20-Nov-2021

ବୀରମହାରାଜପୁର,ମୁର୍ଷୁଣ୍ଢି(ଆର୍ତ୍ତତ୍ରାଣ ଖୁର୍ଡିଆ): ସୋନପୁର ଜିଲ୍ଲା ବୀରମହାରାଜପୁର ବ୍ଳକ କେନଝିରିଆପାଲିଠାରେ ପଞ୍ଚୁକ ରାସପୂର୍ଣ୍ଣିମା ଉପଲକ୍ଷେ ଏକ ସାମାଜିକ ନାଟକ "କହଇ ମନ ଆରେ ମୋ ବୋଲ କର" ତା୧୯-୧୧-୨୧ ଶୁକ୍ରବାର ଦିନ ଜ୍ୟୋତି ଜବାହର ୟୁଥକ୍ଲବର ବାର୍ଷିକୋତ୍ସବରେ କୋଭିଡ କଟକଣାକୁ ମାନି ଅଭିନୀତ ହୋଇଯାଇଛି।ନାଟକ ପ୍ରାରମ୍ଭରେ ରଙ୍ଗାରଙ୍ଗ ନୃତ୍ୟ ଓ ସଂଗୀତ ପରିବେଷଣ କରାଯାଇଥିଲା।ଅତିଥିମାନେ ପ୍ରଦୀପ ପ୍ରଜ୍ବଳନ କରି ସାାଂସ୍କୃତିକ ବାର୍ତ୍ତା ପ୍ରଦାନ ପୂର୍ବକ ସ୍ବଛତା,ପରିବେଶ ସୁରକ୍ଷା ଓ କୋଭିଡ ନିୟମ ମାନିବା ଉପରେ ଗୁରୁତ୍ୱାରୋପ କରିଥିଲେ। ନାଟକରେ ମଞ୍ଚସଜ୍ଜା ,ଆଲୋକ ଓ ଶଦ୍ଦଗ୍ରହଣ ପ୍ରଗତି ଚିତ୍ରାଳୟ, ଈଟାମାଟିି (ନୟାଗଡ) ତରଫରୁ ସୁସଜ୍ଜିତ କରାଯାଇଥିଲା। ବ୍ୟାସଦେବ, ରାକେଶ ଓ ଶୁଭଶ୍ରୀଙ୍କ ଆଙ୍କରିଂକୁ ନେଇ ମଞ୍ଚ ଭରି ଉଠିଥିଲା।ପୁରୁଷ ଭୂମିକାରେ ବିମ୍ବାଧର ଦେହୁରୀ, ଚନ୍ଦ୍ରକାନ୍ତ ଦେହୁରୀ, ସୂର୍ଯ୍ଯକାନ୍ତ ଦେହୁରୀ, ମଧୁସୁଦନ ଖେତି,ପବିତ୍ର ବାରିକ,ନିରଞ୍ଜନ ପାତ୍ର, ଗଗନ ପାତ୍ର, ଚିତ୍ରସେନ ପଧାନ,ସୁଶାନ୍ତ ମେଣ୍ତିଲି, ସୌରଭ ରଥ,ପଦ୍ମନ ଷାଣ୍ଢ, ଦେବର୍ଷି ବାଘ, ସତ୍ୟନାରାୟଣ ସାହୁ ଓ ପ୍ରଭାତ ରଣା ଅଭିନୟ କରିଥିବା ବେଲେ ନାରୀ ଭୂମିକାରେ ଲିଜା,ସୁମି,ନୟନା,ସୁଦୀପା  ଓ ଗୌତମୀ ଅଭିନୟ ଦର୍ଶକଙ୍କୁ ଭାବବିହ୍ୱଳ କରିଦେଇଥିଲା।ଶ୍ରୀକାନ୍ତ, ଅବ୍ୟକାନ୍ତ ଶଚୀକାନ୍ତ, ଅରୁଣ, ସୁଶାନ୍ତ, ଅଲେଖ

ରାଜୁ,ସୁମତି,ଡଲି,ରିଆଓମନୀଷାଙ୍କ ନୃତ୍ୟ ଦର୍ଶକଙ୍କୁ ମୁଗ୍ଧ କରିଦେଇଥିଲା।ନାଟକକୁ ମାଷ୍ଟର ରମେଶ ଦେହୁରୀ ନିର୍ଦ୍ଦେଶନା ଦେଇଥିଲେ। ସଭାପତି ବ୍ୟାସଦେବ ରଥ,ପରିଚାଳକ ଜାତକ ପଧାନ,ଉପ ଦେଷ୍ଟା ନାରାୟଣ ଦେହୁରୀ,ରାଜଗୋପାଲ ପାଣିଗ୍ରାହି, ଓ ଋଷଭ ପଧାନଙ୍କ ଉଦ୍ୟମରେ କାର୍ଯ୍ୟକ୍ରମ ସମ୍ପାଦିତ ହୋଇଥିଲା।ଆଖପାଖ ଅଞ୍ଚଳର ଶହ ଶହ ଦର୍ଶକ ରାତି ସାରା ଅନିଦ୍ରା ରହି ନାଟକକୁ ଶେଷ ପର୍ଯ୍ଯନ୍ତ ଉପଭୋଗ କରିଥିଲେ।