18-Nov-2021

ଢେଙ୍କାନାଳ (ତାପସ ଦାସ) ଗତକାଲି ରାତ୍ର ୯.୨୦ମି . ସମୟରେ ପରଜଙ୍ଗ ମାର୍କେଟ ଠାରେ ବିଜେପି ରାଜ୍ୟ ଯୁବମୋର୍ଚ୍ଚାର ସାଧାରଣ ସଂପାଦକ ଶ୍ରୀଯୁକ୍ତ ଦୀପକ କୁମାର ଗୋଚ୍ଛାୟତ ମାର୍କେଟରୁ କିଛି ଘରୋଇ ଜିନିଷପତ୍ର କିଣିସାରିବା ପରେ ଦୋକାନ ସମ୍ମୁଖରେ ଠିଆ ହୋଇଥିବା ସମୟରେ ପରଜଙ୍ଗ ଥାନା ଅଧିକାରିଣୀ , ଶ୍ରୀମତୀ ନମିତା ନାୟକ ପୋଲିସ ଗାଡି ଯୋଗେ ଆସି ମର୍କେଟରେ ଉପସ୍ଥିତ ଥିବା ସାଧାରଣ ଜନତା ଓ ଯୁବକ ମାନଙ୍କୁ ହଠାତ୍ ଗାଡିରୁ ଓହ୍ଲାଇପଡି ଅଭଦ୍ରଚିତ୍ତ ଭାଷାରେ ଉପସ୍ଥିତ ଲୋକମାନଙ୍କୁ ଗାଳିଗୁଲଜ କରିଥିଲେ । ଏହି ସମୟରେ ସେଠାରେ ଉପସ୍ଥିତ ଥିବା ଜଣେ ସାଧାରଣ ଯୁବକ ଶ୍ରୀ ମଳୟ କୁମାର ସାହୁ ଙ୍କ ମୋବାଇଲ ରିଙ୍ଗ ହେବାରୁ କଲ୍ ରିସିଭ୍ କରିବାପାଇଁ ମୋବାଇଲ ଧରିଥିବାବେଳେ ଆଇ.ଆଇ.ସି. ହଠାତ୍ ତାଙ୍କ ପ୍ରତି ଉତ୍‌କ୍ଷିପ୍ତ ହୋଇ ଏଠି କଣ କରୁଛୁବେ ପଙ୍ଗୁରିବାରୁ ଶ୍ରୀ ସାହୁ ଅତି ସାଧାରଣ ଭାବେ ହସିଦେଇ ମୋର ଫୋନ୍ କଲ୍ ଆସୁଛି ବୋଲି କହିଥିଲେ । ତାଙ୍କ ଉତ୍ତରରେ ସନ୍ତୋଷ ନହୋଇ ଆଇ.ଆଇ.ସି. ମହାଶୟା ହଠାତ୍ ରାଗିଯାଇ ଶ୍ରୀ ସାହୁଙ୍କ ଗାଲକୁ ଏକ ଶକ୍ତ ଚାପୁଡା ମାରିବା ସଙ୍ଗେ ସଙ୍ଗେ ଖରାପ ଭାଷାରେ ଗାଳିଗୁଲଜ କରିଥିଲେ । ଏସବୁ ଅନ୍ୟାୟ ଘଟଣା ଦେଖୁ ସେଠାରେ ଉପସ୍ଥିତ ଥିବା ରାଜ୍ୟ ବିଜେପି ସାଧାରଣ ସଂପାଦକ ଶ୍ରୀ ଗୋଚ୍ଛାୟତ ଆଇ.ଆଇ.ସି.ଙ୍କର ଏପରି ଅନ୍ୟାୟ କାର୍ଯ୍ୟକଳାପ ଓ ମାଡ ମାରିବା ଘଟଣାକୁ ପ୍ରତିବାଦ କରିବାରୁ ଆଇ.ଆଇ.ସି. ତାଙ୍କୁ ମଧ୍ୟ ଖରାପ ଭାଷାରେ ଗାଳିଗୁଲଜ କରିଥିଲେ ଓ କହିଥିଲେ ସଳା ଯିଏ ଏଠି ହସିବ ମାଡମାରିକି ବାନ୍ଧିକରି ଠୁକିଦେବି । ତାଙ୍କର ଏପରି ଅଭଦ୍ରଚିତ୍ତ ବ୍ୟବହାର ଓ ଅନ୍ୟାୟ ଭାବରେ ମାଡମାରିବା ଘଟଣା ଆମକୁ ତଥା ସାଧାରଣ ଯୁବକ ଶ୍ରୀ ମଳୟ ସାହୁଙ୍କୁ ମାନସିକ ସ୍ଥରରେ ଭିଷଣ ଆଘାତ ପଅଞ୍ଚାଇଛି ଓ ଏଠାରେ ସାଧାରଣ ଜନତା ନିଜକୁ ଅସହାୟ ମନେକରୁଛନ୍ତି ଓ ଆଇନ ଶୃଙ୍ଖଳା ବିପର୍ଯ୍ୟସ୍ଥ ହୋଇପଡିଛି । ଆଇ.ଆଇ.ସି. ମହାଶୟାଙ୍କ ଜନସାଧରଣଙ୍କ ପ୍ରତି ଏଭଳି ଅନ୍ୟାୟ ଓ ମାତ୍ରାଧୂକ କାର୍ଯ୍ୟାନୁଷ୍ଠାନ ଓ ମାଡମାରିବା ଘଟଣା ଜନବିରୋଧ ଓ ଅଗଣତାନ୍ତ୍ରୀକ । ଏଣୁ ଏହାର ପ୍ରତିବାଦରେ ଆସନ୍ତା କାଲି ତା.୧୮.୧୧.୨୦୨୧ ରିଖ ଦିନ ଜିଲ୍ଲା ବିଜେପି ଯୁବମୋର୍ଚ୍ଚା ତରଫରୁ ପରଜଙ୍ଗ ଥାନା ସମ୍ମୁଖରେ ଏକ ଗଣ ଭିକ୍ଷେପ କାର୍ଯ୍ୟକ୍ରମ ଅନୁଷ୍ଠିତ ହେବ । ଯଦି ତୁରନ୍ତ ଆଇ.ଆଇ.ସି. ମହାଶୟାଙ୍କୁ ଢେଙ୍କାନାଳ ଜିଲ୍ଲାରୁ ଅନ୍ୟତ୍ର ବଦଳୀ କରାନଯାଏ , ତେବେ ଆଗାମି ଦିନରେ ଏହି ଆନ୍ଦୋଳନକୁ ଜିଲ୍ଲା ସ୍ତରରେ ବ୍ୟପକ ଭାବରେ କରାଯିବ ।