09-Nov-2021

ବଲାଙ୍ଗିର(ସନ୍ତୋଷ କୁମାର ଠାକୁର) : ଚଳିତ ବର୍ଷ ନଭେମ୍ବର ୧ ତାରିଖ ଦିନ ବଲାଙ୍ଗିର ଜିଲ୍ଲାର ବିଭିନ୍ନ ସାମାଜିକ ଓ ସାଂସ୍କୃତିକ ଅନୁଷ୍ଠାନ ମାନଙ୍କ ମିଳିତ ସହଯୋଗରେ ବଲାଙ୍ଗିର ଦିନ୍ ମହାସମାରୋହରେ ପାଳିତ ହୋଇଯାଇଛି l ଏହାକୁ ଆହୁରି ସରସ ସୁନ୍ଦର କରିବା ପାଇଁ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ଓ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରlଣା ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ମୁଖ୍ୟ ଶାସନ ସଚିବଙ୍କୁ ସୁପାରିଶ କରିଛନ୍ତି l ଏହା ପୂର୍ବରୁ ବଲାଙ୍ଗୀରର ବୁଦ୍ଧିଜୀବୀ ଓ ସଂସ୍କୃତି ପ୍ରେମୀ ଏ ସଂକ୍ରାନ୍ତରେ ରାଜ୍ୟ ସରକାରଙ୍କୁ ଅନୁରୋଧ କରିଥିଲେ l ବଲାଙ୍ଗିର ଜିଲ୍ଲାପାଳଙ୍କ 

ବଲାଙ୍ଗିର ଦିନ୍  ସଫଳ ଆୟୋଜନ ପାଇଁ ଆନ୍ତରିକତା ପ୍ରଦର୍ଶନ କରି ଥିବା ବିଷୟ ସମସ୍ତ ଙ୍କୁ ଉତ୍ସାହିତ କରିଛି l ଜିଲ୍ଲାପାଳଙ୍କ ସୁପାରିଶ ପରେ ବଲାଙ୍ଗିର ଦିନ ଆୟୋଜକ କମିଟି ର ସଭ୍ୟ ସଭ୍ୟା ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି l ଏହି ଅବସରରେ ଆଜି ଆୟୋଜକ କମିଟିର ସଭ୍ୟ ମାନେ ଜିଲ୍ଲାପାଳ ଶ୍ରୀ ରlଣା ଙ୍କୁ ତାଙ୍କ କାର୍ଯ୍ୟାଳୟ ରେ ସାକ୍ଷାତ କରି ମୁମେଣ୍ଟୋ ଓ ଉପଢୌକନ ପ୍ରଦାନ ଦେଇ ସମ୍ବର୍ଦ୍ଧିତ କରିଥିଲେ l କମିଟିର ସଭ୍ୟ ରତନ ମହାରଣା, ପ୍ରଭାକର ମିଶ୍ର, ପ୍ରଭାସ ପାଣିଗ୍ରାହୀ, ଅଙ୍କୁଶ ପାଣ୍ଡିଆ, ପ୍ରଶାନ୍ତ ମହାକୁଡ, ଜୟାକୃଷ୍ନ ମିଶ୍ର ପ୍ରମୂଖ ଉପସ୍ଥିତ ଥିଲେ l