27-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ରାଜ୍ୟ  ସରକାର ମହିଳା ମାନଙ୍କ ସୁରକ୍ଷା ଦେଇ ପାରୁନି, ଏଠି କିଡ଼ନୀ ଓ ଅନ୍ୟ ଦୁଃସାଧ୍ୟ ରୋଗୀଙ୍କୁ ମେଡିକାଲରେ ମାଗଣାରେ ଔଷଧ ଯୋଗାଇ ପାରୁନି ଓ ପୂର୍ବରୁ ଯୋଗାଇ ଥିବା ଚାଷୀ ଓ ସାମ୍ବାଦିକଙ୍କ ସ୍ୱାସ୍ଥ୍ୟ ବୀମା କାର୍ଡ  ଠିକ ବେଳେ କାର୍ଯ୍ୟରେ ସାହାଯ୍ୟରେ ଲାଗୁ

ହୋଇ ପାରୁ ନ ଥିବା ବେଳେ ମୁଖ୍ୟମନ୍ତ୍ରୀଙ୍କ ବିଜୁ ସ୍ୱାସ୍ଥ୍ୟ ସ୍ମାର୍ଟ କାର୍ଡ ବଣ୍ଟନ ଏକ ନାଟକ ଓ ହାସ୍ୟାସ୍ପଦ ବୋଲି ଆଜି ସୋନପୁର କସ୍ତୁରୀ ହୋଟେଲ ଠାରେ  ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବିଜେପି ଜ଼ିଲ୍ଲା ସଭାପତି ପ୍ରମୋଦ ମହାପାତ୍ର ପ୍ରକାଶ କରି ଥିଲେ l  ମମିତା ମେହେର ଘଟଣା ରେ   ମନ୍ତ୍ରୀ  ସୁଶାନ୍ତ ସିଂହଙ୍କୁ କଳା ପତାକା  ପ୍ରଦର୍ଶନ କରିଥିବା ବିଜେପି ସୋନପୁର ନଗର ସଭାପତି ଜଗତ ଜ୍ୟୋତି ତ୍ରିପାଠୀ ଙ୍କୁ ବରଗଡ଼ ର ଭଡାଟିଆ ଗୁଣ୍ଡା ଦ୍ୱାରl ମାରଣାନ୍ତକ ଆକ୍ରମଣ କୁ ଓ ସେଇ ଗଞ୍ଜୁଆ ମଦୁଆଙ୍କୁ ସୁବର୍ଣ୍ଣପୁର ବିଜେପି କେବେ କ୍ଷମା ଦେବନି ବୋଲି ମତ ରଖିଥିଲେ l  ମମିତାଙ୍କ  ପରିବାର କୁ ନ୍ୟାୟ ବଦଳରେ ଓଲଟା ସବୁ ପ୍ରମାଣ ନଷ୍ଟ ପାଈଁ ଦିନ ରାତି ସରକାରୀ କଳକୁ ଲଗାଇଛି ଏ ସରକାର ବୋଲି ମତ ରଖି ସରକାରଙ୍କ ଦୋଷ ଦୁର୍ବଳତାକୁ ଉପସ୍ଥାପନା କରିଵା ଆମ ବିରୋଧୀଙ୍କ ଧର୍ମ ବୋଲି କହିଥିଲେ l କିନ୍ତୁ ବିରୋଧୀଙ୍କୁ ଏଭଳି ମରଣାନ୍ତକ ଆକ୍ରମଣ  ଓ ତାଙ୍କ ବିରୋଧୀ ସ୍ବରକୁ କଣ୍ଠରୋଧ କରି ରାଜ୍ୟରେ ମମତା  ଦୁଷ୍କର୍ମ ଭଳି ଆଉ କେତେ ନିରୀହ ମହିଳାଙ୍କୁ ଦୁଷ୍କର୍ମ କରିବ ହତ୍ୟା କରିବ ବିଜେଡି  ବୋଲି ଶ୍ରୀ ମହାପାତ୍ର ପ୍ରଶ୍ନ କରିଥିଲେ l ବୀରମହାରାଜପୁର ବିଜେପି ବିଧାୟକ ପ୍ରାର୍ଥୀ ରଘୁନାଥ ଜଗଦଲା କହିଥିଲେ ଯେ କୌଣସି  ନିବାର୍ଚନ ବେଳେ ଏଠି କେବେ ହିଂସା ହୋଇନି ,  ବିରୋଧୀ ଭିତରେ ଝାମେଲା  ହୁଏନି, ରାଜନୀତି ବାହାରେ ସବୁ ଦଳ  ଭାଇ ଭାଇ ସମ୍ପର୍କ, କିନ୍ତୁ ଆମ ସୁବର୍ଣ୍ଣପୁର ଜ଼ିଲ୍ଲା ଭଳି ଏକ ଶାନ୍ତ ଜ଼ିଲ୍ଲା ଶାନ୍ତ ପରିବେଶକୁ ବାହାର ଜ଼ିଲ୍ଲା ମନ୍ତ୍ରୀଙ୍କ ସମର୍ଥକ ଵା ଅସମାଜିକ ଯୁବକ ଆସି ଅଶାନ୍ତ ସୃଷ୍ଟି କରି ଚ୍ୟାଲେଞ୍ଜ କରିଗଲେ, ଯାହାକି କେବଳ ଆମ ଦଳ କୁ ନୁହେଁ ସାରା ଜ଼ିଲ୍ଲା ପାଈଁ ଏହା ଲଜ୍ଜାର ବିଷୟ ବୋଲି କ୍ଷୋଭ ପ୍ରକାଶ କରିଥିଲେ l ଏହି ପ୍ରେସମିଟ ରେ ଜ଼ିଲ୍ଲା ସଭାପତି ପ୍ରମୋଦ

ମହାପାତ୍ର, ସୋନପୁର ବିଧାୟକ ପ୍ରାର୍ଥୀ ଅଶୋକ ପୂଝlରୀ, ନଗର ସଭାପତି ଜଗତ ଜ୍ୟୋତି ତ୍ରିପାଠୀ, ନାରୀ ନେତ୍ରୀ ମିସ ଗିରି, ଶରତ ଶତପଥି ପ୍ରମୁଖ ଯୋଗ ଦେଇ ଥିଲେ l ଏଇ ବିଜେଡି  ଗୁଣ୍ଡା ମାନଙ୍କୁ ଶୀଘ୍ର ଗିରଫ କରି  ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଏକ ବିରାଟ ରାଲି ରେ ବିଜେପି କର୍ମୀ ମାନେ ଯାଇ ସୁବର୍ଣ୍ଣପୁର ଏସପି ଙ୍କୁ ଲିଖିତ ଆକାରରେ ଆଜି ଦଳ ପକ୍ଷରୁ ଦାବୀ କରାଯାଇଛି l