06-Nov-2021

 ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)  ଅନେକ ସମୟରେ ବିଭିନ୍ନ ବ୍ୟାଙ୍କ ରେ  ଏଟିଏମ କାଉଣ୍ଟର  ମାନଙ୍କରେ ଗ୍ରାହକ ମାନେ ତରବରିଆ ଭାବେ ଏଟିଏମ କାର୍ଡ ୟୁଜ ପାଇଁ ହେଉ କିମ୍ବା ନେଟ ସ୍ଲୋ ପାଇଁ ହେଉ ମିସ କେଶ ଡେସ୍ପାଜ ହୋଇଥାଏ l ଏବଂ ଗ୍ରାହକ ମାନେ ଅପେକ୍ଷା ନ କରି ସେଠୁ ଫେରି ଯାଆନ୍ତି l ଆଉ ତାଙ୍କ ଟଙ୍କା ସବୁ ପରେ ଏଟିଏମ ରୁ ବାହାରି ଅଲଗା ଲୋକଙ୍କ ହାବୁଡ଼ରେ ପଡିଥାଏ l ପରେ କିନ୍ତୁ ଆଗ ଗ୍ରାହକଙ୍କ ଏକାଉଣ୍ଟ ରୁ ଟଙ୍କା ଡେବିଟ ଦେଖାଏ l ଏଭଳି ପର ଲୋକ ର ଟଙ୍କା  ପାଇ  ଖୁବ କମ ଲୋକ ବ୍ୟାଙ୍କ  ଅଧିକାରୀଙ୍କୁ  ଆସି ହସ୍ତାନ୍ତର କରି  ମଣିଷ ପଣିଆ ର ପରିଚୟ ଦେଇଥାନ୍ତି l ଆଉ ଗତ କାଲି ସୋନପୁର ଷ୍ଟେଟ ବ୍ୟାଙ୍କ ରେ  ଏଟିଏମ ରୁ ୧୪୦୦ ଟଙ୍କା ପାଇ  ବ୍ୟାଙ୍କ ଚିଫ ମ୍ୟାନେଜର ଶରତ କୁମାର ଦେହୁରୀ ଙ୍କୁ ହସ୍ତାନ୍ତର କରି   ଶାଖା  ମ୍ୟାନେଜର ଓ  କର୍ମଚାରୀଙ୍କ ଠାରୁ  ଖୁବ  ପ୍ରଶଂସିତ  ହୋଇଛନ୍ତି  ଓ ଜଣେ ଭଲ ମଣିଷର ପରିଚୟ ଦେଇଛନ୍ତି  ସୋନପୁର ଘୋଡ଼ାଘାଟପଡ଼ା ର ଯୁବକ ପ୍ରଫୁଲ୍ଲ ନାଏକ l ଶ୍ରୀ ନାଏକ ଗତ କାଲି ସକାଳେ ୮ ଟା ୩୦ ରେ ଏଟିଏମ ରୁ ଟଙ୍କା ଉଠାଇବାକୁ ଯାଇଥିବା ବେଳେ ଆଉ ଜଣେ କୌଣସି ପୂର୍ବ ଗ୍ରାହକ ଙ୍କ ୧୪୦୦ ଟଙ୍କା ଏଟିଏମ ରୁ ବାହାରିଥିଲା l ଏବଂ ସେ ଆଜି ବ୍ୟାଙ୍କ ମ୍ୟାନେଜର ଙ୍କୁ  ସମ୍ମାନ ର ସହ ସେ ଟଙ୍କା ଫେରସ୍ତ କରିଥିଲେ l ଶ୍ରୀ ନାଏକ ସୋନପୁର କଲେଜ ର ଜଣେ କର୍ମଚାରୀ ତଥା ସ୍ୱଚ୍ଛ ଭାରତ ସଂଗଠନ ସୋନପୁର -ମନମୁଣ୍ଡା ର ଉପ ସଭାପତି ଭାବେ ମଧ୍ୟ ଶୃଙ୍ଖଳା ର ସହ କାର୍ଯ୍ୟ ତୁଲାଇ ସେ ଆଜି ସବୁ ମହଲ ରେ ନାଁ ରଖିଛନ୍ତି l ଏବଂ  ସେ  ସହର ର ଅନେକ ସାମାଜିକ ଅନୁଷ୍ଠାନ ସହିତ ଜଡିତ ରହି  ସକ୍ରିୟ ଭାବେ  କାର୍ଯ୍ୟ କରୁଛନ୍ତି  l ଶ୍ରୀ ନାଏକଙ୍କ ଏ ମହାନତା ବଦାନ୍ୟତା ପାଇଁ ବ୍ୟାଙ୍କ ଅଧିକାରୀ ,କର୍ମଚାରୀଙ୍କ ଠାରୁ ଅନେକ ପ୍ରଶଂସା ପାଇ ଥିବା ବେଳେ   ସ୍ୱଚ୍ଛ ଭାରତ ସଂଗଠନ ର ସଭାପତି ଲକ୍ଷ୍ମୀ ମେହେରଙ୍କ ସମେତ ସମସ୍ତ କର୍ମକର୍ତ୍ତା ଶ୍ରୀ ନାଏକଙ୍କୁ ସ୍ୱଚ୍ଛ ଭାରତର ଏହା ଏକ ବଡ ଗୌରବ ବୋଲି ପ୍ରଶଂସା କରିଛନ୍ତି l ବ୍ୟାଙ୍କରେ ଏକ ପଞ୍ଚନାମl କରାଯାଇ ସ୍ୱତନ୍ତ୍ର ଏକାଉଣ୍ଟରେ ଏ ଟଙ୍କା କୁ ରଖା ଯାଇଥିବା ଖବର ମିଳିଛି l