25-Nov-2021

ପଦ୍ମପୁର:- ବହୁ ବର୍ଷର ଅନେକ ଝଡଝଞ୍ଜା, ବିକ୍ଷୋଭ, ରାସ୍ତା ରୋକ ତଥା ଛତିଶଗଡ ରାଜ୍ୟ ରେ ମିଶିବା ପ୍ରସଙ୍ଗ ଉପରେ ଜବନିକା ପଡ଼ିଛି l ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଅନ୍ତର୍ଗତ ଚର୍ଦାପାଲି ଗ୍ରାମପଞ୍ଚାୟତ ର ଅଧିନରେ ଯାଉଥିବା ଚର୍ଦାପାଲି,ଗସ୍ତିଡିହି, ଗୁଣ୍ଡିଚାଡିହି, ଲହଣ୍ଡିପୁର, ଲୁହୁରାକୋଟ ଗ୍ରାମ ଗୁଡିକ ଅଙ୍ଗନଦୀ ସକାଶେ ବିଶେଷ କରି ବର୍ଷା ଦିନରେ ସମ୍ପୁର୍ଣ୍ଣ ରୂପେ ବିଚ୍ଛିନ୍ନ ହୋଇ ଯାଇଥାଏ । ବର୍ଷସାରା ନଦୀରେ ଜଳପ୍ରବାହ ହେତୁ ଲୋକେ ନାହିଁ ନଥିବା ଅସୁବିଧା ର ସମ୍ମୁଖୀନ ହୋଇଥାନ୍ତି। ଏହାକୁ ନେଇ ଲୋକେ ଅନେକ ସ୍ୱପ୍ନ ଦେଖିଥିଲେ ଯାହା ବର୍ତ୍ତମାନ ସଫଳତା ଶିର୍ଷ ରେ ପହଞ୍ଚି ସାରିଛି lଓଡିଶା ର ଲୋକପ୍ରିୟ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ, ବରଗଡ ଜିଲ୍ଲା ଅଧିନସ୍ଥ ପଦ୍ମପୁର ନିର୍ବାଚନ ମଣ୍ଡଳୀର ଲଖମରା ଠାରୁ ଚର୍ଦାପାଲି ଦେଇ ଛତିଶଗଡ଼ କୁ ସଂଯୋଗୀକରଣ ରାସ୍ତା ରେ ବହୁ ପ୍ରତୀକ୍ଷିତ

ଅଙ୍ଗନଦୀ  ଉପରେ ୨୪୦ ମିଟର ବିଶିଷ୍ଟ ଦିର୍ଘ ପୋଲ ନିର୍ମାଣ ଲାଗି ୨୦ କୋଟି ୪୦ ଲକ୍ଷ ଟଙ୍କା ଅନୁମୋଦନ କରିଛନ୍ତି । ଯାହା ଫଳରେ ଅଂଚଳବାସୀ ଙ୍କ ଦିର୍ଘଦିନ ର ଆଶା ତଥା ଆକାଂକ୍ଷିତ ସ୍ୱପ୍ନ ପୁରଣ ହୋଇଛି l ପଦ୍ମପୁର ନିର୍ବାଚନ ମଣ୍ଡଳୀ ର ମାନ୍ୟବର ବିଧାୟକ ଶ୍ରୀ ବିଜୟ ରଞ୍ଜନ ସିଂ ବରିହା ଆଜି ସାମାଜିକ ଗଣମାଧ୍ୟମରେ ନିଜର ପ୍ରତିକ୍ରିୟା ରଖି କହିଛନ୍ତି ଯେ , ଅଂଚଳ ର ଲୋକ ଙ୍କ ସ୍ୱାର୍ଥ ଲାଗି ମୋ ଅନୁମୋଦନ କ୍ରମେ ଅଙ୍ଗନଦୀ ଉପରେ ପୋଲ ନିର୍ମାଣ ପାଇଁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଏବଂ ମାନ୍ୟବର ଗ୍ରାମ୍ୟ ଉନ୍ନୟନମନ୍ତ୍ରୀ ତଥା ଶ୍ରମମନ୍ତ୍ରୀ ଶ୍ରୀ ସୁଶାନ୍ତ ସିଂ ଙ୍କୁ କୁ ଅଶେଷ ଅଶେଷ ଧନ୍ୟବାଦ ପ୍ରଦାନ କରିଛନ୍ତି lଏ ଖବର ଶୁଣିବା ମାତ୍ରେ ଲଖମରା, ଚର୍ଦାପାଲି ଗ୍ରାମପଞ୍ଚାୟତ ର ଜନସାଧାରଣ ଖୁବ୍ ଆନନ୍ଦିତ ହେବା ସାଙ୍ଗକୁ ଓଡ଼ିଶା ରାଜ୍ୟସରକାର ଙ୍କୁ ଧନ୍ୟବାଦ ଜ୍ଞାପନ କରିଛନ୍ତି l