13-Nov-2021

ବଲାଙ୍ଗିର, (ପ୍ରେରଣା ଖବର)- ପୋଲିସ ସମ୍ମୁଖରେ ବରଗଡ ଜିଲ୍ଲା ଛାତ୍ର କଂଗ୍ରେସ କର୍ମୀମାନଙ୍କ ଉପରେ ବିଜେଡି କର୍ମୀମାନଙ୍କ ଭିରୁତା ପୂର୍ଣ୍ଣ ଆକ୍ରମଣ ବିରୁଦ୍ଧରେ ଆଜି ବଲାଙ୍ଗିର ଜିଲ୍ଲା ଛାତ୍ର କଂଗ୍ରେସ ସ୍ଥାନୀୟ ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଏ ସଂକ୍ରାନ୍ତରେ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏକ ଦାବୀପତ୍ର ପ୍ରଦାନ କରିଛି । ପ୍ରକାଶ ଯେ, ଆଜି ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବରଗଡ ଗସ୍ତ ରେ ଆସିଥିଲେ । ତାଙ୍କର ଏହି ଗସ୍ତ ସମୟରେ ମମିତା ମେହେର ହତ୍ୟା ଘଟଣାରେ ସରକାରୀ ଉଦାସିନତା ବିରୁରଦ୍ଧରେ ବରଗଡ ଜିଲ୍ଲା ଛାତ୍ର କଂଗ୍ରେସର କିଛି କର୍ମୀ ବିରୋଧ ପ୍ରଦର୍ଶନ କରିଥିଲେ । ବରଗଡ ପୋଲିସ  ଉକ୍ତ ଛାତ୍ର ନେତାଙ୍କୁ କାବୁ କରି ଅଟକ ରଖିବା ପାଇଁ ଥାନାକୁ

ନେଇ ଯାଉଥିବା ବେଳେ କିଛି ବିିଜେଡି କର୍ମୀ ପୋଲିସ ଭ୍ୟାନରୁ କଂଗ୍ରେସ କର୍ମୀଙ୍କୁ ଟାଣି ଆଣି ମାଡ ମାରିଥିଲେ । ଏହି ଆକ୍ରମଣ ସମୟରେ ପୋଲିସ ମହଯୁଦ ଥିବା ସତ୍ୱେ ନିରବ ଦ୍ରଷ୍ଟା ସାଜି ଥିଲା । ଆହୁରି କିଛି ମିଡିଆ କର୍ମୀ ପୋଲିସକୁ ଏହି ଘଟଣା ସମ୍ଭନ୍ଧରେ ପଚାରିବାରୁ ଏଭଳି କିଛି ହୋଇ ନାହିଁ ବୋଲି ଉତ୍ତର ରଖିଥିଲା । ଯାହା ରାଜ୍ୟରେ ଆଇନ ଶୃଙ୍ଖଳା ର ଅବସ୍ଥା ଓ ପୋଲିସ ର ଭୂମିକା ସର୍ବ ସମ୍ମୁଖରେ ରଖିଛି ବୋଲି ଛାତ୍ର କଂଗ୍ରେସ ସଭାପତି ଅଙ୍କିତ ସାହୁ ତାଙ୍କ ପ୍ରତିକ୍ରିୟା ରେ କହିଛନ୍ତି । ତେବେ ଏହି ଘଟଣାରେ ସଂପୃକ୍ତ ବିଜେଡି କର୍ମୀ ଓ ପୋଲିସ ବିରୁଦ୍ଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରା ନଗଲେ କଂଗ୍ରେସ ଏହି ମାମଲାକୁ ନେଇ ରାଜ ରାସ୍ତକୁ ଓହ୍ଲାଇବ ବୋଲି କଂଗ୍ରେସ ଚେତାଇ ଦେଇଛି । ପୋଲିସ ପକ୍ଷରୁ ବଲାଙ୍ଗିର ଉପଖଣ୍ଢ ପୋଲିସ ଅଧିକାରୀ ତୋଫାନ ବାଗ ଦାବୀପତ୍ର ଗ୍ରହଣ କରିବା ସହ ଉପରସ୍ତ ଅଧିକାରୀଙ୍କୁ ଏବିଷୟରେ ଅବଗତ କରିବେ ବୋଲି କହିଥିଲେ । ଆଜିର ଏହି ବିକ୍ଷୋଭ ସମାବେଶ ରେ ଜିଲ୍ଲା କଂଗ୍ରେସ ଉପସଭାପତି ମନୀଷ ମିଶ୍ର , ଜୁଲୁ ପଟ୍ଟନାୟକ, ନାରୀ ନେତ୍ରୀ ମିଲନୀ ସାହୁ, ସଞ୍ଜୟ ମିଶ୍ର, ଅଜିତ ମହାନନ୍ଦ, ଶୁଭେନ୍ଦୁ ସାହୁ, ନିତିଶ ପ୍ରଧାନ, ନିରଞ୍ଜନ ମିଶ୍ର, ଟୁଲୁ ସେନ, ଓମ ରାଉତ, ଶୁଭମ ଷଢଙ୍ଗି, ବନମାଲୀ ସାହୁ , ସୁମନ୍ତ ବିଭାର, ସୁଜିତ କୁମ୍ଭାର, ଅମନିତ ବାଗ, ଜଗା ରାଏ, ତୁଷାର କୁମ୍ଭାର, କୁଲମଣୀ ସାହୁ, ଭୀକାରି ସାହୁ, ଅମୂଲ୍ୟ ସେଠ, ଟୁନା ସାହୁ, ପ୍ରଦୋଷ ପାଣିଗ୍ରହୀ ପ୍‌ରମୂଖ ଉପସ୍ଥିତ ଥିଲେ ।