14-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ବରଗଡ଼ ଜିଲ୍ଲା ପଦ୍ମପୁର ସ୍ଥିତ ନେହେରୁଗଳି ଛକରେ ଥିବା ଗୁଡ୍ଡୁ ମୋବାଇଲ ଦୋକାନକୁ ହଠାତ ଜଣେ ଯୁବକ ଆସି ବିଭିନ୍ନ କମ୍ପାନୀର ମୋବାଇଲ ଫୋନ ଦେଖାଇବା ପାଇଁ କହିବା ଫଳରେ ଦୋକାନୀ ବିଭିନ୍ନ କମ୍ପାନୀର ସମୁଦାୟ ୫ ଗୋଟି ମୋବାଇଲ ବାହାର କରି ତାର ଦାମ ସହ ଦେଖାଇଥିଲା l ଏଇ ସମୟରେ ଉକ୍ତ ଯୁବକ ଅନ୍ୟ ଜିନିଷ ଦେଖାଇବାକୁ କହିବାରୁ ଦୋକାନୀ ପଛକରି ଅନ୍ୟ ଜିନିଷ ଆଣିବାକୁ ଗଲାବେଳେ ମୋବାଇଲ ଚୋର ତୁରନ୍ତ ଟେବୁଲ୍ ଉପରେ ଦେଖାଇବାକୁ ବାହାର କରି ରଖାଯାଇଥିବା ୫ ଗୋଟି ଦାମୀ ମୋବାଇଲ ଧରି ଫେରାର ହୋଇଯାଇଥିଲା l ଯାହା ସି.ସି ଟିଭିରେ ରେକଡିଙ୍ଗ ହୋଇଅଛି l ଏଭଳି ମୋବାଇଲ ଚୋର ଦଳ ପଦ୍ମପୁରରେ ବେଶ ସକ୍ରିୟ ଅଛନ୍ତି ଯେ, ପ୍ରତିଦିନ ପଦ୍ମପୁରରେ ବସୁଥିବା ଡେଲି ମାର୍କେଟରୁ ଗୋଟାଏ ନା ଗୋଟିଏ ମୋବାଇଲ ଲୋକଙ୍କ ପକେଟରୁ ଚୋରି ହେଉଛି l

ଏହାର ଜ୍ୱଳନ୍ତ ଉଦାହରଣ ପଦ୍ମପୁର ହନୁମାନ ପଡା ବାସିନ୍ଦା ବିଶିଷ୍ଟ ନାଟ୍ୟକାର ତଥା ନାଟ୍ୟ ଲେଖକ ଅଶୋକ କୁମାର ବହିଦାରଙ୍କ ନୂଆ ମୋବାଇଲ କିଛି ମାସ ତଳେ ଚୋରି ହୋଇଥିଲା l ଶ୍ରୀମାନ ବହିଦାର ଏ ସମ୍ପର୍କରେ ପଦ୍ମପୁର ଥାନା ରେ ଲିଖିତ ଜଣାଇଥିଲେ କିନ୍ତୁ କିଛି ଲାଭ ହେଲାନି l ମିଛ ଟାରେ ଅନେକ ବାହାନା ସହ ସନ୍ତୋଷ୍ଟିକରଣ କଥା କହି ପୋଲିସ ଏ ବାବଦରେ ଟିକିଏ ହେଲେ ନଜର ଦେଉ ନଥିବାରୁ ଅପରାଧୀ ମାନେ ଡେଲି ମାର୍କେଟରୁ ବାହାରି ବର୍ତ୍ତମାନ ମୋବାଇଲ ଦୋକାନ ମାନଙ୍କୁ ଆଖି ଦେଲେଣି lଦେଖାଯାଉ ପଦ୍ମପୁର ପୋଲିସ ଏ ନେଇ କରୁଛି କଣ ?