03-Nov-2021

ଟିଟିଲାଗଡ଼, ରାଜ୍ୟରେ ବର୍ତ୍ତମାନ ଟିଟିଲାଗଡ଼ ଥାନା ରୁ ମମିତା ମାମଲାରେ ଅଭିଯୁକ୍ତ ଫେରାର ହୋଇ ଜିବା ଘଟଣା ର ନିଆଁ ଲାଗି ଥିବା ବେଳେ ଆଉ ଜଣେ ନାବାଳିକାକୁ ବିକ୍ରି ମାମଲାରେ  ପୋଲିସ ଏପରି ସମ୍ବେଦନଶୀଳ ଘଟଣାରେ ନିରବ ରହିବା ଘଟନା ସମସ୍ତଙ୍କୁ ଚକିତ କରି ଦେଇଛି l ଟିଟିଲାଗଡ଼ ଉପଜିଲ୍ଲାପାଳ ତୁରନ୍ତ ପଦକ୍ଷେପ ଗ୍ରହଣ କରିବା ସହ ସବିଶେଷ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି l ସୁଚନା ଅନୁଯାୟୀ ,ବଲାଙ୍ଗୀର ଜିଲ୍ଲା ଟିଟିଲାଗଡ଼ ଥାନା ଅନ୍ତର୍ଗତ ବାନ୍ଧୁପଲାର ପ୍ରମିଳା ଶେଖ(ବ-୩୪) ନାମ୍ନୀ ଜଣେ ବିଧବା ମହିଳାଙ୍କୁ ଦେବଗଡ଼ ଜିଲ୍ଲାର ଜଗଦୀଶ ମୁଣ୍ଡା ନାମକ ଜଣେ ଯୁବକ ଆସି ତାଙ୍କ ୯ ବର୍ଷୀୟା ଝିଅ ମମତା ଶେଖ କୁ ୭୦ ହଜାର ଟଙ୍କା ଦେଇ ସାଙ୍ଗରେ ନେଇ ଯିବ ଓ ତାକୁ ଛାଡି ପୁନଃ ଫେରିଆସି  କୋର୍ଟ ରେ ବିବାହ କରିବା ପ୍ରତିଶ୍ରୁତି ଦେଇଥିଲେ । ଏ ନେଇ କୋର୍ଟରେ ବିବାହ କରିବା  ପରେ ସେ ଦୁହେଁ ମିଶି ଯିବେ ବୋଲି ପ୍ରମିଳା କହିଥିଲେ । ହେଲେ ଜଗଦୀଶ ମୁଣ୍ଡା ବୋଲି ପରିଚୟ ଦେଉଥିବା ସେ ଯୁବକ ରାଜି ନ ହୋଇ ପ୍ରମିଳାଙ୍କୁ ମାଡ଼ ମାରି ଗୁରୁତର ଆହତ କରିଦେଇଥିଲା । ଏପରିକି ଗତ ତିନି ବର୍ଷ ତଳେ ତାଙ୍କ ସ୍ୱାମୀ √ ଜେରୂଲ ଶେଖ ଙ୍କ ମୃତ୍ୟୁ ପରେ ୯ ବର୍ଷୀୟ ଝିଅ ମମତା ଓ ଚାରି ବର୍ଷ ର ପୁଅ କୁ ନିଜେ ମଜୁରୀ କରି ପାଳି ଆସୁଥିଲେ । ଏପରିକି ପ୍ରମିଳା ଜଣେ ମୁସଲମାନ ବ୍ୟକ୍ତିଙ୍କୁ ବିବାହ କରିଥିବାରୁ ତାଙ୍କୁ ପରିବାର ଲୋକେ ଅଲଗା କରି ଦେଇଥିଲେ । ସେ ଅନ୍ୟତ୍ର ରହୁଥିବା ଓ ଗରିବ ଶ୍ରେଣୀର ହୋଇଥିବା ସୁଯୋଗ ନେଇ ଜଣେ ମହିଳା ସହ ଉକ୍ତ ଯୁବକ ଆସି ପ୍ରମିଳାଙ୍କ ଘରେ ବିବାହ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ସ୍ଥାପନ କରିଆସୁଥିଲା । ପ୍ରମିଳା ଙ୍କ ରହୁଥିବା ଘରେ ଥିବା ଏକ କୋଠରୀରେ କିଛି ଦିନ ଆଶ୍ରୟ ନେଇ ପରେ ଘରଭଡା  ମିଳିଲେ ଅନ୍ୟତ୍ର ଚାଲିଯିବା କହି ଦୀର୍ଘ ତିନି ମାସ ଧରି ରହିଆସୁଥିଲା । ହେଲେ ଉକ୍ତ ଝିଅକୁ ୧୩ ତାରିଖରେ ନେଇ ତାଙ୍କ ଗାଁ କୁ ଯିବ ଓ ୭୦ ହଜାର ଟଙ୍କା ଦେବ ବୋଲି କହିଥିଲା l ପରେ ଫେରି ବିବାହ କରିବା ନେଇ ପ୍ରମିଳା ରାଜି ନ ହେବାରୁ ତାଙ୍କୁ ମାଡ଼ ମାରି ଗୁରୁତର ଆହତ କରି ଦେଇଥିଲା । ଘରେ ପ୍ରମିଳାଙ୍କ ଦୁଇ ସନ୍ତାନଙ୍କୁ ତାଲା ଦେଇ ରଖି ଘରୁ କିଛି ଦୂରରେ ଗୁରୁତର ଭାବେ ରାସ୍ତାରେ ପକେଇ ଫେରିଯାଇଥିଲା । କିଛି ବ୍ୟକ୍ତି ଗୁରୁତର ଅବସ୍ଥାରେ ଦେଖି ଆମ୍ବୁଲାନ୍ସ ରେ ଟିଟିଲାଗଡ଼ ସରକାରୀ ଡାକ୍ତରଖାନାରେ ଭର୍ତ୍ତି କରେଇଥିଲେ । ସରକାରୀ ଚିକିତ୍ସାଳୟରେ ବେଡ଼ ନଂ-୧୧ ରେ ଗତ ୨୯ ତାରିଖରୁ ଭର୍ତ୍ତି ରହିଥିବା ବେଳେ ସେ ପୋଲିସ ର ଜରୁରୀକାଳୀନ ନମ୍ବର ରେ ବାରମ୍ବାର ଫୋନ କରି ତାଙ୍କ ଦୁଇ ସନ୍ତାନ ଙ୍କୁ ଉଦ୍ଧାର ପାଇଁ ନେହୁରା ହେବା ସତ୍ୱେ ପୋଲିସ ନିରବ ରହିଥିବା ନେଇ ଟିଟିଲାଗଡ଼ ଉପଖଣ୍ଡ ଆରକ୍ଷୀ ଅଧିକାରୀଙ୍କ ସରକାରୀ ମୋବାଇଲରେ ମଧ୍ୟ ବାରମ୍ବାର ଗୁହାରୀ କରି ଥିବା ସତ୍ୱେ କିଛି ପଦକ୍ଷେପ ନ ନେବା ଅଭିଯୋଗ କରିଛନ୍ତି । ସେହିପରି ଫୋନ ରେ ଉକ୍ତ ଦୁଇ ସନ୍ତାନଙ୍କୁ ଅଭିଯୁକ୍ତ ଜଗଦୀଶ  ଫୋନରେ ପୋଲିସ  କିମ୍ବା ଡାକ୍ତରଙ୍କୁ କିଛି କହେ ତେବେ ମାରିଦେଵ ବୋଲି ଧମକ ଦେଇଥିବା ଅଭିଯୋଗ କରିଛନ୍ତି । ଏପରିକି ଗତ ୧ ତାରିଖ ରେ ଉକ୍ତ ୯ ବର୍ଷୀୟା ଝିଅ କୁ ମାଡ଼ ମାରି ଗୁରୁତର ଆହତ କରିଦେଇଥିବା ବେଳେ ସେ ଚିକିତ୍ସାଧୀନ ଅବସ୍ଥାରେ ରହିଛି । ସବୁ ଆଡୁ ନିରାଶ ହୋଇ ପୀଡିତା ଗତ ୧ ତାରିଖରେ ଟିଟିଲାଗଡ଼ ଉପଜିଲ୍ଲାପାଳ ମନୋଜ ସତ୍ୟବାନ ମହାଜନଙ୍କୁ ଏ ନେଇ ଲିଖିତ ଅଭିଯୋଗ କରିଥିଲେ l ପୋଲିସ ର ଏପରି ସମ୍ବେଦନଶୀଳ ଘଟଣା ସହ ଦୁଇ ଛୋଟ ସନ୍ତାନ ଅଟକ ରଖିଥିବା ଜାଣି   ତୁରନ୍ତ ଅଭିଯୁକ୍ତ କୁ ଗିରଫ ସହ ତଦନ୍ତ ନିର୍ଦ୍ଦେଶ ଦେଇଥିବା ଜଣାଯାଇଛି  । ବର୍ତ୍ତମାନ ଆହତ ଝିଅ ଓ ମାଆ ଚିକିତ୍ସାଧିନ ଅବସ୍ଥାରେ ଥିବା ବେଳେ ଏ ନେଇ ଟିଟିଲାଗଡ଼ ଥାନା ଅଧିକାରୀ ରଞ୍ଜନ ବରିହା ତଥା ମହିଳା ଓ ଶିଶୁ ଡେସ୍କ ଅଧିକାରୀ ଘଟଣାର ତଦନ୍ତ ନିଜେ କରୁଥିବା ଜଣାଯାଇଛି । ସେହିପରି ଖବର ପାଇ ସୁଦ୍ଧା ଦାଇତ୍ୱ ରେ ଥିବା ଜଣେ ଏ ଏସ ଆଇ ଓ ଉପଖଣ୍ଡ ଆରକ୍ଷୀ ଅଧିକାରୀ ଉକ୍ତ ଦୁଇ ଶିଶୁ ଙ୍କୁ  ଅଟକ ରଖିଥିବା ଜାଣି ସୁଦ୍ଧା ପଦକ୍ଷେପ  ନେଇ ନାହାନ୍ତି l ତେଣୁ ଏ ସଂକ୍ରାନ୍ତରେ ଦୃଢ଼ କାର୍ଯ୍ୟାନୁଷ୍ଠାନ ଦାବି ହେଉଛି ।