର,ବ୍ଲକ ସଭାପତି ଦ୍ବାରିକାନାଥ ସାହୁ,ବାଙ୍କିଘିରିଡି ସରପଞ୍ଚ ମାନସ ବେହେରା,ବରିଷ୍ଠ ନାଗରିକ ପ୍ରମୋଦ ଦାଶ,ଯୁବନେତା ବାବୁଲା ପଣ୍ଡା ପ୍ରମୁଖ ରାଜକୀୟ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ ।

ଅତିଥି ଓ ମଥୁରା ବାସୀଙ୍କ ମନୋରଞ୍ଜନ ପାଇଁ ଦରବାରରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।ଶୂନ୍ୟବାଣୀ ପରଠୁ ବିଚଳିତ କଂସ ଗୋପରେ ବଡୁଥିବା ନଟଖଟିଆ କୃଷ୍ଣଙ୍କୁ ମାରିବା ପାଇଁ ଦାନବ କୁଳ ପଠାଇଥିଲେ ହେଁ କେହିବି କୃଷ୍ଣଙ୍କ ହାତରେ ବର୍ତ୍ତି ପାରି ନଥିଲେ ।ଶେଷରେ ଅର୍ଘାସୂର ରାକ୍ଷସକୁ ପ୍ରେରଣ ଆଦି ଦୃଶ୍ୟ ଅତ୍ୟନ୍ତ ମନୋରମ ଥିଲା । ଏହି ଅବସରରେ ଯାତ୍ରାର ଉଦୋକ୍ତା ତଥା ପୂଜକ ବର୍ଷୀୟାନ ନାଗରିକ ଗଣେଶରାମ ଦାଶଙ୍କୁ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ସେହିପରି ଗୋପପୁର ମେଳଣ ପଡ଼ିଆରେ ଗୋପପୁର ବାସି କୃଷ୍ଣ ବଳରାମଙ୍କ ପରାକ୍ରମରେ ହସଖୁସିରେ ଜାହିର ଥିବା ବେଳେ ଏତିକି ବେଳେ କଂସ ପ୍ରେରିତ ଅର୍ଘାଷୁର ଆସି ଆତଙ୍କ ଖେଳାଇଥିଲା ଫଳରେ ଗୋପପୁର ବାସି ଭୟଭୀତ ହୋଇ ପଡ଼ିଥିଲେ ।କୃଷ୍ଣ ଏହା ଜାଣି ଅର୍ଘାଶୁର ସହିତ ଘମାଘୋଟ ଯୁଦ୍ଧ କରି ତାକୁ ନିଧନ କରିବା ପରେ ସାରା ଗୋପପୁର ବାସି  ଆନନ୍ଦରେ ମଜ୍ଜା ନେଇଥିବା ଆଦି ଦୃଶ୍ୟ ପ୍ରଦର୍ଶିତ ହୋଇଥିଲା । ସାତ ଦିନଧରି ଅନୁଷ୍ଠିତ ଏହି ଯାତ୍ରା ପରିଚାଳନାରେ କମିଟି ସଦସ୍ୟ ଓ ଗ୍ରାମବାସୀ ସହଯୋଗ କରିଥିଲେ ।