07-Nov-2021

L ବରଗଡ(ନିରଞ୍ଜନ ତ୍ରିପାଠୀ) : ଓଡିଶା କର୍ମଜୀବୀ ସାମ୍ବାଦିକ ସଂଘର ଅଷ୍ଟମ ସ୍ବନକ୍ଷତ୍ର ଉତ୍ସବ ବରଗଡ ସହରର ସ୍ଥାନୀୟ ବିଜୁ ପଟ୍ଟନାୟକ ଟାଉନ ହଲ ଠାରେ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ମୁଖ୍ୟଅତିଥି ଭାବେ ଓଡ଼ିଶା ର ମାନ୍ୟବର ଗାମ୍ୟ ଉନ୍ନୟନ ତଥା ଶ୍ରମ ଓ ଇ.ଏସ୍.ଆଇ. ମନ୍ତ୍ରୀ ଶ୍ରୀ ସୁଶାନ୍ତ ସିଂ, ମୁଖ୍ୟବକ୍ତା ଭାବେ ଓଡିଶା କର୍ମଜୀବୀ ସାମ୍ବାଦିକ ସଂଘର ସଭାପତି ସୁଜ୍ଞାନ ଚୌଧୁରୀ, ସମ୍ମାନୀତ ଅତିଥି ଭାବେ ବରଗଡ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀଯୁକ୍ତ ଦେବେଶ ଆଚାର୍ଯ୍ୟ, ଅତାବିରା ବିଧାୟିକା ତଥା ରାଜ୍ୟ ବିଜେଡି ମହିଳା ସଭାନେତ୍ରୀ ଶ୍ରୀମତୀ ସ୍ନେହାଙ୍ଗିନୀ ଛୁରିଆ, ଓଡିଶା କର୍ମଜୀବୀ ସାମ୍ବାଦିକ ସଂଘର ରାଜ୍ୟ ଉପସଭାପତି ଆଶୁତୋଷ ରଥ, ଓଡିଶା କର୍ମଜୀବୀ ସାମ୍ବାଦିକ ସଂଘର ଆଇନ ପରାମର୍ଶ ଦାତା ଶ୍ରୀଯୁକ୍ତ କିରଣ କୁମାର ମିଶ୍ର ଏବଂ ଓଡିଶା କର୍ମଜୀବୀ ସାମ୍ବାଦିକ ସଂଘର ପଶ୍ଚିମ ଓଡିଶା ସମ୍ପାଦକ ଏମ୍.ଡି.ନିଜାମୁଦ୍ଧିନ ଯୋଗଦେଇଥିଲେ l ତତସଙ୍ଗେସଙ୍ଗେ ବରଗଡ ଜିଲ୍ଲା ଶାଖା ସଭାପତି ତ୍ରୀବିକ୍ରମ ତ୍ରିପାଠୀ, ସମ୍ପାଦକ ପରମାନନ୍ଦ ମିଶ୍ର, ସାଂସ୍କୃତିକ ସମ୍ପାଦକ କିଶନଲାଲ ଅଗ୍ରଓ୍ବାଲ ମଞ୍ଚାସୀନ ଥିଲେ। ସଂଘର କର୍ମକର୍ତ୍ତାମାନେ ଅତିଥିମାନଙ୍କୁ ପୁଷ୍ପଗୁଚ୍ଛ ସହ ଉପଢୌକନ ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ। ସଂଘର ରାଜ୍ୟ ଉପସଭାପତି ଆଶୁତୋଷ ରଥ ସଭା ପରିଚାଳନା କରିଥିବା ବେଳେ କାର୍ଯ୍ୟକ୍ରମରେ ସଂସଦୀୟ ଗଣତନ୍ତ୍ର ଓ ପ୍ରେସ ସ୍ବାଧିନତା ବିଷୟରେ ଆଲୋଚନା କରାଯାଇଥିଲା। ସମାଜରେ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଡ.ସୁସ୍ମିତା ଦାଶଙ୍କୁ ସେବାରତ୍ନ ସମ୍ମାନ, ଭୋଜରାଜ ବାଗଙ୍କୁ ସମାଜ ଗୌରବ ସମ୍ମାନ, ସୁମିତ ଅଗ୍ରଓ୍ବାଲଙ୍କୁ ସେବା ଗୌରବ ସମ୍ମାନ, ସୁନିତା ବଲଦିଆଙ୍କୁ ସମାଜ ଗୌରବ ସମ୍ମାନ, ନିମାଇଁ ଚରଣ ମହାପାତ୍ରଙ୍କୁ

ସମାଜସେବା ସମ୍ମାନ, ଉଦ୍ଧବ ପଣ୍ଡାଙ୍କୁ ସାମ୍ବାଦିକ ଗୌରବ ସମ୍ମାନ, ବାଲାଜୀ ତରାସିଆଙ୍କୁ ସାମ୍ବାଦିକ ସେବା ସମ୍ମାନ ଏବଂ ମହେନ୍ଦ୍ର ସାହୁଙ୍କୁ ଯୁବ ସାମ୍ବାଦିକ ସମ୍ମାନ, ଅନୁସୂୟା ଦେବତା ଙ୍କୁ ସମାଜସେବା କ୍ଷେତ୍ରରେ ସମ୍ମାନୀତ କରି ଉପଢୌକନ , ପୁଷ୍ପଗୁଚ୍ଛ, ମୋମେଂଟ  ପ୍ରଦାନ କରି ସମ୍ମାନୀତ କରାଗଲା। ଗାୟୀକା ସୁଶ୍ରୀ ସୌଭାଗ୍ୟ ଲକ୍ଷ୍ମୀ ଦାଶ ପ୍ରାରମ୍ଭିକ ସଂଗୀତ ଗାନ କରିଥିବା ବେଳେ  ନଟରାଜ କଳା ପରିଷଦ ଅତାବିରା ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବା ସହିତ ମାଁ ସେରାବାଲି  ଦୁଲଦୁଲି ଅତାବିରା ଦ୍ୱାରା 'ଦୁଲଦୁଲିବାଜା' ଢ଼ୋଲ, ନିଶାନରେ ଗର୍ଜି ଉଠିଥିଲା l ଶେଷରେ  ସଂଘର ସାଂସ୍କୃତିକ ସମ୍ପାଦକ କିଷନଲାଲ ଅଗ୍ରୱାଲ  ଧନ୍ୟବାଦ ଅର୍ପଣ କରିଥିଲେ