06-Nov-2021

ବିନିକା(ହିମାଂଶୁ ଶେଖର ପୁଟେଲ) ଜୀବଜନ୍ତୁଙ୍କ ସୁରକ୍ଷା ପାଇଁ ସରକାର ବିଭିନ୍ନ ଯୋଜନା ମାଧ୍ୟମରେ ପଦକ୍ଷେପ ଗ୍ରହଣ କରୁଥିବା ଏବଂ ଏଥିପାଇଁ ବିଭାଗ ସୃଷ୍ଟି କରିଥିବା ବେଳେ ବିଭାଗୀୟ କର୍ମଚାରୀଙ୍କ ଅବହେଳା ଯୋଗୁଁ  ଅବାଧରେ ଲୋକେ ଶିକାର ଉଦ୍ଦେଶ୍ୟରେ ଜଙ୍ଗଲକୁ ଯାଇ ବିଭିନ୍ନ ପ୍ରକାରର ଜୀବଜନ୍ତୁ ଙ୍କୁ ଶିକାର କରୁଥିବା ଦେଖିବାକୁ ମିଳିଛି ସମ୍ପ୍ରତି ବିନିକା ବନବିଭାଗ ଅଧୀନସ୍ଥ ଜଙ୍ଗଲ ଗୁଡିକରେ l ଖବର ନେବାରୁ ଜଣାପଡିଛି ବିନିକା ନିକଟ ବର୍ତି ଘଣ୍ଟାସୁନି ଜଙ୍ଗଲ ଓ ସିଂହିଯୁବା ଧ୍ଵଜା ବନ୍ଧା ଜଙ୍ଗଲରେ ବିଭିନ୍ନ ପ୍ରକାରର ଜୀବଜନ୍ତୁ ବାସ କରୁଛନ୍ତି l

ବିଶେଷ କରି ବାରାହା ଓ ଝିଙ୍କ ଜନ୍ତୁଙ୍କ ସଂଖ୍ୟା ଅଧିକ ରହିଛି l ଲୋକେ ଏମାନଙ୍କୁ ଖାଇବା ପାଇଁ ଅବାଧରେ ଜଙ୍ଗଲକୁ ଯାଇ ଶିକାର କରୁଛନ୍ତି l ଯାହା ଫଳରେ ଏହି ଜନ୍ତୁ ମାନଙ୍କ ସଂଖ୍ୟା ଧୀରେ ଧୀରେ କମିବାକୁ ବସିଲାଣି l ଜଙ୍ଗଲ ସୁରକ୍ଷା ପାଇଁ ସରକାର ବନବିଭାଗ ସୃଷ୍ଟି କରି ଏଠାରେ କାର୍ଯ୍ୟରତ କର୍ମଚାରୀଙ୍କୁ ହଜାର ଟଙ୍କାର ଟଙ୍କା ମାସିକ ଆକାରରେ ଦରମା ଦେଉଛନ୍ତି l ହେଲେ କେତେକ କର୍ମଚାରୀଙ୍କ କାର୍ଯ୍ୟରେ ଅବହେଳା ଯୋଗୁଁ ଶିକାରୀ ମାନେ ବେଖାତିର ଭାବରେ ଜଙ୍ଗଲକୁ ପ୍ରବେଶ କରି ଜନ୍ତୁଙ୍କ ଶିକାର କରି ବେଶ ଲାଭବାନ ହେଉଛନ୍ତି l ବନବିଭାଗ ପକ୍ଷରୁ ଲୋକ ଦେଖାନିଆ ଭାବେ କାଁ ଭାଁ ଚଡାଉ କରାଯାଉଛି ସତ ହେଲେ ଶିକାରୀ ସେମାନଙ୍କୁ ଚକମା ଦେଖାଇ ନିଜର କାର୍ଯ୍ୟକୁ ସଫଳ କରୁଥିବା ଜଣାପଡିଛି l ଏ ବିଷୟରେ ବନବିଭାଗ ଅଧିକାରୀ ଶିବ ନାଏକଙ୍କୁ ଫୋନ ଯୋଗେ ପଚାରିବାରୁ ଖବର ମିଳିବା ମାତ୍ରେ ବନବିଭାଗ ତରଫରୁ ଚଡାଉ କରାଯାଉଛି ବୋଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଥିଲେ l