12-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ) :-ବରଗଡ ଜିଲ୍ଲା  ପାଇକମାଲ ବ୍ଳକ ଅନ୍ତର୍ଗତ ଭେଙ୍ଗରାଜପୁର ଆଶ୍ରମ ବିଦ୍ୟାଳୟ ରେ ପାଇକମାଲ ବ୍ଳକ ସ୍ତରୀୟ ସୁରଭି କାର୍ଯ୍ୟକ୍ରମ ଶ୍ରୀଯୁକ୍ତ ଚୂଡାମଣି ବାରିକ, ଗୋଷ୍ଠୀ ଶିକ୍ଷା ଅଧିକାରୀ ପାଇକମାଲ
ଙ୍କ ଅଧ୍ୟକ୍ଷତାରେ ଗତ  ଗୁରୁବାର ଦିନ ଅନୁଷ୍ଠିତ ହୋଇଯାଇଛି। ଏହାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ପାଇକମାଲ ବ୍ଳକ ଅଧ୍ୟକ୍ଷ ଅଲତାପ ମହମ୍ମଦ ଓ ମୁଖ୍ୟ ବକ୍ତା ଭାବେ ଶ୍ରୀଯୁକ୍ତ ମନୋଜ କୁମାର ମେହେର , ତହସିଲଦାର ପାଇକମାଲ, ଏବଂ ସମ୍ମାନୀତ ଅତିଥି ରୂପେ ଶ୍ରୀଯୁକ୍ତ ଶିବ ପ୍ରସାଦ ଯୋଶୀ , ସହକାରୀ ଗୋଷ୍ଠୀ ଶିକ୍ଷା ଅଧିକାରୀ, ଶ୍ରୀଯୁକ୍ତ ପ୍ରେମାନନ୍ଦ ବାରିକ , ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଏବଂ ଆୟୋଜନ କରିଥିବା ବିଦ୍ୟାଳୟ ର ପ୍ରଧାନ ଶିକ୍ଷକ ମୋତିଲାଲ ବିଭାର,ଚେୟାରପାର୍ସନ ତହସିଲ ରଣା ଯୋଗଦାନ କରିଥିଲେ। ସରକାରଙ୍କ ନୂତନ ନିୟମ ନିର୍ଦ୍ଦେଶାନୁସାର ଅଷ୍ଟମ,ନବମ ଓ ଦଶମ ଶ୍ରେଣୀର   ୧୫୦ ଜଣ ବିଭିନ୍ନ ବିଦ୍ଯାଳୟ ର ପ୍ରତିଯୋଗୀ ମାନେ  ଗୀତ,ରଚନା, ଚିତ୍ରାଙ୍କନ,ନାଚ, ବିତର୍କ
ପ୍ରତିଯୋଗିତା ରେ ଭାଗ ନେଇଥିଲେ। ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ସୁଶ୍ରୀ ଉପାଞଳୀ ମାଝୀ , ବିଡ଼ିଓ ପାଇକମାଲ, ଏବଂ ସମ୍ମାନୀତ ଅତିଥି ଭାବେ ଜି.ପି.ଓ ଅନିଲ ପାଣିଗ୍ରାହୀ ପାଇକମାଲ କୃତି ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରି ପୁରସ୍କାର ପ୍ରଦାନ କରିଥିଲେ।ଏହି କାର୍ଯ୍ୟକ୍ରମରେ ସି.ଆର.ସି.ସି ସୁନାଧର ଡନସନା, ସୁବାସ ଚନ୍ଦ୍ର ସାହୁ, ମନୋରଂଜନ ପଟେଲ,ଡୋଲାମଣି ମାହାର, ରାଧାକୃଷ୍ଣ ସାହା , ଧରଣୀଧର ଶବର , ମହାଦେବ ବେହେରା ଆଦି ସହଯୋଗ କରିଥିଲେ। ପରିଶେଷରେ ଶ୍ରୀଯୁକ୍ତ ଶିବ ପ୍ରସାଦ ଯୋଶୀ ,ଏବିଇଓ ପାଇକମାଲ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।