11-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ ) ବଲାଙ୍ଗିର ଜିଲ୍ଲା ବେଲପଡା ପୋଲିସ ଦ୍ବାରା ଏକ ଚାଉଳ ବୋଝେଇ ଟ୍ରକ ଜବତ ହୋଇଥିଲା।  ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ସଲଣ୍ଡି ପଞ୍ଚାୟତ ଅଧୀନସ୍ଥ ଉଡିଙ୍ଗ ଓ ଲଥାକେନ୍ଦ ମଝିରେ ଥିବା ଶ୍ୟାମ ଜୀ ମିଲ କୁ ରାତି ସମୟ 2ଟାରେ ଏକ ଦଶଚକିଆ ଟ୍ରକ ନମ୍ବର OR 14 S 3202 ରାଉରକେଲା ରୁ ଆସୁଥିବା ବେଳେ ବେଲପଡା ଥାନା ଅଧିକାରୀ ବୁଳୁ ମୁଣ୍ଡା ଚଢ଼ାଉ କରି ଥାନାକୁ ଆଣିଥିଲେ ଓ ଡ୍ରାଇଭର ସୁରେଶ ଯାଦବ(୨୨) ପିତା.ହରିନ୍ଦ୍ର ଯାଦବ କୁ ଥାନା ରେ ଅଟକ ରଖି ପଚରାଉଚରା କରିବା ସହ ତଦନ୍ତ କରିବା ପାଇଁ ବେଲପଡା ଯୋଗାଣ ଅଧିକାରୀ ବିଜୟ କୁଳୁ ଙ୍କୁ ଦାୟିତ୍ଵ ଦେଇଥିଲେ । ସେହି ଟ୍ରକ୍ ଭିତରେ ଅନୁମାନିକ  50 କେଜି ଓଜନ ର 500 ବସ୍ତା ଚାଉଳ ଥିଲା ବୋଲି ମୁଣ୍ଡା ଗଣମାଧ୍ୟମ ଆଗରେ ପ୍ରକାଶ କରିଥିଲେ।ଏ ବିଷୟରେ ବେଲପଡା ଯୋଗଣ ଅଧିକାରୀକୁ ପଚାରିବାରୁ ସେ କହିଥିଲେ ଯେ ତାହା ପି,ଡି,ଏସ ଚାଉଳ ନୁହେଁ ଓ ତାହା ଥାନା ଅଧିକାରୀ ତଦନ୍ତ କରି କହିବେ। ଏ ବାବଦରେ ପାଟଣାଗଡ଼ ଏ ସି ଏସ୍ ଓ କୁ ମଧ୍ୟ ପଚରା ଯାଇଥିଲା କିନ୍ତୁ ସେ କହିଥିଲେ କି ମୁଁ ସେ ବିଷୟରେ କିଛି ଜାଣିନାହିଁ।ଏ ବିଷୟରେ ସି ଏସ୍ ଓ ବିକ୍ରମ ମାଝୀ କୁ ଯୋଗାଯୋଗ କରିବାରୁ ସେ ଫୋନ ରିସିଭ କଲେନାହିଁ। ଏଠାରେ ପ୍ରଶ୍ନ ଉଠୁଛି ଯେ କଣ ପାଇଁ ଏତେ ରାତିରେ ଏଠାକୁ ଚାଉଳ ଆସୁଥିଲା,କ'ଣ ପାଇଁ ପୋଲିସ ଧରି ଆଣିଥିଲେ, ଶ୍ୟାମ ଜୀ ମିଲ୍ ର ମାଲିକ କ'ଣ ପାଇଁ ଥାନାକୁ ଆସିଥିଲେ, ସେଦିନ କାଗଜପତ୍ର ନଥିବା କହିଥିଲେ କିନ୍ତୁ କିପରି ଭାବରେ କାଗଜପତ୍ର ଠିକ୍ ଦର୍ଶାଇ ଦୁଇ ଦିନ ପରେ ଗାଡ଼ି କୁ ଛାଡିଥିଲେ,ଏସି ଏସ୍ ଓ ଜାଣି ନାହାନ୍ତି, ଯୋଗାଣ ନୀରିକ୍ଷକ କେମିତି ସାମାନ୍ୟ ତଦନ୍ତ କରି ଚୁପ୍ ରହିଲେ। ସେହି ଚାଉଳ କୁ ସର୍ବ ସମ୍ମୁଖରେ ଓଜନ ମାପ କରାଗଲା ନାହିଁ କାହିଁକି, ଦୁଇ ଦିନ ଗାଡ଼ି ରଖିବା ପରେ ଗତକାଲି ରାତିରେ ଗାଡ଼ି କୁ ଛାଡିଥିଲେ କାହିଁକି? ସେତେବେଳେ ତ ଗଣମାଧ୍ୟମ ଆଗରେ ପ୍ରକାଶ କରିପାରିଲେ କିନ୍ତୁ ଗାଡ଼ି ଛାଡ଼ିବା ବେଳକୁ କାହିଁକି କାହାକୁ ଜଣାଇଲେ ନାହିଁ ବେଲପଡା ଥାନା ଅଧିକାରୀ। ଏଭଳି କାର୍ଯ୍ୟ ପ୍ରତି ସନ୍ଦେହ ସୃଷ୍ଟି କରୁଛି। ସେଥିପାଇଁ ବଲାଙ୍ଗିର ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଦେଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।