10-Nov-2021

ବରଗଡ(ନିରଞ୍ଜନ ତ୍ରିପାଠୀ) :-ଆଜି ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦିକା ତଥା ଓଡିଶା ପ୍ରଭାରୀ ଡ଼ି. ପୁରନ୍ଦେଶ୍ୱରୀ  ଙ୍କ  ପ୍ରଥମ ବରଗଡ଼ ଜିଲ୍ଲା ଗସ୍ତ ଅବସରରେ ବରଗଡ଼ ଜିଲ୍ଲା ବିଜେପି କାର୍ଯ୍ୟାଳୟ ଠାରେ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।ଏହି ଅବସରରେ ଜିଲ୍ଲା ସଭାପତି ଆଶ୍ୱିନୀ ଷଡ଼ଙ୍ଗି ଙ୍କ ସଭାପତିତ୍ୱରେ ଏବଂ ଜିଲ୍ଲା ସାଧାରଣ ସଂପାଦକ ରବି ନାରାୟଣ ଦାଶ ଙ୍କ ସଂଯୋଜନାରେ ଏକ ଜିଲ୍ଳା ସ୍ତରୀୟ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି।ଏହ ବୈଠକରେ ମୁଖ୍ୟ ଅତିଥି ଭାବେ ମାନନୀୟା ଡି. ପୁରନ୍ଦେଶ୍ୱରୀ  ଯୋଗଦେଇ ଜିଲ୍ଲାର ସମସ୍ତ ସାଙ୍ଗଠନିକ ମଣ୍ଡଳ ଗୁଡ଼ିକୁ ସଶକ୍ତ କରିବା ସହିତ ପ୍ରତ୍ୟେକ ବୁଥ କମିଟି କୁ ସକ୍ରିୟ କରିବା ପାଇଁ କାର୍ଯ୍ୟକର୍ତ୍ତା ମାନଙ୍କୁ ପରାମର୍ଶ   ଦେଇଥିଲେ।ଏଥି  ସହିତ ଓଡ଼ିଶାରେ ମହିଳା ମାନଙ୍କୁ ସୁରକ୍ଷା ଦେବାରେ ନବୀନ ସରକାର ସମ୍ପୂର୍ଣ୍ଣ ରୂପେ ବିଫଳ ହୋଇଥିବାରୁ ,ଏହି ସରକାର ।

ବିରୁଦ୍ଧରେ ଆନ୍ଦୋଳନ କୁ ଜୋରଦାର କରିବା ପାଇଁ ଆହ୍ବାନ ଦେଇଥିଲେ।ବରଗଡ ସାଂସଦ ଶ୍ରୀଯୁକ୍ତ ସୁରେଶ ପୂଜାରୀ ସମ୍ମାନିତ ଅତିଥି ଭାବେ ଯୋଗଦେଇ ଗୋବିନ୍ଦ କୁମ୍ଭାର ହତ୍ୟାକାଣ୍ଡ ର ଅଭିଯୁକ୍ତ ମାନଙ୍କୁ ଆଜି ପର୍ଯ୍ୟନ୍ତ ଗିରଫ କରାଯାଇ ନ ଥିବାରୁ ଏବଂ ମମିତା ମେହେର ହତ୍ୟାକାଣ୍ଡ ରେ ଅଭିଯୁକ୍ତ ମାନଙ୍କୁ ରାଜ୍ୟ ସରକାର ସୁରକ୍ଷା ଦେଉଥିବାରୁ ଏହାର ତୀବ୍ର ନିନ୍ଦା କରିବାସହିତ ,ଆସନ୍ତା ୧୩ ତାରିଖରେ ମୁଖ୍ୟମନ୍ତ୍ରୀ ଙ୍କ ସରକାରୀ କାର୍ଯ୍ୟକ୍ରମ କୁ ସେ ବର୍ଜନ କରିବେ ବୋଲି ଘୋଷଣା କରିଥିଲେ।ଏହି ବୈଠକରେ ସମ୍ମାନିତ ଅତିଥି ଭାବେ ବିଜେପି ରାଜ୍ୟ ସାଧାରଣ ସମ୍ପାଦକ(ସଂଗଠନ)  ଶ୍ରୀଯୁକ୍ତ ମାନସ ମହାନ୍ତି, ରାଜ୍ୟ ସାଧାରଣ ସମ୍ପାଦକ ଶ୍ରୀଯୁକ୍ତ ରବି ନାଏକ, ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରି ନାଏକ, ଯୁବ ମୋର୍ଚ୍ଚା ରାଜ୍ୟ ସଭାପତି ଇରାଶିଷ ଆଚାର୍ଯ୍ୟ ,ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ମୁକ୍ତା ସାହୁ ପ୍ରମୁଖ ଯୋଗଦେଇଥିଲେ।

ଆଜିର ଏହି ବୈଠକରେ ଅନ୍ୟ ମାନଙ୍କ ମଧ୍ୟରେ ବରିଷ୍ଠ ବିଜେପି ନେତା ସୁରେଶ୍ୱର ଶତପଥି, ଡ଼ି ମୁରଲୀ କ୍ରିଷ୍ଣା, ସନତ ଗଡ଼ତିଆ,ମିଳନ ସେଠ,ସୌରୀ ଚରଣ ବାରିକ ,ଅରୁପା ସାହୁ,ପୁର୍ବତନ ବିଧାୟକ ମହମ୍ମଦ ରଫିକ ଏବଂ କୁମର ବେହେରା,ମଦନ ଦୀପ, ଗୋବର୍ଦ୍ଧନ ଭୁଏ, ଈଶ୍ୱର ବାଗ, ପ୍ରବୀଣ ପାଣିଗ୍ରାହୀ,କୁଶ କୁମ୍ଭାର, ଅକୁର ମଲ୍ଲିକ, ଅଶୋକ ପଣ୍ଡା, ସୁଶାନ୍ତ ମିଶ୍ର, ଗୁନାରୁ ପଧାନ,ସରୋଜ ସାମଲ,ସୁନନ୍ଦା ମେହେର, ଅମିତ ପଣ୍ଡା,ଶାନ୍ତନୁ ନାଏକ,ଶ୍ରୀକାନ୍ତ ମିଶ୍ର, ନବ କିଶୋର ପାଣିଗ୍ରାହୀ ,ବିଷ୍ଣୁ ଅଗ୍ରୱାଲ ,ପୂଜା ମହାପାତ୍ର, ଖିରେଶ୍ଵରୀ ସ୍ୱାଇଁ,ସୁବ୍ରତ ହୋତା,ଯଶୋବନ୍ତ ସେଠ,ଅକ୍ଷୟ ନାଏକ ପ୍ରମୁଖ ଉପସ୍ଥିତ ଥିଲେ। ଶେଷରେ ଜିଲ୍ଲା ସାଧାରଣ ସମ୍ପାଦକ ସରୋଜ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ