09-Nov-2021

ଢେଙ୍କାନାଳ (ପ୍ରେରଣା ଖବର) ଆଜି ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଶ୍ରୀ ଶରତ କୁମାର ଦେହୁରୀଙ୍କ ନିର୍ଦ୍ଦେଶକ୍ରମେ ଅନଲାଇନ୍ ମାଧ୍ୟମରେ ଜାତୀୟ ଆଇନ ସେବା ଦିବସ ପାଳନ କରାଯାଇଛି । ଏହି ଅବସରରେ ଜିଲ୍ଲା ଆଇନ୍ ସେବା ପ୍ରାଧିକରଣର ସଚିବ ଶ୍ରୀ ସୁକାନ୍ତ କିଶୋର ଜେନା ଉପସ୍ଥିତ ରହି ଜାତୀୟ ଆଇନ ସେବା ପ୍ରାଧିକରଣ , ରାଜ୍ୟ ଆଇନ ସେବା ପ୍ରାଧିକରଣ ଓ ଜିଲ୍ଲା ଆଇନ ସେବା ପ୍ରାଧିକରଣର ମହତ୍ବ ଓ କାର୍ଯ୍ୟକାରିତା ବିଷୟରେ ବିଷଦ୍ ଭାବରେ ଆଲୋଚନା କରିଥିଲେ । ସମାଜରେ ଥିବା ଅବହେଳିତ ଓ ଗରିବ ଲୋକମାନଙ୍କୁ କିପରି ସୁବିଧାରେ ଆଇନ ସେବା ଯୋଗାଇ ଦିଆଯାଇ ପାରିବ , ସେ ବିଷୟରେ କାର୍ଯ୍ୟକ୍ରମରେ ଉପସ୍ଥିତ ଥିବା ଜିଲ୍ଲା ଆଇନ୍ ସେବା ପ୍ରାଧିକରଣର ପ୍ୟାନେଲ ଲୟର , ପି.ଏଲ.ଭି ଏବଂ ଆଇନ କଲେଜ, ଢେଙ୍କାନାଳର ଛାତ୍ରଛାତ୍ରୀ ମାନଙ୍କୁ ବିଷଦ୍ ଭାବରେ ବୁଝାଇ ଥିଲେ  ।