06-Nov-2021

କଳାହାଣ୍ଡି,କୋକସରା(ତ୍ରିନାଥ ଵେଶ୍ରା): କଲାହାଣ୍ଡି ଜିଲ୍ଲା କୋକସରା ବ୍ଳକ ଟେମରା ପଞ୍ଚାୟତ ଖୁର୍ସେଲ ଗୁଡା ଠାରେ ଶୁକ୍ରବାର କୋକସରା ତାଲୁକ ଆଇନ ସେବାସମିତି ପକ୍ଷରୁ ଏକ ଆଇନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏଥିରେ କୋକସରା ପି ଏଲ୍ ଭି  ଚକ୍ରଧର ବେଶ୍ରା ଯୋଗଦେଇ ତାଲୁକ ଆଇନ ସେବା ସମିତିର ଉଦ୍ଦେଶ୍ୟ ଏବଂ ନିରୀହ ଜନସାଧାରଣ ବିନା ମୂଲ୍ୟରେ କିପରି  ସହଜରେ  ଆଇନର  ସହାୟତା   ପାଇପାରିବେେ ସେ ସମ୍ପର୍କରେ ଆଲୋଚନା କରିଥିଲେ । କୋକସରା ଜେଏମ୍ ଏଫ୍ ସି କୋର୍ଟ ରେ ଏକ ଫ୍ରଣ୍ଟ ଅଫିସ ଖୋଲାଯାଇ ସେଠାରେ ଜଣେ ଆଇନଜୀବୀଙ୍କୁ ଦାୟିତ୍ୱ ପ୍ରଦାନ କରାଯାଇଛି ବୋଲି ଶ୍ରୀ ବେଶ୍ରା ବୁଝାଇ ଥିଲେ l 'ଦୃତଗତି ମହାବିପତ୍ତି , ଗାଡ଼ି ଚଲେଇଲା ବେଳେ ହେଲମେଟ ଓ ସିଟ୍ ବେଲ୍ଟ ବ୍ୟବହାର କରିବା, ନିଜ ପରିବେଶ ନିଜେ ସଫାରଖିବା, ବାଳ୍ୟବିବାହ ବନ୍ଦ କରିବା, ମହିଳାଙ୍କୁ ସମ୍ମାନ ଦେବା, ଶିଶୁ ଶ୍ରମିକ ରୋକିବା ଭଳି ଅନେକ ବିଷୟରେ ବିଶେଷ ଭାବରେ ବୁଝାଇ ଥିଲେ l ସମାଜସେବୀ କେଶରି ପୁଝାରି, ଲିଙ୍ଗରାଜ ଲଦୁଆ, କୋକିଳ ପରାଭୋଇ, ନାରାୟଣ ରାଓ, ଦନାର ଲଦୁଆ, କେଶରୀ ପାଲ୍ଲି, ଦେବିସିଂ ରାଓ, ପୁନେ ପୁଝାରି, ସରସ୍ୱତୀ ପୁଝାରି ,ସୁର୍ଯ୍ୟ ବେହେରା ,ମଞରି ସାହୁ ,ମିଥିଲା ନାଗ ,ହେମ ନାଗ, ନମିତା ଲଦୁଆ, ହେମ ଲଦୁଆଙ୍କ ସମେତ ବହୁ ବ୍ୟକ୍ତି ବିଶେଷ ଉପସ୍ଥିତ ଥିଲେ ।