18-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ) :-ଏଇ କିଛିଦିନ ତଳେ ବିଭିନ୍ନ ଗଣମାଧ୍ୟମ,ପ୍ରିଣ୍ଟ ମିଡିଆ ତଥା ବିଭିନ୍ନ ପ୍ରୋଟାର୍ଲ ରେ ପ୍ରସାରିତ ଖବର ଆମ ଅଞ୍ଚଳ ର ଶ୍ରୀମାନ ମହେନ୍ଦ୍ର ବଢ଼େଇ ଯେ,କି ଭୂବନେଶ୍ୱର ରେ ପ୍ରଶାସନିକ ଅଧିକାରୀ ଭାବେ କାର୍ଯ୍ୟରତ,ତାଙ୍କ ଦୃଷ୍ଟି ଆକର୍ଷଣ ହେବାପରେ ସେ ସଙ୍ଗେ ସଙ୍ଗେ ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଳକ ଅଧିନସ୍ଥ ପଲସଦା ଗ୍ରାମପଞ୍ଚାୟତ ରେ ଯାଉଥିବା ବୋଡାସମ୍ବର ଗ୍ରାମର ସୁରେନ୍ଦ୍ର କୁମ୍ଭାର ଙ୍କ ଦୁଃଖଦ ପରିସ୍ଥିତି କୁ ଅନୁଧ୍ୟାନ ପାଇଁ ଏକ ସ୍ୱେଚ୍ଛାସେବୀ ଦଳ କୁ ପଠାଇଥିଲେ lଶ୍ରୀ ସୁରେନ୍ଦ୍ର କୁମ୍ଭାର ର ଦୁଃଖଦ ପରିସ୍ଥିତି ଅନୁଧ୍ୟାନ ରେ ଜଣାଗଲା ଯେ, ସୁରେନ୍ଦ୍ର କୁମ୍ଭାର ଯାହାଙ୍କ ବୟସ ୨୫ବର୍ଷ,ଦିର୍ଘ ୮ ବର୍ଷ

ହେଲା ତାଙ୍କର ଗୋଡ଼ ଦୁଇଟି ପକ୍ଷାଘାତ ହୋଇ ଏକପ୍ରକାର ର ଶଯ୍ୟାଶାୟୀ ଅବସ୍ଥା ରେ ପଡିରହିଛନ୍ତି lଅନେକ ଦିନ ହେଲା ତାଙ୍କର ଦୁଇ ଦୁଇଟି ବଡ଼ବଡ଼ ଅପରେସନ ମଧ୍ୟ ହୋଇସାରିଛି lଯୈାବନ ଅବସ୍ଥାରେ ତାଙ୍କର ବୃଦ୍ଧା ଏକ ମାତ୍ର ସାହାରା lଏ ପର୍ଯ୍ୟନ୍ତ ସରକାର ଙ୍କ ସାହାଯ୍ୟ ସହଯୋଗ ଭାବେ ତାଙ୍କର ବିକଳାଙ୍ଗ ଭତ୍ତା ତ ଦୂରର କଥା ମୁଣ୍ଡ ଗୁଞ୍ଜିବାକୁ ସରକାରୀ ବାସଗୃହ (ଇନ୍ଦିରା ଆବାସ)ଟିଏ ମଧ୍ୟ ପାଇପାରିନାହାନ୍ତି lଏ ସବୁ ଜାଣିଲା ପରେ ଶ୍ରୀମାନ ବଢେଇ ଏକ ହୁଇଲ୍ ଚେୟାର, ଜରୁରୀ ରାସନ୍ ସାମଗ୍ରୀ ଏବଂ ଓୈାଷଧ ଖର୍ଚ୍ଚ ବାବଦ କୁ ନଗଦ

୨୦୦୦ ଟଙ୍କା ଅର୍ଥ ରାଶି ର ସହାୟତା ଶ୍ରୀମାନ ବଢେଇ ଙ୍କ ନିର୍ଦ୍ଦେଶ କ୍ରମେ ସର୍ବଶ୍ରୀ:-ସଞ୍ଜୟ ବଢେଇ, ସୁନିଲ ପ୍ରଧାନ, ଡମ୍ବରୁ ପ୍ରଧାନ, ପ୍ରେମାନନ୍ଦ ବାରିକ ବୋଡାସମ୍ବର ଗ୍ରାମକୁ ଯାଇ ସ୍ୱେଚ୍ଛାସେବୀ ପଙ୍କଜ ସାହୁ,ମୁରଲୀ ସାହୁ,ବବୁଲୁ ପଣ୍ଡା ଏବଂ ଗ୍ରାମବାସୀଙ୍କ ଉପସ୍ଥିତିରେ ଉପରୋକ୍ତ ସହାୟତା ପ୍ରଦାନ କରିଥିଲେ lଏ ମହତ କାର୍ଯ୍ୟ ପାଇଁ ସବୁଦିନ ମୋ ହୃଦୟ ରେ ଶ୍ରୀମାନ ମହେନ୍ଦ୍ର ବଢ଼େଇ ସ୍ଥାନୀୟ ହୋଇ ରହିଲେ ବୋଲି ସୁରେନ୍ଦ୍ର କୁମ୍ଭାର ପରିପ୍ରକାଶ କରିଥିଲେ l