07-Nov-2020

କଟକ, (ପ୍ରେରଣା ଖବର) - ଓଡ଼ିଶା ହାଇକୋର୍ଟର ବରିଷ୍ଠ ଆଇନଜୀବୀ ତଥା ହାଇକୋର୍ଟ ବାର୍ ଆସୋସିଏସନର ପୂର୍ବତନ ସଭାପତି  ଡଃ ଅଶୋକ କୁମାର ମହାପାତ୍ରଙ୍କର ୬୧ବର୍ଷ ବୟସରେ ଅକାଳ ନିଧନ ! ସେ ଅତ୍ୟନ୍ତ ସରଳ, ପରୋପକାରୀ ମଣିଷ ଥିଲେ ! ସେ ତାଙ୍କ ପିତାମାତାଙ୍କ ନାମରେ ଏକ ଶ୍ଯାମ-ଶକୁନ୍ତଳା କଲ୍ୟାଣ ପାଣ୍ଠି ଗଠନ କରି ତା' ମାଧ୍ୟମରେ ସାମ୍ପ୍ରତିକ କୋଭିଡ଼ କାଳରେ ରାଜ୍ୟର ଆଇନୀଜୀବୀମାନଙ୍କ ସମସ୍ୟାକୁ ଦୃଷ୍ଟିରେ ରଖି ବିଭିନ୍ନ ବାର୍ ଆସୋସିଏସନକୁ ଆର୍ଥିକ ଅନୁଦାନ ପ୍ରଦାନ କରିଥିଲେ ! ମାତ୍ର କିଛି ଦିନ ତଳେ ସେ ସେହି କୋଭିଡ଼ରେ ଆକ୍ରାନ୍ତ ହୋଇ କଟକର ଏକ ଘରୋଇ ଡାକ୍ତରଖାନାରେ ଚିକିତ୍ସାଧିନ ଥିବା ଅବସ୍ଥାରେ ତାଙ୍କର ଏଇମାତ୍ର କିଛି ସମୟ ତଳେ ବିୟୋଗ ଘଟିଛି ! ଏଭଳି ମହାନ୍ ଆତ୍ମା ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିବା ପୂର୍ବକ ତାଙ୍କ ଅମର ଆତ୍ମାର ସଦଗତି ନିମନ୍ତେ ମା ସମଲେଶ୍ୱରୀ ଙ୍କ ଠାରେ ପ୍ରାର୍ଥନା l