29-Nov-2021

ପଦ୍ମପୁର :-ବିଜେପୁର ସର୍କଲର ଜୋନ୍ ସ୍ତରୀୟ ପଞ୍ଚମ ବୈଠକ ଲାଉମୁଣ୍ଡା ମହାଦେବ ମନ୍ଦିର ପରିସରରେ ଶ୍ରୀଯୁକ୍ତ ମକ୍ତା ପଟେଲଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି।ବହୁସଂଖ୍ୟକ ମହିଳାଙ୍କ  ଯୋଗଦାନ ସଭାର ଶ୍ରୀବୃଦ୍ଧି କରିଥିଲା lସଂସାର ରଥରେ ଦୁଇଟି ଚକ ମହିଳା ଓ ପୁରୁଷ- ଆମ ସମାଜର କୌଳିକ ବୃତ୍ତିକୁ ଆଗେଇ ନେବାପାଇଁ ଉଭୟେ ସମାନ ଭାବରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇ ଆଗକୁ ଅଗ୍ରସର ପଥରେ ଆଗେଇ ବାକୁ ପଡ଼ିବ l ଉଦ୍ୟାନକୃଷି ସାମଗ୍ରୀର ଉତ୍ପାଦନ ଓ ବଜାରୀକରଣ ମହିଳା ସମାଜ ଉପରେ ବିଶେଷ  ନିର୍ଭରଶୀଳ। ଆଧୁନିକ ଜ୍ଞାନକୌଶଳର ସମ୍ମିଶ୍ରଣ ସହିତ ବ୍ୟାବସାୟିକ ଧାରାର ପରିବର୍ତ୍ତନ ଓ ପରିବର୍ଦ୍ଧନ ନିମନ୍ତେ ଯଦୁମଣି ପଟେଲ ଆହ୍ବାନ ଦେଇଥିଲେ।

ବରିଷ୍ଠ ସଦସ୍ଯ ରଣଜିତ ପଟେଲ ସଂପୂର୍ଣ୍ଣ ନିଶାମୁକ୍ତି ଅଭିଯାନ ଓ ପାରିବାରିକ ଉତ୍ସବ ଅନୁଷ୍ଠାନର ସଂସ୍କାର କ୍ଷେତ୍ରରେ ମହିଳାମାନେ ଅଗ୍ରଣୀଭୂମିକା ଗ୍ରହଣ ପୂର୍ବକ ଆଦର୍ଶ କୋଶଳିଆ ମାଳି ସମାଜ ଗଠନ କରିବା ଉପରେ ଗୁରୁତ୍ବ ଦେଇଥିଲେ।

ଲୋକପ୍ରିୟ ଓଡ଼ିଶା ସରକାର କୃଷକମାନଙ୍କ ଆୟକୁ ଦ୍ବିଗୁଣିତ କରିବା ପାଇଁ ଉଦ୍ଯାନକୃଷି ଓ ଗୋପାଳନ ଉପରେ ଗୁରୁତ୍ବ ଦେଉଛନ୍ତି। ଅନ୍ଯ ପକ୍ଷରେ ମାନନୀୟ ଭାରତ ସରକାର କୃଷି ଓ କୃଷକ ବିକାଶ ମନ୍ତ୍ରାଳୟ ତରଫରୁ ଏକିକୃତ ଉଦ୍ୟାନ କୃଷି ମିଶନ (ଏମ୍.ଆଇ.ଡି.ଏଚ୍.) ଆରମ୍ଭ କରିଛନ୍ତି। ଉଦ୍ଯାନକୃଷିରେ ପଛୁଆ ବରଗଡ଼ ଜିଲ୍ଲା ମଧ୍ଯ  ଏଥିରେ ସ୍ଥାନିତ ହୋଇଛି।ଆମେ ଏହାର ସଦୁପଯୋଗ କରିବା ଆବଶ୍ୟକ ବୋଲି ସାମାଜିକ କର୍ମୀ ସୁଶାନ୍ତ ଉଦବୋଧନ ଦେଇଥିଲେ।
ଲାଉମୁଣ୍ଡାର ବିଶିଷ୍ଟ କଳାକାର ଦାମୋଦର ପଟେଲ ରାବଣ ଭୂମିକାରେ ଜୀବନ୍ତ ଅଭିନୟ କରି ସୁନାମ ଅର୍ଜନ କରିଥିବାରୁ ଆଜି ସଭାରେ ତାଙ୍କୁ ସମ୍ମାନୀତ କରାଗଲା।
ଶ୍ରୀମତୀ କଳ୍ପନା ଓ ଚନ୍ଦନା ପଟେଲଙ୍କୁ ମହିଳା ମଣ୍ଡଳୀର ପ୍ରମୁଖ ଭାବରେ ଅବସ୍ଥାପନ ପୂର୍ବକ ସର୍ବଶ୍ରୀ ନିମାଇଁ, ଗୋକୁଳ, ଦାମୋଦର,  ପାଣ୍ଡବ, ଅଶ୍ବିନୀ, ରାଇଧର, ଅନି ଓ ଉପେନ୍ଦ୍ର ଙ୍କୁ ନେଇ ଜୋନାଲ କମିଟି ଗଠନ କରାଯାଇଛି l