18-Nov-2021

ବରଗଡ଼ (ମୁକୁନ୍ଦ ଦାସ (ଅଜଣା ଶବ ସତ୍କାର ହେଉ କି ବରଗଡ଼ ର କୌଣସି ମୃତକ ଙ୍କ ଶବଦାହ ପାଇଁ କାଠ ର ଆବଶ୍ୟକତା ଅଛି।କିନ୍ତୁ ଦୁଃଖର କଥା ଆମେ ଅନେକ ଥର ଏ ବିଷୟ ନେଇ ଜିଲ୍ଲା ପ୍ରଶାସନ ର ଦୃଷ୍ଟି ଆକର୍ଷଣ କରିବା ସହ ଚିଠି ମଧ୍ୟ ଦେଇ ଥିଲୁ,ଫଳ କିନ୍ତୁ ଶୁନ।ବନ ବିଭାଗ ପକ୍ଷ ରୁ ରେଲୱେ ଷ୍ଟେସନ ରେ ଗୋଟିଏ କାଠ ଗୋଦମ୍ ଅଛି। ସେଠାରେ ବହୁତ ବଡ଼ ବଡ଼ କାଠ ଅଛି ଯାହାକି ଜାଳେଣି

ଯୋଗ୍ୟ ନୁହେଁ, ତାହା ପୁଣି ନଗଦ ଟଙ୍କା ଦେଇ ନେବାକୁ ହେବ। ତେଣୁ ଆଜି ନିଷ୍ଠା ପରିବାର ତରଫ ରୁ ଏକ ଅଜଣା ଶବ କୁ ନେଇ ବରଗଡ଼ ବନ ବିଭାଗ ଅଧିକାରୀ ଙ୍କ କାର୍ଯ୍ୟାଳୟ ଘେରାଉ କରାଯାଇଥିଲା। ବନ ବିଭାଗ କର୍ମଚାରୀ ଙ୍କ କହିବା ଅନୁସାରେ ଶବଦାହ ପାଇଁ ଜାଳେଣୀ କାଠ ଦେବା ଦାୟିତ୍ଵ ତାଙ୍କର ନୁହେଁ।ଦୀର୍ଘ ପାଞ୍ଚ ଘଣ୍ଟା ଶବ ପଡ଼ି ରହିବା ପରେ ଶେଷ ରେ ବରଗଡ଼ ପୌର ପରିଷଦ ର କାର୍ଯ୍ୟ ନିର୍ବାହୀ ଅଧିକାରୀ ନାରେନ ଡନସନା ଲିଖିତ ପ୍ରତିଶ୍ରୁତି ଦେଲେ ଯେ ଆଗାମୀ ଦିନରେ ପୌର ପରିଷଦ ତରଫ ରୁ ସେ କାଠ ଯୋଗେଇ ଦେବେ। ଶେଷ ରେ ଆନ୍ଦୋଳନ କୁ ବନ୍ଦ କରି ନିଷ୍ଠା ପରିବାର ତରଫ ରୁ ସଦର ଥାନା ଅଧିକାରୀ ଙ୍କ ଉପସ୍ଥିତି ରେ ସସମ୍ମାନେ

ଶବଦାହ କରାଯାଇଥିଲା। ଆଜି ର ଏହି କାର୍ଯ୍ୟକ୍ରମ ରେ ବରଗଡ଼ ର ସଂକଳ୍ପ ପରିବାର ସମର୍ଥନ କରି ଶେଷ ପର୍ଯ୍ୟନ୍ତ ଆମ ସହ ରହି ସହଯୋଗ କରିଥିଲେ। ନିଷ୍ଠା ର ସମ୍ପାଦକ ଅଶ୍ୱିନୀ ତ୍ରିପାଠୀ, କୋଷାଧ୍ୟକ୍ଷ ଶ୍ୟାମ ସୁନ୍ଦର ସାହୁ, ବିଦ୍ୟାଧର ଭୋଇ, ଜୟନ୍ତ ପ୍ରଧାନ, ଚିତ୍ର ପ୍ରଧାନ, ମହିଳା ଶାଖା ର ମୁଖ୍ୟ ତ୍ରିପୁରା ଶୁହୁଲା ଙ୍କ ସମେତ ଅନ୍ୟ ସଦସ୍ୟ ସଦସ୍ୟା ମାନେ ଅଂଶ ଗ୍ରହଣ କରିଥିଲେ।