10-Nov-2021

ଲୋଇସିଂହା, (ବିନୋଦ କୁମାର ଦୀପ)  ଲୋଇସିଂହା ବ୍ଲକ ଠାରେ ଆନ୍ତର୍ଜାତୀୟ ଧାନ ଗବେଷଣା କେନ୍ଦ୍ର ଓ ଓଡିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗର ମିଳିତ ସହଯୋଗରେ ବଲାଙ୍ଗୀର ଜିଲ୍ଲାର ବିଭିନ୍ନ ସ୍ଥାନ ମାନଙ୍କରେ ନୂତନ କିସମର ଚାପ ସହାଣୀ ଅଧିକ ଅମଳକ୍ଷମ ପୃଷ୍ଟିଯୁକ୍ତ ଧାନକୁ ପରୀକ୍ଷାମୂଳକ ଭାବେ ଲୋଇସିଂହା ବ୍ଲକରେ କାନ୍ଦାଜୁରୀ କ୍ଷୁଦ୍ର ଜଳପ୍ରକଳ୍ପ ଅଧୀନରେ ଥିବା ପଣ୍ଡରାଣୀ, ତେନ୍ତୁଳୀଖୁଣ୍ଟି ଏବଂ କନ୍ଦାଜୁରୀ ଗ୍ରାମରେ ପରୀକ୍ଷା କରାଯାଇଥିଲା l ଓଡିଶା ସରକାରଙ୍କ ସମନ୍ୱିତ ଜଳସେଚନ ପ୍ରକଳ୍ପ ଜଳବାୟୁ ପରିବର୍ତନକୁ ସୁହାଇଲା ଭଳି ନୂତନ ଧାନ ଚାଷ କରାଯାଇ ଏହି ବଲାଙ୍ଗୀର ଜିଲ୍ଲାର ଜଳବାୟୁକୁ ଲକ୍ଷକରି ବିଭିନ୍ନ କିସମର 19 ପ୍ରକାର ଧାନକୁ ପାଣ୍ଡରାଣୀ ଗ୍ରାମରେ ଥିବା ଜୟ ହନୁମାନ ପାଣିପଞ୍ଚାୟତ ତଥା ପାଣ୍ଡରାଣୀରେ ଥିବା ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ ସହାୟତାର 19 କିସମର ବିଭିନ୍ନ ଅବଧିର ଧାନକୁ ଚାଷ କରାଯାଇଥିଲା l ଆଜିର ଏହି ମୂଲ୍ୟ ଆକଳନ ଏବଂ ସଶ୍ୟକାଟ କ୍ଷେତ୍ର ଦିବସରେ ଉପସ୍ଥିତ ହୋଇ ବ୍ଲକ କୃଷି ଅଧିକାରୀ ଉମାଶଙ୍କର ପତି ଚାଷୀ ମାନଙ୍କୁ ଅଧିକ ଅମଳକ୍ଷମ ଗୁଣବତ୍ତା ଧାନଚାଷ ନିମନ୍ତେ ଅନୁରୋଧ କରିଥିଲେ l ଏହାପରେ ବିଭିନ୍ନ ଚାଷୀ ଏବଂ ସ୍ୱୟଂ ସହାୟକ ଗୋଷ୍ଠୀ, ମା ମଙ୍ଗଳା ସିଂହବାହିନୀ, ମା ଦୁର୍ଗା, ମା ଧରିତ୍ରୀ ସାଗରୀକା ଉପସ୍ଥିତ ରହି ଧାନର ମୂଲ୍ୟାଙ୍କନ କରିଥିଲେ l ଅନ୍ତର୍ଜାତୀୟ ଧାନ ଗବେଷଣା କେନ୍ଦ୍ରର ଦିଲ୍ଲୀପ କୁମାର ରାଉତ

ଏବଂ ଆଶିଷ କୁମାର ମହାପାତ୍ରଙ୍କ ପ୍ରତ୍ୟକ୍ଷ ତତ୍ଵାବଧାନରେ ଅଙ୍କିତ, ଡ଼ିଆଇଆର-50 ବିରି-69, ବିଷl-17, ସିଆର-310, ସିଆର-311, ସ୍ଵର୍ଣଶକ୍ତି ସ୍ଵର୍ଣଶ୍ରୀୟା, ଆଦି 19 ପ୍ରକାର ଧାନକୁ ଚାଷ କରାଯାଇଥିଲା l ଆଜିର ଏହି କାର୍ଯ୍ୟକ୍ରମରେ ଇରିର ସମ୍ପଦ କୁମାର ନାଏକ ସ୍ୱାଗତ ଭାଷଣ କରିଥିବା ବେଳେ ଅଫିସର ଦିଲ୍ଲୀପ କୁମାର ରାଉତ ଏହି କାର୍ଯ୍ୟକ୍ରମର ଲକ୍ଷ ଉଦେଶ୍ୟ ବିଷୟରେ ପୁଙ୍ଖନୁପୁଙ୍ଖ ଆଲୋଚନା କରିଥିଲେ l ଏହି କାର୍ଯ୍ୟକ୍ରମରେ କୃଷି କର୍ମକର୍ତା ଧରିତ୍ରୀ ସାହୁ, ସୁକାନ୍ତି ମହାନନ୍ଦ ଉପସ୍ଥିତ ଥିଲେ l ସର୍ବୋକୃଷ୍ଟ ଧାନଭାବେ ବିଆରଆରଆଇ-75, ବିରି-39, ବିରି -69, ଅଙ୍କତ ଧାନକୁ ଶ୍ରେଷ୍ଠ ବିବେଚିତ କରିଥିଲେ l ଶେଷରେ ଅଗ୍ରଣୀ ଚାଷୀ ଜଗତରାମ ଧନ୍ୟବାଦ ଅର୍ପଣ କରିଥିଲେ l