27-Nov-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ୧ ନମ୍ବର ଜୋନ ଅନ୍ତର୍ଗତ  ବାବୁଫାଷଡ ପଞ୍ଚାୟତର ଘୁଚେପାଲି ଗ୍ରାମରେ ବିଜେଡିର ବ୍ଲକ ସ୍ତରୀୟ କର୍ମୀ ସମ୍ମିଳନୀ, ସାଧାରଣ ସଭା ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି l ଏହି ସଭାରେ ମୁଖ୍ୟ ଅତିଥି ଭାବେ ପୂର୍ବତନ ସାଂସଦ ଶ୍ରୀ କଳିକେଶ ନାରାୟଣ ସିଂଦେଓ, ମୁଖ୍ୟବକ୍ତା ଭାବେ  ରାଜ୍ୟ ପରିଷଦ ସଭ୍ୟ ଶ୍ରୀ ନିହାରରଞ୍ଜନ ବେହେରା ଓ ବ୍ଲକ ବିଜେଡି ମହିଳାସଭାପତି ଶ୍ରୀମତୀ ଦେବକୀ ସାହୁ ଯୋଗ ଦେଇଥିଲେ।ଏହି ସମ୍ମିଳନୀକୁ  ବ୍ଲକ ସଭାପତି ଶ୍ରୀ ପଞ୍ଚୁ ପଧାନ ସଭାପତିତ୍ବ କରିଥିଲେ l ଏହି ସଭାରେ ବ୍ଲକର ବହୁ ସଂଖ୍ୟାରେ ବିଜେଡି କର୍ମୀ ତଥା କୈଳାଶ ମହାନ୍ତି, ଗୋବର୍ଦ୍ଧନ ସାହୁ, ପିଣ୍ଟୁ ଯୋଶୀ, ନାରାୟଣ ସାହୁ, କୈଳାଶ ବିଶ୍ଵାଳ, ପ୍ରବୀର୍ ଭୋଇ, ପ୍ରମୋଦ ମିଶ୍ର ପ୍ରଭୃତି ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ଥିଲେ l ଏଥିରେ ଏହି ଅଞ୍ଚଳର ଶତାଧିକ କଂଗ୍ରେସ କର୍ମୀ ବିଜେଡିରେ ଯୋଗଦାନ କରି କର୍ମୀ ସମ୍ମିଳନୀ ଓ ମିଶ୍ରଣ ପର୍ବକୁ ସଫଳ କରିଥିଲେ l