07-Nov-2021

ବଲାଙ୍ଗିର(ସନ୍ତୋଷ କୁମାର ଠାକୁର) ଆଦିବାସୀ ଅଧ୍ୟୁଷିତ ଟିଟିଲାଗଡ଼ ବ୍ଲକ ସୁର୍ଡ଼l ଗାଁ ରେ ଉପଖଣ୍ଡ ସ୍ତରୀୟ ବିଶାଳ ଆଦିବାସୀ ମେଳି ହୋଇଯାଇଛି.ପାରମ୍ପରିକ ବେଶ ଭୂଷା ଏବଂ ଅସ୍ତ୍ରଶସ୍ତ୍ର ସହିତ ଡକା ଢ଼ାପ ବାଦ୍ୟ ର ତାଳେ ତାଳେ ଆଦିବାସୀ ମାନେ ନିଜର ପ୍ରାଚୀନ ନୃତ୍ୟ ଗୀତ ପରିବେଷଣ କରି ଗାଁ ପରିକ୍ରମା କରିଥିଲେ.ଯାନୀ ଝାଙ୍କର ଦେହେରୀ ସହିତ ଆଦିବାସୀ ଙ୍କ ଇଷ୍ଟ ଦେବୀ ଜାଡେନ, ଧରନୀ, ଚକ୍ରଧାର ଙ୍କୁ ପୂଜାପାଠ କରିଥିଲେ.ପରେ ଉତ୍କଳ କନ୍ଧ ସମାଜ ଲୁହା ପ୍ରଗଣା ସଭାପତି ଚୈତନ୍ୟ ମାଝି ଙ୍କ ସଭାପତିତ୍ୱ ରେ ସଭା ଅନୁଷ୍ଠିତ ହୋଇଥିଲା.ଶିକ୍ଷା ଅଧିକାର ଆଇନ ଅନୁସାରେ ଆଦିବାସୀ ଛାତ୍ରଛାତ୍ରୀ ମାନଙ୍କୁ କିସ ଢାଞ୍ଚା ରେ ଉଭୟ କେନ୍ଦ୍ର ଏବଂ ରାଜ୍ୟ ସରକାର ନିଃଶୁଳ୍କ ପୋଷ୍ଟ ଗ୍ରାଜୁଏଟ ପର୍ଯ୍ୟନ୍ତ ଉଚ୍ଚ ଶିକ୍ଷା,ଗୁଣାତ୍ମକ ଶିକ୍ଷା,ବୈଷୟିକ ଶିକ୍ଷା ପ୍ରଦାନ କରିବା,ନକଲି ଆଦିବାସୀ କର୍ମଚାରୀ ମାନଙ୍କୁ ଚାକିରୀ ରୁ ବହିସ୍କୃତ କରିବା,ବେ ଆଇନ ଦଖଲ ସୂତ୍ରରେ ଅଣ ଆଦିବାସୀ ଙ୍କ କବ୍ଜା ରେ ଥିବା

ଆଦିବାସୀ ଜମି ଫେରସ୍ତ କରିବା,ଆଦିବାସୀ ଛାତ୍ରଛାତ୍ରୀ ଙ୍କ ଷ୍ଟାଇପେଣ୍ଡ ବୃଦ୍ଧି କରିବା,ମେଡିକାଲ ଇଞ୍ଜିନିଅରିଙ୍ଗ ଶିକ୍ଷାନୁଷ୍ଠାନ ରେ ଆଦିବାସୀ ଛାତ୍ରଛାତ୍ରୀ ଙ୍କ ସକାଶେ ଶତକଡା 23 ପ୍ରତିଶତ ସ୍ଥାନ ସଂରକ୍ଷଣ କରିବା,ଦାଦନ ଚାଲାଣ ରୋକିବା ପାଇଁ ଗରିବ ଆଦିବାସୀ ମାନଙ୍କୁ ସ୍ୱତନ୍ତ୍ର ଆର୍ଥିକ ସହାୟତା ପ୍ରଦାନ କରିବା,ଏଟ୍ରୋସିଟି ମାମଲା ରେ ପୀଡିତ ପରିବାର କୁ ଏସଟି ଏସସି ନିର୍ଯାତନା ନିବାରଣ ଆଇନ ଅନୁସାରେ ସୁରକ୍ଷା ପ୍ରଦାନ,ଆଦିବାସୀ ସଂସ୍କୃତି ପୀଠ ର ସୁରକ୍ଷା କରିବା,ଆଦିବାସୀ ଙ୍କ ଜମି ଜଳ ଜଙ୍ଗଲ ଜୀବନ ଜୀବିକା ର ସୁରକ୍ଷା କରିବା ଦିଗରେ ସରକାର ତୁରନ୍ତ ପଦକ୍ଷେପ ନେବାକୁ ଆଦିବାସୀ ମାନେ ଦାବୀ କରିଥିଲେ.ଆଦିବାସୀ ଙ୍କ ସମସ୍ୟା ସମାଧାନ କରିବା ଦିଗରେ ସରକାର ଅବହେଳା କଲେ ସାଲିସ ବିହୀନ ସଂଗ୍ରାମ କରିବାକୁ ଆଦିବାସୀ ମାନେ ଚେତାବନୀ ଦେଇଥିଲେ.ମହାମେଳି ମଞ୍ଚରେ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଂଘ ର ମହାସଚିବ ନିରଞ୍ଜନ ବିଶି,ଆଦିବାସୀ ନେତା ଅବସର ପ୍ରାପ୍ତ ଅବକାରୀ ଅଧିକ୍ଷକ ପୁରୁଷୋତ୍ତମ

ଧରୁଆ,ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର କାର୍ଯ୍ୟକାରୀ ସଭାପତି ବନଳତା ମାଝି,ଗୀତାଞ୍ଜଳି ଭୋଇ, ଟିଟିଲାଗଡ଼ ବ୍ଲକ ସଭାପତି ପଦ୍ମନ ପ୍ରଧାନୀ,ମୁରିବାହାଲ ବ୍ଲକ ସଭାପତି ଘିମାନନ୍ଦ ଭୋଇ,ସଦର ବ୍ଲକ ଉପସଭାପତି ଅଚ୍ୟୁତ ଧରୁଆ,ନଗର ସଭାପତି ନିତ୍ୟାନନ୍ଦ ମାଝି,ଉପସଭାପତି ଇନ୍ଦ୍ରମଣି ମାଝି,ଥବିର ପୂଝlରୀ,ଜ଼ିଲ୍ଲା ସମ୍ପାଦକ ହେମେନ୍ଦ୍ର ନାଥ ହାଁସଦା,ପ୍ରଫୁଲ୍ଲ ପ୍ରଧାନୀ,ସୁଶୀଲ ଭୋଇ,ସୁନୀଲ ମାଝି,ପତ୍ରଙ୍ଗି ମାଝି,ରୀନା ମାଝି,ପ୍ରମୁଖ ମଂଚାସୀନ ଥିଲେ.